Josué 4:12 - La'aqtaqa Ñim Lo'onatac 'Enauacna 2013

¹² Nataqa'en taitague da le'ego so tala so alleppi maye maiche nalamaxat nhuo' le'ecpi maye chegoxoguetpi so Rubén, qataq so Gad, qataq so laỹe som maiche nhuo' le'ecpi maye chegoxoguetpi so Manasés. Qaq somayepi ỹataqta na'achigui na lo'ogoxonaxatpi. Ime, nache hua'auta'ague da taỹa'ague so laỹepi Israel le'ecpi, nache ipacchigui da lamaxasoxonaxac co'ollaxa so Moisés.

Josué 4:12 Referans Kwoze

Josué 1:14

Qalaxaye qano'onaxachiỹañi qome ana qaramoxouaipi qataq na qaỹa'alquipi, qataq na qareloipi da hueta'a qome ne'ena 'alhua maye qami' ỹanema co'ollaxa so Moisés, maye mpa'aỹa'ategue na le'ego ye Jordán. Qalaxaye 'enauac qami' 'añaxaicpi qataq alaataxaicpi, qauacoñiỹa qome ca qaro'ogoxonaxache, nache qaua'aviita'ague da taỹa'ague na qarqaỹaipi da yaqto' qautauañi namayepi,

Éxodo 13:18

Qaq ỹoqo'oye Ñimaye quetegue naqa'en somayepi so nqa'aic maye taalec ye toolec 'alhua som tataxaama aso Auaxai Togaxarai. Nache co'ollaq jec so Israel le'ecpi, nache nalochiguiñi 'eeta'am na alleppi.

Números 1:24

Qaq so llalaqpi qataq so chegoxoguetpi so Gad, qoỹiyiñi 'enauac na le'enaxatpi so ỹalleppi, maye maiche nalamaxat nhuo' le'ecpi, maye ivi' qataq napacalec naua veinte vi'iye da nachaalataxac, maye mashe ishet da taỹa ca alaataxac.

Números 32:17

Qaq da ime, nache qolaq, ña'ataxagui na qaro'ogoxonaxatpi nache sa'auaqta'ague da taỹa'ague na Israel le'ecpi, choche ivitta'a ñaqa'enaq ye na'alhua namayepi. Qaq na qoyalaqpi nache netaigui qome que'eca huaqta'a't nỹecpi maye huo'o na lpaqtaxat, yaqto' saishet da ỹe'egueeta'a na shiỹaxauapi maye lma' ne'ena 'alhua.

Deuteronómio 3:18

Qaq se'eso na'a'q qami' sanema co'ollaxa de'era ỹamaxasoxonaxac, 'eeta': «Ñim Nataxala' maye Qanatamnaxala'ai, qami' ỹanema ne'ena 'alhua da yaqto' qaralamaxache. Qaq na ỹalleppi maye ỹaỹaten da nalaataxac, nache hua'auta'ague qome da llec na lqaỹañecpi da taitague da le'ego.

Deuteronómio 33:21

Qataq lca'ateua'a ca no'on da ỹauo'o lalamaxat, cha'aye qaiqataxanai' da qaỹauo'o lalamaxat na ỹo'otegue na lataxacpi. Qataq nachena na lataxala' na nhuo' le'ecpi, nache ipactelec da ỹo'ot da lamaxasoxonaxac Ñim Nataxala', qataq da ỹaỹamaqchiguiñi lataxac na Israel le'ecpi.»

Josué 4:11

Qaq co'ollaq mashe 'enauac da taitague da le'ego somayepi, nache soua ntaxaỹaxanaxanaqa maye ỹachetrac aso arca maye laỹe' da naỹamaxataxac Ñim Nataxala', nataqa'en taitrague da le'ego. Ime, nache hua'autra'ague da taỹa'ague so Israel le'ecpi.

Josué 4:13

Qaq huac da ivi' cuarenta mil so alleppi maye ỹataqta na'atchiguiñi na lo'ogoxonaxatpi, qataq ỹataqta lhuotta da nalat somayepi, qataq ỹauaachigui Ñim Nataxala' da inoicchiguiñi somayepi da nqo'ona so nalochiguiñi 'alhua ye Jericó.