Josué 4:19 - La'aqtaqa Ñim Lo'onatac 'Enauacna 2013

¹⁹ Nache so Israel le'ecpi chegoqchiguiña co'ollaxa ye tala Jordán da jec, huetoiguilo se'esoua diez na'axa'te so la'auaxanec ca'agoxoic. Ime, qaq nmataqa' ye Gilgal, ye pa'aỹa'ague da yo'oxoñi ye Jericó.

Josué 4:19 Referans Kwoze

Josué 5:9

Huaña nache Ñim Nataxala' 'enapego' so Josué, 'eeta': «De'era la'anaxat na lo'oc ne'ena shiỹaxauapi, nache sachegoxotchigui da ñeqateeguesop da ncoxo maye qami' huetaleguete souaxat da 'enauac qami' l-latacpi co'ollaxa ye Egipto le'ecpi.» Qaq ỹoqo'oye yi'iye 'alhua, nache qoỹanagui da le'enaxat Gilgal, nache ivitta'a nagui.

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Amós 5:5

Qaq saishet da qanqo'oñiỹa ye Betel, qataq saishet da qa'aiteua'a ye Gilgal, qataq saishet da qa'aitelec ye Berseba, cha'aye ye Gilgal, qaỹauega qome ca ỹaqa'a 'alhua, qataq ye Betel nlachiguiñi qome.»

Amós 4:4

¡Qanqo'oñiỹa qome ye Betel, nache qauo'oche da qaye'etaxaloqoi, qataq qanqo'oñiỹa ye Gilgal nache qoquiito'ot da qaye'etaxaloqoi! Qataq qaỹa'añeeuo aca qarachetaqtaxanaqche ye nte'eta, qataq aca qandiezmoi da inoxoorec caua tres na'axa'te.

1 Samuel 15:33

Qalaxaye so Samuel 'enapego' somaye, 'eeta': 'Am, 'auauota'a co'ollaxa so 'ainec da 'aualauat so qalota Israel le'ecpi, qaq so 'alpi qalaq 'auauota'a da qaica so llalaqpi. Qaq nache 'ena'am da 'eetec nagui aca 'arate'e. Nache so Samuel huaña naqa'en ye Gilgal qataq ỹauaachigui naqa'en Ñim Nataxala' da ipelcapigui somaye.

Josué 15:7

Huaña nache se'eso loga't chegoqchiguiña ye ca'amapega't ye Acor, nache taỹasheguema ye Debir, maye datatta ye Gilgal, qataq nalotta yem taỹasheguema ye Adumín, maye pa'aỹa'ague da la'añaxa so la'auaxac, huaña qaltaq ỹa'axasoxoolec ye huaña na npaxaatasheguem 'etaxat ye Ensemes qataq ye Roguel,

Josué 10:43

Qaq co'ollaq ime, nache so Josué qataq 'enauac so Israel le'ecpi ỹe'eguelaxa co'ollaxa so lanataqa' ye Gilgal.

Josué 10:6

Qaq so lma' ye Gabaón ỹamaxa da la'aqtac so Josué maye hueta'a ye Gilgal, 'eeta': «Saishet qome da huo'o ca 'ectega da qomi' 'autaua'n, cha'aye maiche qomi' 'aramaxashecpi. Qataq sa 'anaỹaloxon qome da 'auanac da qomi' 'autaua'n, cha'aye 'enauac ye lta'alpi ye amorreopi maye netalec aye qasoxonaxapi, yemayepi huaxaỹa't da yaqto' qomi' iloquiaxa'n.»

Deuteronómio 1:3

Qaq so la'auaxanec na'a'q so ca'agoxoic once so vi'i cuarenta, nache so Moisés da'aqtaxanem co'ollaxa so Israel le'ecpi da lamaxasoxonaxac Ñim Nataxala'.

Deuteronómio 11:30

Qaq ñi'iñiua qasoxonaxal ñiimaye nera'atague da le'ego ye tala Jordán, pa'aira'ague da avit ye na'alhua ye cananeopi, maye nalotta ye Gilgal qataq huaqta'ai' ye More.

Josué 4:18

nache soua ntaxaỹaxanaxanaqa maye ỹachetrac aso arca maye laỹe' da naỹamaxataxac Ñim Nataxala' co'ollaq quera'aisalo ye laiñi so Jordán, nache co'ollaq mashe peleguete so daqaqtelec 'alhua, nache se'eso 'etaxat so tala qaltaq ipactegue da jec, nache ipaxaaleguete naua loiguiye so tala, qataq nache ipactegue da maiche lataxac co'ollaxa.

Josué 5:10

So Israel le'ecpi nmataqa' ye Gilgal, qaq huetoigui so avit se'eso na'a'q catorce se'eso ca'agoxoic da qaỹo'ot so Lapascua, huaña ye nalochiguiñi 'alhua ye Jericó.

2 Reyes 2:1

Qaq co'ollaq mashe nayeeta'a so laloqo' da Ñim Nataxala', ỹaueegue da piguem so Elías, da queuoigui naqa'en aso daua'ache, nache so Elías, nnaictague' co'ollaxa so Eliseo da je'c, chegoqchiyiña ye Gilgal.

Josué 9:6

Qaq co'ollaq ivildeua'a so nanataqa' maye netaña so Josué maye naña ye Gilgal, nache soomaye da'aqtaxaarem so Josué qataq so Israel le'ecpi, 'eeta': «Sachegoxosaqa'a ye 'alhua maye ỹataqta qaỹoqta. Qaq qomi' sauoqtaique da qomi' 'anaỹamaxateto.»

Josué 24:11

Huaña, nache qami' qaua'axasoxoñiilec so tala Jordán, nache qaviyiita'a ye Jericó, nache som netañapi ye Jericó qami' iloquiaxaata'ape, maye nacheso so amorreopi, ferezeopi, Canaán le'ecpi, hitiitapi, gergeseopi, heveopi qataq na Jebús le'ecpi, somayepi ỹataqta qami' deloctagueto co'ollaxa, qalaxaye qami' sanema da qoroxoñiqui somayepi.

1 Samuel 10:8

Ime nache 'aua'auta qome da 'anqo'ona ye Gilgal, nache aỹem 'auataique caua siete na'axa'te, qaq huaña, nache qaltaq 'am ñauane' qome, da yaqto' 'am ñenaicapegue' qom so'ot aca nachetaqtaxanaqte qaỹavigaxatta, qataq aca nachetaqtaxanaqte qanhuaachigui da sanot Ñim Nataxala'. Qaq aỹem 'auata'aguet qome yaqto' 'am sa'aqtaxanem cam 'auo'ot qome da 'am nta'a.