Josué 3:17 - La'aqtaqa Ñim Lo'onatac 'Enauacna 2013

¹⁷ Nache 'enauac se'eso Israel le'ecpi ỹa'axasoxoolec so tala Jordán, daqaqattague so llegueta, qalaxaye soua ntaxaỹaxanaxanaqa maye ỹachetrac aso laỹe' da naỹamaxataxac Ñim Nataxala' qalaq nache nachattrañi huetra'a ye laiñi so tala Jordán, nachattraña so deqaqta 'alhua.

Josué 3:17 Referans Kwoze

Éxodo 14:29

Qalaxaye na Israel le'ecpi ỹa'axasoxoota aso auaxai daqaqattague so llegueta, so 'etaxat qalaq choche nachaañi dos soua lpa'axaco, 'eco' npaqtaxanaxat, so laỹe pa'aigue da aloic qaq so lỹa laỹe, pa'aigue da ne'emaq.

Éxodo 14:22

Nache so Israel le'ecpi ỹa'axasoxoolec aso auaxai, daqaqattague so llec, cha'aye so 'etaxat dos soua lpa'axaco, choche nachaañi 'eco' ca npaqtaxanaxat, so laỹe pa'aigue da aloic, qaq so lỹa laỹe pa'aigue da ne'emaq.

Salmos 66:6

cha'aye ỹo'otec aso auaxai da deqaqtelec naqa'en na 'alhua, nache so sachegoxosoxoguet qarta'alpi petañi da ỹa'axasoxoolec se'eso tala, ỹoqo'oye ñetonaqtapeguec Ñim Lo'onatac 'Enauacna.

Isaías 25:8

Ñim Nataxala' nlaxaañi qome da la'añaxac da nleuaxa, huaña nache iỹorec naua lache' 'enauac na shiỹaxauapi, qataq nqateeguesop da ne'enaguec nam lalamaxat nhuo' le'ecpi 'enauac ana 'alhua. Qaq 'era da la'aqtac Ñim Nataxala'.

2 Reyes 2:8

Nache so Elías ỹacona so lapo', nache inana't nache iuaxaangui so 'etaxat, nache so 'etaxat colaxara'ache, huaña nache soomaye daqaqtegue so lleguetra da taitrague da le'ego.

Josué 4:3

nache 'auamaxaleguete da nqattra caua doce coma'ye, ỹachegoxotchiyiña ye laiñi ye Jordán, yem nachattraña daua ntaxaỹaxanaxanaqa, nache ỹache' da yaqto' ỹacheraña qome ca huaña da qanmachiiuec ne'ena pe.»

Hebreos 11:29

So Israel le'ecpi nataqa'en huo'o da lpi'iỹaxac Ñim Lo'onatac 'Enauacna, ỹoqo'oye ishet da ỹa'axasoxoolec aso auaxai togaxarai, 'eeta'am naqa'en da deqaqtelec. Qalaxaye so Egipto le'ecpi co'ollaq huotaique da ỹa'axasoxoolec nataqa'en asomaye, nache 'enauac da 'ogaxaicpi.

Éxodo 14:21

Nache so Moisés ỹachaxaasheguem na lhuaq, naloqteetelec aso auaxai, nache Ñim Nataxala', anacot so la'at lta'araic maye chegaqa'ague da nala' lliguisheguem, da ỹasheerelec aso auaxai imauec se'eso pe. Huaña, nache ỹauategue se'eso ñegueta, deqaqattague naqa'en.

Números 33:51

«Qonapega qome na Israel le'ecpi, qoneta': Qom mashe qaua'axasoxoñiilec ye tala Jordán da qaunoxoñiiua'a ye 'alhua Canaán,

Josué 4:1

Qaq so Israel le'ecpi co'ollaq mashe 'enauac da ỹa'axasoxoolec so tala Jordán, nache Ñim Nataxala' 'enapega so Josué, 'eeta':

Josué 4:22

nache qami' qaua'aqtaxañim qome, qoñiita: ‹Na Israel le'ecpi co'ollaq naitague na le'ego so tala Jordán, qalaq daqaqattague so llegueta.

Josué 4:10

Qaq soua ntaxaỹaxanaxanaqa maye ỹachetrac aso laỹe' da aỹamaxataxac, qalaq nache nachattrañi, huetraña ye laiñi so tala Jordán, ivitta'a da so Israel le'ecpi ỹo'ot 'enauac na damaxasoxoolecpi Ñim Nataxala' maye ỹamaxalec co'ollaxa so Josué. Qaq 'enauac nam 'enapecpi co'ollaxa so Moisés, ỹo'ot so Josué. Qaq huaña, nache so Israel le'ecpi ỹataqta iỹalapigui' da taitague da le'ego so tala.

Josué 4:11

Qaq co'ollaq mashe 'enauac da taitague da le'ego somayepi, nache soua ntaxaỹaxanaxanaqa maye ỹachetrac aso arca maye laỹe' da naỹamaxataxac Ñim Nataxala', nataqa'en taitrague da le'ego. Ime, nache hua'autra'ague da taỹa'ague so Israel le'ecpi.

Josué 5:1

Qaq 'enauac co'ollaxa so lta'alpi so Amorreopi maye neta'atague da le'ego da pa'aỹa'ague da avit so tala Jordán, qataq so lta'alpi so Canaán le'ecpi maye netaña ye saqaỹapeque aso Auaxai Mediterráneo, co'ollaq ỹaỹaten somayepi da Ñim Nataxala' 'imñi naqa'en so 'etaxat so tala Jordán da yaqto' so Israel le'ecpi ỹa'axasoxoolec da taitague da le'ego, nache so nta'alpi ỹataqta sa ntoonaxanaxan da lli'iỹaxa souaxat da qaica ca ỹañoxot da dataỹa'aguet so Israel le'ecpi.