Josué 3:5 - La'aqtaqa Ñim Lo'onatac 'Enauacna 2013

⁵ Qataq so Josué 'enapego' se'eso nhuo' le'ecpi, 'eeta': «Ỹataqta qanqui'itaxachiita qome, cha'aye qoyo'oxoñi qauauañiichigui qome da Ñim Nataxala' ỹo'ot ca sa qauauañiỹapega.»

Josué 3:5 Referans Kwoze

Josué 7:13

Qaq ỹoqo'oye qoñisheguem nagui, nache qonapega na nhuo' le'ecpi da naỹamaxat, qataq ỹataqta nqui'itaxatta namayepi yaqto' Aỹem nachaateua'a qoyo'oxoñi. Cha'aye aỹem Nataxala' maye Natamnaxala' na Israel le'ecpi, 'era da ỹa'aqtac, 'eeta': ‹'Am Israel, 'auacona co'ollaxa nam iuen da ỹataqta 'enauac da qailaxachigui, qaq ỹoqo'oye qom saishet da 'aulaxachigui qataq da sa 'auasaxauec namayepi, nache sa 'aushet qome da 'auataỹa'aguet na 'ampa'aguenaxauapi.›

Levítico 20:7

Ỹataqta qanañañi qome da yaqto' qami' ỹalamaqa'ate, qataq ỹataqta qui'itta da qarataxaqui. Qaq 'era da ỹa'aqtac, Aỹem Nataxala' maye Qanatamnaxala'ai.

Joel 2:16

nache qauauo'oi ca laponaxac na nhuo' le'ecpi maye lalamaxat Ñim Lo'onatac 'Enauacna, qataq nqui'itaxatta qanqa'eñi qome namayepi, qataq qauỹaxañiuga na nqueroxonecpi, ñaqpiolec qataq nam ñaq qaillepaxaatacpi, qataq qaupa'axañiiuec cam cheta'ague da huaron nataqa'en acam lhua!

1 Samuel 16:5

Nache so Samuel 'enapeco': Aja', qaica cara. Aỹem ñanac da sanot aca ỹachetaqtaxanaqte Ñim Nataxala'. Qaq ỹoqo'oye qanỹoi qome, nache qauanaqui da qaualliquiitaua'a ca savigaxat ỹachetaqtaxanaxat. Ime, nache so Samuel nqui'itaxat naqa'en so Yesé qataq soua llalqa, nache 'enapega da ỹalectaua'a som ỹo'ot lachetaqtaxanaxat.

Juan 17:19

Qataq souaxat naamaye, nache Aỹem ỹataqta 'am ñañanot yaqto' naamaye nataqa'e'n ishet da 'am nañaarot, chegoqchigui dam 'eesa lataxac.

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Salmos 86:10

Cha'aye nache 'amta da 'am 'amaqtaqaic qataq 'auo'ot nam ỹo'ot da na'aalaxa, qaq nache 'amta da 'Am Atamnaxala'.

Da na'aqtaguec so Job 1:5

Qaq naxa da ime' soua na'axa'te da nquia'axac, nache so Job iỹaxaneuga so llalaqpi, qataq no'ottasheguem ye nte'etom, nache ỹo'ot ana lachetaqtaxanaqte qaỹavigaxatta ñi 'oonolec somayepi, da yaqto' qaỹapalaxat na lasouaxashetpi. Qaq de'era nache 'eetai' naxa da 'eeta'ac so Job, souaxat da lhuennataxac da saiuena'a da huo'o ca 'oonolec somayepi da lquiyaqteỹaxac isheueetac Ñim Lo'onatac 'Enauacna.

Josué 3:13

Nache caua ntaxaỹaxanaxanaqa maye ỹacheta'ape añi arca maye laỹe' da naỹamaxataxac Ñim Lataxala' 'enauac na huetalec ana 'alhua, qom mashe piguinguilo ye 'etaxat, nache se'eso tala colaxagui qome na 'etaxat, nache na 'etaxat maye chegaqasheguem, namaye vi'iiguet qome 'eco' da npaqtaxanaxat.»

Josué 3:15

Qaq cha'aye naxa da huetoigui ye laloqo' da mashe qanqat ana ala na nañiguishec cebada, nache se'eso tala ipaxaalec, qaq se'esoua ntaxaỹaxanaxanaqa co'ollaq inoxooyingui so tala Jordán, nache naua lapia'ate co'ollaq choche piguinguilo so 'etaxat so loigue so tala,

Números 11:8

Qaq so shiỹaxauapi ỹe'egueetegueuga naxa aso maná, ime nache ilaxachigui ỹauota'a na coma', huo'otaq ana 'araxanaxaqui, qaq naxa da ime, nache ỹaneuaq ỹachangui ana taxaqui da ỹo'ot nauolepi.

Josué 3:4

Yaqto' ishet da qauaỹachiñi ca qa'aiteuga qome, cha'aye qaica da huo'otaq huo'o ca 'oonolec da qoñiita da mashe tateuga se'eso nqa'aic. Qalaxaye saishet qome da ỹapac sa qauỹochiỹapeque aso laỹe' da aỹamaxataxac, nachaqrato' da qauca'achiitalec asomaye, qalaxaye qami' qaỹoqtegueta qome.»

Josué 3:6

Qaq huaña nache 'enapega soua ntaxaỹaxanaxanaqa, 'eeta': «Qauacoñiỹa añi arca maye laỹe' da aỹamaxataxac, nache qaua'aviita'ague da taỹa'ague ne'ena nhuo' le'ecpi.» Nache soua ntaxaỹaxanaxanaqa ỹacoosopa aso laỹe' da aỹamaxataxac, nache hua'autra'ague da taỹa'ague so nhuo' le'ecpi.

Salmos 77:15

Qataq 'auauota'a co'ollaxa de'era 'ara'añaxac, da 'anca'alaxatec na 'aralamaxat nhuo' le'ecpi, nam llalaqpi so Jacob qataq so José.