Josué 4:22 - La'aqtaqa Ñim Lo'onatac 'Enauacna 2013

²² nache qami' qaua'aqtaxañim qome, qoñiita: ‹Na Israel le'ecpi co'ollaq naitague na le'ego so tala Jordán, qalaq daqaqattague so llegueta.

Josué 4:22 Referans Kwoze

Josué 3:17

Nache 'enauac se'eso Israel le'ecpi ỹa'axasoxoolec so tala Jordán, daqaqattague so llegueta, qalaxaye soua ntaxaỹaxanaxanaqa maye ỹachetrac aso laỹe' da naỹamaxataxac Ñim Nataxala' qalaq nache nachattrañi huetra'a ye laiñi so tala Jordán, nachattraña so deqaqta 'alhua.

Isaías 51:10

'Am, deqaqa co'ollaxa 'anqa'en aso auaxai, som 'etaxat maye huetangui aso qaỹoqchiguingui, nache na laiñi aso auaxai 'auo'ot co'ollaxa so nqa'aic da yaqto' llegueta 'anqa'en som 'anca'alaxateecpi.

Apocalipsis 16:12

Qataq jec so lỹa namaxashec piguem le'ec da icorelec so huetagui aso ỹomaxaqui so lta'araic tala le'enaxat Éufrates. Huaña, nache 'em na le'ec 'etaxat se'eso tala da yaqto' so nta'alpi maye chegaqa'ague da nala' lliguisheguem, ishet da ỹa'axasoxoolec somaye.

Isaías 44:27

Aỹem ishet da shenapega da deqaqa aso auaxai océano, qataq 'em ñaqa'en nam talapi maye taỹapegueua'a asomaye.

Éxodo 15:19

Qaq so faraón co'ollaq mashe tangui aso auaxai, netangui aso naigonapi qataq so nalleppi maye netalec so caipi, nache Ñim Nataxala' ỹe'eguelaxa't naqa'en so 'etaxat aso auaxai, nache ipa'axaañi somayepi, qalaxaye so Israel le'ecpi co'ollaq ỹa'axasoxoolec aso auaxai, qalaq deqaqtegue so llegueta.

Éxodo 14:29

Qalaxaye na Israel le'ecpi ỹa'axasoxoota aso auaxai daqaqattague so llegueta, so 'etaxat qalaq choche nachaañi dos soua lpa'axaco, 'eco' npaqtaxanaxat, so laỹe pa'aigue da aloic qaq so lỹa laỹe, pa'aigue da ne'emaq.

Éxodo 14:22

Nache so Israel le'ecpi ỹa'axasoxoolec aso auaxai, daqaqattague so llec, cha'aye so 'etaxat dos soua lpa'axaco, choche nachaañi 'eco' ca npaqtaxanaxat, so laỹe pa'aigue da aloic, qaq so lỹa laỹe pa'aigue da ne'emaq.

Josué 4:21

Ime, qaq 'enapega so Israel le'ecpi, 'eeta': «Que'eca na'a'q, qom ivita da qami' ina't ca qaỹa'alquipi da, 'eeta': ‹¿Chaq negue't ca naigui ne'enaua coma'ye?›,

Josué 3:16

nache so 'etaxat maye chegaqasheguem vi'iiguet, nache so laponqa' na 'etaxat huaña yem qaỹoqteuga ye huaqta'a't nỹecpi ye Adam, yem huaqta'ai' ye Saretán. Qaq so 'etaxat maye taỹauga aso Auaxai Leuaxai, nache queta ivitta'a da imeuo. Huaña, nache so Israel le'ecpi ỹa'axasoxoolec so tala daqaqattague so llegueta, tatta co'ollaxa ye datatta ye huaqta'a't nỹecpi ye Jericó.