Josué 24:16 - La'aqtaqa Ñim Lo'onatac 'Enauacna 2013

¹⁶ Huaña nache so nhuo' le'ecpi 'enapeco': «¡Qomi' ỹataqta saishet qome da qolqa'ai Ñim Nataxala', da yaqto' sho'oxorenaq na ỹaqa'a atamnaxala'pi!

Josué 24:16 Referans Kwoze

1 Samuel 12:23

Qaq aỹem qalaq saishet qome da saxaañi da qami' ñatameetapegueleguete, yaqto' saishet da hueto'ot Ñim Nataxala' ca ỹasouaxashet, nacherata da qami' sapaxagueneque ca ỹaỹamaqchiguiñi, qataq ca no'on qoyecỹaxaqui,

Romanos 6:2

¡'A'i, saishet! Cha'aye qomi' mashe saishet da saỹaqapegueua'a da ñe'etaxaloxo, qaq ỹoqo'oye saishet da qolaqto'ot damaye.

Romanos 3:6

¡'Eesa mque' da sa nache 'eetec de'era! Cha'aye da huo'otaq Ñim Lo'onatac 'Enauacna saishet da ỹaỹamaqchiguiñi ca ỹo'ot, nache ¿ca 'eeteco' da ishet da ỹaỹaten ca 'onaxaic qataq da ỹaỹaten ca qauem?

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»

Josué 24:17

¡Ñim Nataxala', nacheñi Ñim Qanatamnaxala'! Cha'aye Ñimaye nacheñi ñi qomi' nqatrec, qataq so qarta'alpi co'ollaq qomi' nlatacpi huaña ye Egipto. Qataq Ñimaye ỹataqta sauanaqchigui naqa'en da ỹo'ot so lta'araic na'aalaxa, qataq ntela'a qataq npaxattalec da qoyecỹaxac, co'ollaq qolaqchiguingui so ỹotta'a't shiỹaxauapi.

Josué 22:29

Qaq Ñim Nataxala' qomi' sa ỹashenegueta qome da sataỹaqa'aguet huo'otaq da qolaqa'ai Ñimaye, cha'aye qomi' ñauaxaỹaxanaxasheguem añi nca'atoxonaxalate, qalaxaye saishet da sachaqalec aca qarachetaqtaxanaqte maye qaỹavigaxatta, huo'otaq aca qarachetaqtaxanaqte ala na nañiguishec, huo'otaq ca lỹa qarachetaqtaxanaxat. Cha'aye qomi' saỹatenaqta da 'oonole añi nca'atoxonaxalate maye lalamaqte Ñim Nataxala' maye Qanatamnaxala', maye netaña ñi npe'l maye huañacnaxa da qanauane' Ñim Nataxala'.»

Salmos 119:106

Aỹem san co'ollaxa so ỹa'aqtac da yaqto' sepacchiguilo naua nalochiyiñi 'ara'aqtaqa.