Josué 3:16 - La'aqtaqa Ñim Lo'onatac 'Enauacna 2013

¹⁶ nache so 'etaxat maye chegaqasheguem vi'iiguet, nache so laponqa' na 'etaxat huaña yem qaỹoqteuga ye huaqta'a't nỹecpi ye Adam, yem huaqta'ai' ye Saretán. Qaq so 'etaxat maye taỹauga aso Auaxai Leuaxai, nache queta ivitta'a da imeuo. Huaña, nache so Israel le'ecpi ỹa'axasoxoolec so tala daqaqattague so llegueta, tatta co'ollaxa ye datatta ye huaqta'a't nỹecpi ye Jericó.

Josué 3:16 Referans Kwoze

Josué 3:13

Nache caua ntaxaỹaxanaxanaqa maye ỹacheta'ape añi arca maye laỹe' da naỹamaxataxac Ñim Lataxala' 'enauac na huetalec ana 'alhua, qom mashe piguinguilo ye 'etaxat, nache se'eso tala colaxagui qome na 'etaxat, nache na 'etaxat maye chegaqasheguem, namaye vi'iiguet qome 'eco' da npaqtaxanaxat.»

1 Reyes 7:46

Qaq so nta'a Salomón hua'auñi co'ollaxa da lapaxaguet so nshaxa so le'enaqtacpi, huaña ye nalochiguiñi 'alhua so tala Jordán, maye vichiguinguilo ye Sucot qataq ye Saretán.

1 Reyes 4:12

qaq so Baná, som llalec so Ajilud, ilotague' ye Tanac, Meguido, qataq 'enauac ye Bet Seán maye saqaỹapeque ye Saretán ye npa'aỹañi ye Jezrel, chegoqchiguiña ye Bet Seán nache ivitta'a ye Abel Meholá yem pa'aicra'a ye Jocmeán,

Génesis 14:3

Qaq se'esoua cinco nta'al, ỹauaxaỹaxana't co'ollaxa som nalleppi, huaña ye ca'amegue maye le'enaxat Sidín, maye nachaso aso Auaxai Leuaxai.

Salmos 114:3

Aso auaxai co'ollaq ila'a de'era, nache datauec, qaq so tala Jordán qalaq ỹe'eguelaq na 'etaxat.

Deuteronómio 1:1

Qaq 'era da la'aqtac co'ollaxa so Moisés da 'enapega so Israel le'ecpi, huaña ye toolec 'alhua ye Arabá, yem pa'aigue da nala' lliguisheguem ye Jordán maye nalotta aso Auaxai Togaxarai, qataq sa qaỹapeque ye huaqta'a't nỹecpi ye Parán, Tofel, Labán, Haserot qataq ye Dizahab.

Números 34:3

Ye loga't ye 'alhua maye pa'aigue da la'añaxa, tachiguiña ye toolec 'alhua ye Zin nache ivira'a ye 'alhua Edom. Qataq chegoqchiguiña da nala' lliguisheguem, nache tachiguiña ye loga't ye pa'aigue da la'añaxa aye Auaxai Leuaxai,

Salmos 77:19

Nache 'auo'otegue so ñec huangui aso auaxai, nache 'aua'axasoxoolec na qalota 'etaxat, qalaxaye qaica da huo'o ca ỹanata so lliguiyiñi naua 'arapia'ate.

Salmos 74:15

'Am 'auo'ot co'ollaxa na mpaxaatasheguem 'etaxat, qataq na talapi qataq deqaqa 'anqa'en na tala maye saq 'emapec.

Salmos 66:6

cha'aye ỹo'otec aso auaxai da deqaqtelec naqa'en na 'alhua, nache so sachegoxosoxoguet qarta'alpi petañi da ỹa'axasoxoolec se'eso tala, ỹoqo'oye ñetonaqtapeguec Ñim Lo'onatac 'Enauacna.

Salmos 29:10

Ñim Nataxala' nacheñi ñi ilotague' na auot, Ñim Nataxala' nache 'eetai' da chochaq tatec da lo'onataxanaxac.

Josué 15:2

Qaq yi'iye loga't nache chegoqchiguiña na lsheenec yem pa'aỹa'ague da la'añaxa aso Auaxai Leuaxai,

Deuteronómio 3:17

Nataqa'en sanem ye 'alhua ye Arabá, maye pa'aỹa'ague da nala' lliguisheguem añi qasoxonaxa Pisga, yem 'alhua maye loga't ye tala Jordán, chegoqchiguiña ye Quinéret, nache ivitta'a aso auaxai ye Arabá, maye nachaso aso Auaxai Leuaxai.

Éxodo 14:21

Nache so Moisés ỹachaxaasheguem na lhuaq, naloqteetelec aso auaxai, nache Ñim Nataxala', anacot so la'at lta'araic maye chegaqa'ague da nala' lliguisheguem, da ỹasheerelec aso auaxai imauec se'eso pe. Huaña, nache ỹauategue se'eso ñegueta, deqaqattague naqa'en.

Salmos 33:7

Ñimaye laỹona't co'ollaxa na 'etaxat aso auaxai, qataq ỹaỹamaxat ỹachangui asom qaỹoqchiguingui auaxai late'erai.

