Biblia Todo Logo
Bib sou entènèt

- Piblisite -




Josué 3:7 - La'aqtaqa Ñim Lo'onatac 'Enauacna 2013

7 Nache Ñim Nataxala' 'enapega so Josué, 'eeta': «Nache chegoqchiguiña ne'ena na'a'q da sauo'o da 'ara'amaqchec, ỹauaachigui ñaqa'en 'enauac na Israel le'ecpi. Qaq yaqto' namayepi ỹaỹateeta da aỹem ỹataqta 'am soota'aguet, 'eeta'am da 'eetec co'ollaq soota'aguet so Moisés.

Gade chapit la Kopi




Josué 3:7
13 Referans Kwoze  

Qaq se'eso na'a'q nache Ñim Nataxala' ỹo'ot da so Israel le'ecpi ỹa'aalac, qataq huo'o naq 'enec naqa'en so Josué, ỹe'enaxattem da 'eetec co'ollaxa da hueta'aguet so Moisés, 'enauaque naua na'axa'tesa'ache da nachaalataxac.


Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.


Qaq Ñim Nataxala' ỹanem da ỹataqta lta'araic da la'amaqchec so Salomón, da ỹalectaigui so Israel le'ecpi qataq ỹanem da ỹataqta lta'araic da llo'oxoyec da lo'onataxanaxac, nache qaica ca 'eeta'am som hua'au co'ollaxa nta'alpi ye Israel.


'Am, aỹem mpaxattalec 'anqa'en da 'arca'alaqtaxanaxac, qataq aỹem 'anasoqtañi 'auauota'a na 'arhuaq 'oic, da 'arauotaxanaqtaic ỹo'ot da qaica ca seueetac.


Qomi' nache 'eetai' qome da 'am salaxasoxoguet, se'enaxataqtem co'ollaxa da salaxasoxoguet so Moisés. Qalaxaye 'oonolec da seỹaxanaxaua'a, da Ñim Nataxala' maye 'Anatamnaxala' ỹataqta 'am nnaictague' qome, 'eeta'am da 'eetec co'ollaq nnaictague' so Moisés.


¿Ta'ainco' da 'auauotaico' da la'amaqchec ca choche shiỹaxauatto?, qataq ¿ta'ainco' da 'auqochetega camaye?


So Salomón, som llalec so David, co'ollaq mashe naỹamaxalec da lo'onataxanaxac, nache Ñim Nataxala' maye Natamnaxala' nache hueta'aguet somaye qataq ỹo'ot da ỹataqta lta'araic da la'amaqchec qataq da la'añaxac.


Qaq co'ollaq ime da 'eetegalo soua lapaxaguenataqa So Jesús, nache ỹamato'ot na piguem, nache 'enapeco': –'Am Ita'a, mashe ivita ye laloqo' da 'auachaxana na shiỹaxauapi da ỹa'amaqchec qataq da ỹa'añaxac. Qaq nache sheetec nataqa'en Aỹem da sachaxana na shiỹaxauapi da 'ara'amaqchec qataq da 'ayo'oxoyec.


Aỹem huo'o da ñaquitaxac qataq ỹataqta lta'araic da iyaxa, da yaqto' saishet da sevireguet ca ỹa'aloxo, nacherata da ỹachegoxotchigui aỹem da ỹachaxan da la'amaqchec So Cristo, nagui da ñaq ñeca'altauec huo'otaq qom mashe seleu.


Qaq huaña nache 'enapega soua ntaxaỹaxanaxanaqa, 'eeta': «Qauacoñiỹa añi arca maye laỹe' da aỹamaxataxac, nache qaua'aviita'ague da taỹa'ague ne'ena nhuo' le'ecpi.» Nache soua ntaxaỹaxanaxanaqa ỹacoosopa aso laỹe' da aỹamaxataxac, nache hua'autra'ague da taỹa'ague so nhuo' le'ecpi.


Qaq 'am qome qonapegalo naua ntaxaỹaxanaxanaqa maye ỹachetra'ape añi arca maye laỹe' da aỹamaxataxac, da qom mashe ivildaxaama na loigue so tala Jordán, nache huera'a qome.»


Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»


Swiv nou:

Piblisite


Piblisite