Josué 3:13 - La'aqtaqa Ñim Lo'onatac 'Enauacna 2013

¹³ Nache caua ntaxaỹaxanaxanaqa maye ỹacheta'ape añi arca maye laỹe' da naỹamaxataxac Ñim Lataxala' 'enauac na huetalec ana 'alhua, qom mashe piguinguilo ye 'etaxat, nache se'eso tala colaxagui qome na 'etaxat, nache na 'etaxat maye chegaqasheguem, namaye vi'iiguet qome 'eco' da npaqtaxanaxat.»

Josué 3:13 Referans Kwoze

Éxodo 15:8

Co'ollaq 'auquetetec na 'ara'at, nache huo'oi naua laponaqa'ate na 'etaxat, na 'etaxat qalaq nachaañi, 'eeta'am ca npaqtaxanaxat, na laiñi asom qaỹoqchiguingui auaxai, qalaq da'añiỹa'a't so 'etaxat.

Salmos 78:13

Ñimaye icolaxachigui co'ollaxa na 'etaxat aso auaxai, qataq qaỹa'axasoxoolec naqa'en asomaye, qataq vi'iiguet naqa'en na 'etaxat 'eeta'am na mpaqtaxanaxat.

Habacuc 3:15

Qataq qonetalec na 'arelo caipi da qoquetalec ana auaxai, nam ỹataqta qalochiguiñi qataq qaỹoqchiguingui 'etaxat.

Salmos 33:7

Ñimaye laỹona't co'ollaxa na 'etaxat aso auaxai, qataq ỹaỹamaxat ỹachangui asom qaỹoqchiguingui auaxai late'erai.

Josué 3:11

Ñaq qauloỹa añim arca maye laỹe' da naỹamaxataxac Ñim Lataxala' 'enauac na huetalec ana 'alhua, añimaye ỹa'axasoxoolec qanqa'en ne'ena tala Jordán da qami' nlectoto qome.

Josué 4:7

nache qami' qoñiỹapec qome da qara'aqtaqui: ‹Qomye co'ollaq ỹa'axasoxoolec qanqa'en so tala Jordán aso arca maye laỹe' da naỹamaxataxac Ñim Nataxala', nache na 'etaxat so tala colaxagui. Qaq ne'enaua coma'ye naamaye naigui da yaqto' na Israel le'ecpi nache 'eetai' da lhuennataxat de'era qaỹo'otec co'ollaxa maye huaña ne'ena.›»

Salmos 74:15

'Am 'auo'ot co'ollaxa na mpaxaatasheguem 'etaxat, qataq na talapi qataq deqaqa 'anqa'en na tala maye saq 'emapec.

1 Crónicas 29:11

¡'Am Nataxala', maiche 'aralamaxat da na'amaqchec, da na'añaxac, da ño'oxoyec, da noxonaxanaxac qataq da qaica ca 'ena'am na'amaqchec! Cha'aye 'enauac na hueto'ot na piguem, qataq na huetalec ana 'alhua, maiche 'aralamaxat. Nataqa'en 'aralamaxat da lo'onataxanaxac na lta'alpi, qataq 'anataỹaña 'enauac namayepi.

Isaías 54:5

Cha'aye Ñim 'am lo'onata co'ollaxa ñimaye ỹauo'o 'am lhua. Qaq da le'enaxat 'eeta', Nataxala' maye Qaica ca Ỹaqalanapec, Ñim 'arca'alaxaqui nacheñi Ñim Qui'itta Natamnaxala' na Israel le'ecpi, nacheñi Ñim Lo'onata 'enauac ana 'alhua.

Zacarías 4:14

Nache somaye aỹem ỹasateguet, 'eeta': «De'eraua dos, nacheraua daua nca'agui'she, da yaqto' huapegueto da lo'onataxanaxac Ñim Nataxala' maye lalamaqte 'enauac ana 'alhua.»