Josué 4:10 - La'aqtaqa Ñim Lo'onatac 'Enauacna 2013

¹⁰ Qaq soua ntaxaỹaxanaxanaqa maye ỹachetrac aso laỹe' da aỹamaxataxac, qalaq nache nachattrañi, huetraña ye laiñi so tala Jordán, ivitta'a da so Israel le'ecpi ỹo'ot 'enauac na damaxasoxoolecpi Ñim Nataxala' maye ỹamaxalec co'ollaxa so Josué. Qaq 'enauac nam 'enapecpi co'ollaxa so Moisés, ỹo'ot so Josué. Qaq huaña, nache so Israel le'ecpi ỹataqta iỹalapigui' da taitague da le'ego so tala.

Josué 4:10 Referans Kwoze

Josué 3:13

Nache caua ntaxaỹaxanaxanaqa maye ỹacheta'ape añi arca maye laỹe' da naỹamaxataxac Ñim Lataxala' 'enauac na huetalec ana 'alhua, qom mashe piguinguilo ye 'etaxat, nache se'eso tala colaxagui qome na 'etaxat, nache na 'etaxat maye chegaqasheguem, namaye vi'iiguet qome 'eco' da npaqtaxanaxat.»

2 Corintios 6:2

Cha'aye Ñimaye, naua la'aqtaqa maye nanettrañi, 'eetra': «So na'a'q maye ichoxonnataxanaxaqui, qalaq 'am sa'aqtega; qataq so na'a'q maye huetoigui da seca'alaqtaxan, qalaq 'am setauan.» Qaq nachena na na'a'q nchoxonnataxanaxaqui; qataq nachena na na'a'q nca'alaqtaxanaxaqui.

Isaías 28:16

Qaq ỹoqo'oye Ñim Nataxala' 'enapec: «Aỹem sanaña qome ye Sión ca coma', ca coma' maye lleca'aguishec qataq ỹataqta lta'araic da lasheechiỹaxac, qaq camaye nacheca qome cam ỹactec da 'enec, qataq nacheca cam lo'oxonaxala' ca nỹec. Qaq cam pi'iỹa'a qome camaye qalaq ỹataqta ỹe'emaqtac.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Proverbios 27:1

Saishet da 'ana'amaqteeta'aguet ca lỹa na'a'q, cha'aye sa 'auaỹaten ca huaigui qom nvi' camaye.

Salmos 119:60

Nache ỹataqta seỹalapigui', saishet da ñaỹaloxon, da yaqto' sepacchiguilo naua 'aramaxasoxonaxaco.

Deuteronómio 31:9

So Moisés ỹiyiñi co'ollaxa na nqataxacpi, nache ỹanem so ntaxaỹaxanaxanecpi leviitapi maye nacheso so ỹachetac naxa aso laỹe' da naỹamaxataxac Ñim Nataxala', qataq 'enauac so nqueroxonecpi ye Israel,

Éxodo 12:39

Qaq souaxat da qaica ca ldaqa' da ỹaqataxanai' ca aloq somayepi, cha'aye so Egipto le'ecpi ỹataqta ỹo'orauec da ca'ai naqa'en yi'iye 'alhua, nache ỹo'ot aso lauole na ndaqñiguishec 'ayiiña maye qaca aca lalecte maye ỹasheeraxachigui ỹachegoxotta'a ye Egipto.

Josué 4:9

Qaq nataqa'en so Josué nauaxaỹaxaasheguem co'ollaxa soua doce lỹa't coma'ye, vichiguingui naqa'en ye laiñi so tala, yem nachattraña co'ollaxa soua ntaxaỹaxanaxanaqa maye ỹachetrac aso arca maye laỹe' da aỹamaxataxac. Qaq se'esoua coma'ye ñaq netraña nagui yemaye.

Josué 4:11

Qaq co'ollaq mashe 'enauac da taitague da le'ego somayepi, nache soua ntaxaỹaxanaxanaqa maye ỹachetrac aso arca maye laỹe' da naỹamaxataxac Ñim Nataxala', nataqa'en taitrague da le'ego. Ime, nache hua'autra'ague da taỹa'ague so Israel le'ecpi.

Josué 24:11

Huaña, nache qami' qaua'axasoxoñiilec so tala Jordán, nache qaviyiita'a ye Jericó, nache som netañapi ye Jericó qami' iloquiaxaata'ape, maye nacheso so amorreopi, ferezeopi, Canaán le'ecpi, hitiitapi, gergeseopi, heveopi qataq na Jebús le'ecpi, somayepi ỹataqta qami' deloctagueto co'ollaxa, qalaxaye qami' sanema da qoroxoñiqui somayepi.