Josué 24:6 - La'aqtaqa Ñim Lo'onatac 'Enauacna 2013

⁶ Qaq se'eso hua'au qarta'ailpi co'ollaq ca'ai ye Egipto, nache so Egipto le'ecpi ncaalec somayepi, ỹauota'a aso laigonapi maye nalaataxaqui qataq so lalo caipi, nache nvittaxaama aso Auaxai Togaxarai.

Josué 24:6 Referans Kwoze

Hebreos 11:29

So Israel le'ecpi nataqa'en huo'o da lpi'iỹaxac Ñim Lo'onatac 'Enauacna, ỹoqo'oye ishet da ỹa'axasoxoolec aso auaxai togaxarai, 'eeta'am naqa'en da deqaqtelec. Qalaxaye so Egipto le'ecpi co'ollaq huotaique da ỹa'axasoxoolec nataqa'en asomaye, nache 'enauac da 'ogaxaicpi.

Hechos 7:36

Qaq nacheso so Moisés so nqateeguesop ye 'alhua Egipto so hua'au qarta'alpi. Qataq nacheso so ỹo'ot nam sa qaỹauanapigui qataq na na'anecpi yi'iye 'alhua, qataq co'ollaq huaña aso Auaxai Togaxarai, qataq so toolec 'alhua se'esoua cuarenta vi'iye.

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Salmos 78:13

Ñimaye icolaxachigui co'ollaxa na 'etaxat aso auaxai, qataq qaỹa'axasoxoolec naqa'en asomaye, qataq vi'iiguet naqa'en na 'etaxat 'eeta'am na mpaqtaxanaxat.

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.

Éxodo 12:51

Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.

Éxodo 12:37

Nache so Israel le'ecpi ca'ai ye Ramesés, tateuga ye Sucot. Somayepi huac da ivi' saiscientos mil ỹalleppi, ndotec so mashe ishet da taigui na huataxanaq, qaq saishet da qanaloqneuo so 'alpi qataq so ñaqpiolec.