Josué 3:1 - La'aqtaqa Ñim Lo'onatac 'Enauacna 2013

¹ Qaq co'ollaq ñaq nte'etom so lỹa na'a'q, nache so Josué qataq 'enauac so Israel le'ecpi ca'ai ye Sitín, nache co'ollaq ivita so tala Jordán, qaq saishet da nache ỹa'axasoxoolec, nacherata da hua'a da nmataqa' so loigue.

Josué 3:1 Referans Kwoze

Josué 2:1

Qaq co'ollaq huaña ye Sitín, nache so Josué no'otaxaatrec soua dos da ỹama'q, nache 'enapegalo, 'eeta': «Qanqo'oñiỹa qome da qaumeenaxañiỹa ye 'alhua Canaán qataq ye Jericó.» Nache soomaye je'c, qaq co'ollaq ivildeua'a ye Jericó, nache tatreua'a so lma' aso 'alo quisheguetaxai maye le'enaxat Rajab, nache lo'ochaqa't se'eso pe.

Marcos 1:35

Qaq co'ollaq ña qaỹata'aguet so na'a'q, nache So Jesús ñesheguem, nache tauga ca toolec 'alhua da nqouagaxauen.

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Jeremías 26:5

qataq da saishet da qauqocheetega da lvitaqtaxanaxac so ỹamaxashecpi maye ỹa'aqtaxanaxanecpi, maye ỹe'eguelaqtalec da qami' ñamaxalo, som sa qaualaqaiguetpi,

Jeremías 25:3

«Chegoqta'a co'ollaq ivi' soua trece vi'iye da nta'a so Josías, som llalec so Amón maye ilotague' ye Judá, qaq choche ivitta'a nagui, qaq damaye, 'eeta': mashe ivi' naua veintitrés vi'iye da Ñim Nataxala' aỹem detaxaỹot co'ollaxa, nache aỹem qami' she'eguelaqtaleguete co'ollaxa da qami' setaqtacoto, qalaxaye qami' saishet da aỹem qaualaqaiguet.

Jeremías 7:13

Qaq na'aictaxa da qalota naxa da qami' sachaxanalo da qano'onaxache da qarataxaqui, qalaxaye qami' saishet da aỹem qaualaqaiguet, qataq saishet da aỹem qauasacheeguet. Qaq 'era da ỹa'aqtac Aỹem Nataxala'.

Salmos 119:60

Nache ỹataqta seỹalapigui', saishet da ñaỹaloxon, da yaqto' sepacchiguilo naua 'aramaxasoxonaxaco.

Números 25:1

Qaq so Israel le'ecpi co'ollaq netaña ye Sitín, nache so ỹalleppi ca'ata naxa da nquishestague' aso Moab lashepi,

Génesis 22:3

Qaq so nte'etom so lỹa na'a'q, nache so Abraham ñesheguem, nache ỹo'oolec so lalo 'ashena, qataq iquesoq so qo'oipaqpi da yaqto' lalonaxat acam lachetaqtaxanaqte, nache jec da nqo'ona so 'alhua maye ỹachaxana Ñim Lo'onatac 'Enauacna, qaq nache lỹatac so Isaac, qataq soua dos lamaxa'she.

Génesis 21:14

Qaq so lỹa na'a'q, nache no'ottasheguem so Abraham, nache ỹanem aso Agar aso nauole, qataq aso lo'oc maye lỹoxoso huetagui so 'etaxat, nache ỹacheleguete naua lallaco, qataq ỹanem asomaye so nogotolec Ismael, qaq ime nache 'enapega da jec. Qaq asomaye jec, qalaq saỹaỹaten ca dataigue, nache chochaq coleetapeguelec ye toolec 'alhua ye Berseba.

Josué 6:12

Qaq so nte'etom so lỹa na'a'q, so Josué ñisheguem, qaq soua ntaxaỹaxanaxanaqa nache ỹacoosopa aso arca maye laỹe' da aỹamaxataxac.

Josué 6:15

Qaq so na'a'q siete, nache somayepi no'ottasheguem da qaltaq coleesop se'eso huaqta'a't nỹecpi, nache ỹe'enaxatchigui da 'eetec soua lỹa't na'axa'te, qalaxaye se'eso na'a'q, nache siete da ỹe'eguelaxalec da coleesop somaye.

Josué 7:16

Qaq so lỹa na'a'q, nache so Josué no'ottasheguem nache iỹaxaneuga ñi 'oonolec soua doce som maiche nalamaxat nhuo' Israel le'ecpi. Nache Ñim Nataxala' taalec da ỹecteua'a so maiche nhuo' le'ecpi maye chegoxoguet so Judá.

Josué 8:10

Qaq so lỹa na'a'q, nache so Josué no'ottasheguem, nache naloqchiiñi so nalleppi. Huaña nache somaye hua'autec da yaqto' qaỹatalec, nnaictague' so nqueroxonecpi lataxala'pi so Israel le'ecpi, nache nqo'ona ye Ai da iloquiaxan.

Jueces 20:19

Qaq so nte'etom nache so Israel le'ecpi nqo'ona ye saqaỹapeque ye Gabaa, nache ỹa'ayiñi so lpe'lpi.

1 Samuel 17:20

Qaq so lỹa na'a'q, nache so David ỹataqta no'ottasheguem, nache aso qaguetapi ỹaqa'a so ipataxaguet da ilo'ogue naqa'en. Qaq somaye nache jec, ỹache 'enauac so nallecpi maye chegoqo'ot so lta'a Yesé. Qaq co'ollaq ivita so nanataqa', nache so alleppi mashe naỹamaxattac da nalat, qataq ỹa'alaqtalec da nalaataxac.