Josué 3:6 - La'aqtaqa Ñim Lo'onatac 'Enauacna 2013

⁶ Qaq huaña nache 'enapega soua ntaxaỹaxanaxanaqa, 'eeta': «Qauacoñiỹa añi arca maye laỹe' da aỹamaxataxac, nache qaua'aviita'ague da taỹa'ague ne'ena nhuo' le'ecpi.» Nache soua ntaxaỹaxanaxanaqa ỹacoosopa aso laỹe' da aỹamaxataxac, nache hua'autra'ague da taỹa'ague so nhuo' le'ecpi.

Josué 3:6 Referans Kwoze

Miqueas 2:13

Qaq Ñim Lo'onatac 'Enauacna ỹo'otegue qome ca llec, qaq namayepi nache ca'atteueegue qome Ñimaye, nache tachiviigui naqa'en ca lasom ca huaqta'a't nỹecpi. Qaq ñim nta'a maye Nataxala', hua'auta'ague qome da taỹa'ague namayepi.

Josué 3:3

nache 'enapega so Israel le'ecpi, 'eeta': «Qom qauloỹa'ague na ntaxaỹaxanaxanecpi maye chegoxoguetpi so Leví da ỹachetac aca arca maye laỹe' da naỹamaxataxac Ñim Nataxala', nache qoquiỹa'aisalo qome naua qaranataqa'achilli' nache qauca'achiitelec acamaye.

Números 14:15

Qaq da imauec da 'aualauat ne'ena nhuo' le'ecpi, nache na shiỹaxauapi maye hua'aqtega de'era 'ayo'oxoyec, 'eeta':

Números 10:33

Huaña co'ollaxa, nache so Israel le'ecpi, ca'ai añi qasoxonaxa maye lalamaqte Ñim Nataxala', nache tres na'axa'te soua lqueuoxoqui'. Qataq qaica'attaueegue aso arca maye laỹe' da naỹamaxataxac Ñim Nataxala', nache qanmittaique ca huaña da qanayeua'a.

Hebreos 6:20

Ỹo'ot de'era, da yaqto' qomi' huesochiyiñi da qolaxague so nqa'aic maye taỹaua'a Ñim Lo'onatac 'Enauacna, cha'aye So Cristo nacheso som chochaq tatec da Lataxala' nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'eeta'am da lataxac so Melquisedec.

Josué 3:5

Qataq so Josué 'enapego' se'eso nhuo' le'ecpi, 'eeta': «Ỹataqta qanqui'itaxachiita qome, cha'aye qoyo'oxoñi qauauañiichigui qome da Ñim Nataxala' ỹo'ot ca sa qauauañiỹapega.»

Josué 3:7

Nache Ñim Nataxala' 'enapega so Josué, 'eeta': «Nache chegoqchiguiña ne'ena na'a'q da sauo'o da 'ara'amaqchec, ỹauaachigui ñaqa'en 'enauac na Israel le'ecpi. Qaq yaqto' namayepi ỹaỹateeta da aỹem ỹataqta 'am soota'aguet, 'eeta'am da 'eetec co'ollaq soota'aguet so Moisés.

1 Reyes 8:3

Qaq co'ollaq ivireuo 'enauac so nqueroxonecpi maye lataxala'pi so Israel le'ecpi, nache so ntaxaỹaxanaxanecpi, ỹacoosop aso arca maye laỹe' da aỹamaxataxac,

2 Crónicas 5:4

Qaq co'ollaq ivi' so nqueroxonecpi ye Israel, nache so leviitapi ỹacoosop aso arca maye laỹe' soua nqataxaco,

Josué 6:6

Nache so Josué iỹaxaneuga so ntaxaỹaxanaxanecpi, nache 'enapega, 'eeta': «Qauache qome añi arca maye laỹe' da naỹamaxataxac Ñim Nataxala', qataq caua siete da qoñiita hua'aute' da ỹacheta'ape qome caua lasheerel peenaq lcoue.»