Josué 4:14 - La'aqtaqa Ñim Lo'onatac 'Enauacna 2013

¹⁴ Qaq se'eso na'a'q nache Ñim Nataxala' ỹo'ot da so Israel le'ecpi ỹa'aalac, qataq huo'o naq 'enec naqa'en so Josué, ỹe'enaxattem da 'eetec co'ollaxa da hueta'aguet so Moisés, 'enauaque naua na'axa'tesa'ache da nachaalataxac.

Josué 4:14 Referans Kwoze

Josué 3:7

Nache Ñim Nataxala' 'enapega so Josué, 'eeta': «Nache chegoqchiguiña ne'ena na'a'q da sauo'o da 'ara'amaqchec, ỹauaachigui ñaqa'en 'enauac na Israel le'ecpi. Qaq yaqto' namayepi ỹaỹateeta da aỹem ỹataqta 'am soota'aguet, 'eeta'am da 'eetec co'ollaq soota'aguet so Moisés.

2 Crónicas 30:12

Nache nataqa'en so lma' ye Judá, Ñim Lo'onatac 'Enauacna ipoteua'a da lquiyaqteỹaxac da ipactelec da ỹo'ot dam lamaxasoxonaxac so nta'a, qataq so ltauapi, nache ipacchigui da la'aqtac Ñim Nataxala'.

Romanos 13:4

Cha'aye namayepi do'onataxaatacot Ñim Lo'onatac 'Enauacna, da yaqto' qami' ỹa'añaqche't da qauo'oche ca ỹaỹamaqchiguiñi. Qaq da huo'otaq sa qaualaqai, ¡nache qami' ishet da huo'o da qarcolanaqai!, cha'aye nam lainecpi maye ỹachetac saishet da choche llo'oxoraxat. Namayepi do'onataxaatacot Ñim Lo'onatac 'Enauacna, qalaxaye nataqa'en ishet da ỹauo'o ca nhuaxanaguec ca qauemaic.

1 Reyes 3:28

Qaq 'enauac so Israel le'ecpi co'ollaq ỹaỹaten de'era 'eetec so nta'a, da ỹaỹamaxaañi de'era cotaxac, nache huo'o naq 'enec naqa'en se'eso nta'a, cha'aye ila'a da Ñim Lo'onatac 'Enauacna ỹanem da laỹaanec somaye da yaqto' ỹo'ot da nalochiguiñi lataxac.

Proverbios 24:21

'Am ỹalcolec, huo'o naq 'enec 'anqa'en Ñim Nataxala' qataq ca nta'a, qataq saishet da 'aualecta'aguet qome na pa'aguenataxanaxaicpi,

1 Samuel 12:18

Nache se'eso na'a'q so Samuel, iỹaxanot Ñim Nataxala', nache Ñimaye namaq so nalataxa qataq so auot, nache 'enauac so shiỹaxauapi ỹataqta qalota da lcolanaxa Ñim Nataxala' qataq so Samuel.

Éxodo 14:31

Nache so Israel le'ecpi co'ollaq ỹauaachigui da lta'araic la'añaxac Ñim Nataxala' maye ỹo'otec so Egipto le'ecpi. Huaña, nache ỹa'aldoto naua l-llecte Ñim Nataxala', nache ỹataqta ỹa'amaqten Ñimaye, qataq so lamaxashec Moisés.

1 Corintios 10:2

Qaq 'enauac de'era llecỹaxac somayepi, damaye 'eeta'am da nachera da nachelaxanataguec somayepi da yaqto' na'areua'a qanqa'en so Moisés.

Josué 4:13

Qaq huac da ivi' cuarenta mil so alleppi maye ỹataqta na'atchiguiñi na lo'ogoxonaxatpi, qataq ỹataqta lhuotta da nalat somayepi, qataq ỹauaachigui Ñim Nataxala' da inoicchiguiñi somayepi da nqo'ona so nalochiguiñi 'alhua ye Jericó.

Josué 4:15

Huaña, nache Ñim Nataxala' 'enapega so Josué, 'eeta':

Éxodo 11:3

Nache Ñim Nataxala' ỹanem da so Egipto le'ecpi ỹataqta huo'o da lqouagaxa so Israel le'ecpi. Nataqa'en so ltauapi so faraón ỹataqta sa latetapec so Moisés, 'eeta'am naqa'en ca ỹale maye huo'o naq 'enec, nache 'eeta'am nataqa'en da lhuennataxac 'enauac so Egipto le'ecpi.

2 Reyes 2:15

Nache som na'aqtaxanaxanecpi maye lma' ye Jericó, maye hueta'atague da le'ego, co'ollaq ỹauaachigui de'era, nache 'enapeco': «Da saqcha'a la'añaxac so Elías, talec nagui na Eliseo.» Huaña, nache somayepi ca'atta'aguet somaye, nache ỹa'aroto naua l-llecte,

1 Crónicas 29:25

Qaq Ñim Nataxala' ỹanem da ỹataqta lta'araic da la'amaqchec so Salomón, da ỹalectaigui so Israel le'ecpi qataq ỹanem da ỹataqta lta'araic da llo'oxoyec da lo'onataxanaxac, nache qaica ca 'eeta'am som hua'au co'ollaxa nta'alpi ye Israel.