Josué 24:9 - La'aqtaqa Ñim Lo'onatac 'Enauacna 2013

⁹ Huaña, nache so Balac, som llalec so Sipor, maye nta'a ye Moab, somaye anac co'ollaxa da qami' iloquiaxa'n, qataq somaye damaxasoxona so Balaam, maye llalec so Beor, da yaqto' qami' ỹasaxaleguete ca qauem la'aqtac.

Josué 24:9 Referans Kwoze

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Jueces 11:25

¿Qalqo' 'aupi'itaxaatega da 'anapacalec so Balac, som llalec so Sipor, som nta'a ye Moab? ¿Peta'a huo'o co'ollaxa ca huaña da anac da icogaxanapec na Israel le'ecpi nache delogui'?

Números 22:2

Nache so Balac, som llalec so Sipor, co'ollaq ỹauaachigui dam ỹo'otec so Israel le'ecpi so amorreopi.

Jueces 11:17

Nache huo'oi soua qaramaxa'she da nqo'oora so nta'a ye Edom, da yaqto' qomi' ỹasheetema da sa'axasoxonalec ye na'alhua, qalaxaye qomi' sa ỹashenema. Nataqa'en seỹaxanaqot so nta'a ye Moab, qalaxaye nataqa'en somaye saishet da qomi' ỹashenema da sa'axasoxonaxalec ye na'alhua. Qaq ỹoqo'oye nache sonaqaña co'ollaxa ye Cades.