Salmos 114:5

¿Negue't ca qouaigui 'am auaxai ye 'auatauec, qataq ta'ainco' 'am tala Jordán ye 'avi'eguelaqot?

Isaías 50:2

¿Ta'ainco' co'ollaq ñevi', nache qaica ca selalec? ¿Ta'ainco' co'ollaq seỹaxan, nache qaica ca ỹasat? ¿Qaupicheetega peta'a da aỹem sañaloua'a da qami' ñeca'alaxatrec? ¿Qaupicheetega peta'a da sa sañoxot da qami' sesore'c? Qamaq aỹem ishet da choche 'oonolec ỹa'aqtac ca san nache deqaqa aso auaxai, qataq ana talapi qalaq ỹe'eguelaxa da toolec 'alhua, yaqto' na nỹaqpi ilem na laquip nache nchega souaxat da qaica ca 'etaxat.

Ezequiel 47:8

Qaq huaña nache aỹem 'enapega, 'eeta': Ne'ena 'etaxat jec ta'aỹa'ague da nala' lliguisheguem, nache iviraxaama so Jordán, qataq nache iviraxaama qome aso Auaxai Leuaxai. Qaq qom iviraxaama asomaye nache na 'etaxat ỹe'eguelaxa da ama.

Nahúm 1:4

Qaq da ỹarenapega aso auaxai nache asomaye deqaxaỹañi, qataq deqaqa naqa'en 'enauac na talapi. Qaq na no'onaxapi ye Basán qataq añi qasoxonaxa Carmelo qalaq deqaqa, qataq deqaqa ana lauoxopi maye hualec na no'onaxapi ye Líbano.

Habacuc 3:8

'Am Nataxala' ¿peta'a 'aualemataỹa nam talapi? Qalqo' ¿'aunotega peta'a anam auaxaipi? ¿Ỹoqo'oye qonelec nam 'arelo caaỹo, qataq qoñiguingui anam 'aigona maye huegaxanaxai?

Éxodo 14:22

Nache so Israel le'ecpi ỹa'axasoxoolec aso auaxai, daqaqattague so llec, cha'aye so 'etaxat dos soua lpa'axaco, choche nachaañi 'eco' ca npaqtaxanaxat, so laỹe pa'aigue da aloic, qaq so lỹa laỹe pa'aigue da ne'emaq.

Éxodo 14:29

Qalaxaye na Israel le'ecpi ỹa'axasoxoota aso auaxai daqaqattague so llegueta, so 'etaxat qalaq choche nachaañi dos soua lpa'axaco, 'eco' npaqtaxanaxat, so laỹe pa'aigue da aloic qaq so lỹa laỹe, pa'aigue da ne'emaq.

Éxodo 15:8

Co'ollaq 'auquetetec na 'ara'at, nache huo'oi naua laponaqa'ate na 'etaxat, na 'etaxat qalaq nachaañi, 'eeta'am ca npaqtaxanaxat, na laiñi asom qaỹoqchiguingui auaxai, qalaq da'añiỹa'a't so 'etaxat.

Josué 4:22

nache qami' qaua'aqtaxañim qome, qoñiita: ‹Na Israel le'ecpi co'ollaq naitague na le'ego so tala Jordán, qalaq daqaqattague so llegueta.

Josué 5:1

Qaq 'enauac co'ollaxa so lta'alpi so Amorreopi maye neta'atague da le'ego da pa'aỹa'ague da avit so tala Jordán, qataq so lta'alpi so Canaán le'ecpi maye netaña ye saqaỹapeque aso Auaxai Mediterráneo, co'ollaq ỹaỹaten somayepi da Ñim Nataxala' 'imñi naqa'en so 'etaxat so tala Jordán da yaqto' so Israel le'ecpi ỹa'axasoxoolec da taitague da le'ego, nache so nta'alpi ỹataqta sa ntoonaxanaxan da lli'iỹaxa souaxat da qaica ca ỹañoxot da dataỹa'aguet so Israel le'ecpi.

Josué 12:3

Nataqa'en ivira'a so pa'aỹa'ague da avit so Tala Jordán, chegoqchiguiña aso Lapel Quinéret, nache ivitta'a aso Auaxai Leuaxai, maye pa'aỹa'ague da la'añaxa, nache ivitta'a ye Bet Yesimot, qataq añi qasoxonaxa Pisga.

Josué 16:7

huaña qaltaq naỹaña ye Atarot, qataq ye Nará, nache ivitta'a ye Jericó qataq taỹauga so tala Jordán.

Jueces 7:22

Qaq se'eso trescientos Israel le'ecpi, nache quetot da ỹashettapigui aso lasheerepi peenaq lcouepi, nache Ñim Nataxala' ỹo'otec so madianiitapi da maiche taỹa't da nalaara't qataq datauec, nache taỹa ye Bet Sitá, qataq taỹa'a ye Sererá, maye loga't ye Abel Meholá maye huaqta'ai' ye Tabat.

Salmos 78:13

Ñimaye icolaxachigui co'ollaxa na 'etaxat aso auaxai, qataq qaỹa'axasoxoolec naqa'en asomaye, qataq vi'iiguet naqa'en na 'etaxat 'eeta'am na mpaqtaxanaxat.