Josué 24:12 - La'aqtaqa Ñim Lo'onatac 'Enauacna 2013

¹² Qaq se'esoua dos lta'al so amorreopi, qalaq saishet co'ollaxa da qaroilec ca ỹeelonecpi huo'otaq checnecpi da yaqto' qanaviqui' soomaye, cha'aye aỹem samaq so vi'inaq lalaxatpi da yaqto' datarec naqa'en soomaye.

Josué 24:12 Referans Kwoze

Deuteronómio 7:20

Qaq da huo'otaq huo'o ca lca'alaxaic yemayepi, nache Ñimaye namaq ca vi'inaq lalaxat da yaqto' nmatchiguiñi. Ivira'a ca nshetaique da qami' nqañoxocheesopa.

Éxodo 23:28

Qataq Aỹem sa'auaxan qome ca ỹo'ot ca lta'araic ncolanaxa, da yaqto' ỹo'orauec ye heveopi, hitiitapi qataq ye cananeopi.

Éxodo 23:31

Qaq naua loga'te yem qarmaye sogote da sa'a'n da na'anaguec, 'eeta': Chegoqchiguiña qome aso Auaxai Togaxarai, nache ivitta'a so loigue aso auaxai maye nalotaxaama ye lma' ye filisteopi, qataq chegoqchiguiña ye toolec 'alhua choche ivitta'a so tala Éufrates. Qaq Aỹem qami' sanema ye netalec yi'iye 'alhua da qauloỹiigue. Ime, qaq maiche qauo'oyiỹauec qome yemayepi.

Salmos 80:9

'Ano'onaxaalec ne'ena 'alhua da no'oitot 'anqa'en asomaye, nache asa'aso uva ỹa'alyiñi naua lpa'aye, nache nlaxalec ne'ena 'alhua.

Números 21:31

Qaq 'era da 'eetec co'ollaxa so Israel le'ecpi, da nalec ye na'alhua so amorreopi.

Números 21:32

Qaq so Moisés nataqa'en ỹauo'oi co'ollaxa soua lamaxa'she da demeenaxara so huaqta'a't nỹecpi ye Jezer, nache so Israel le'ecpi ỹo'orauec co'ollaxa so amorreopi, nache ỹacona so huaqta'a't nỹecpi maye netaigui co'ollaxa somayepi.

Deuteronómio 4:46

co'ollaq ñaq hueta'a ye pa'aigue da nala' lliguisheguem ye tala Jordán, yem ca'amapega't maye nalotta ye Bet Pegor, maye na'alhua co'ollaxa so Sijón, som lta'a na amorreopi. Qaq se'eso Sijón, netaña co'ollaxa ye Jesbón, qaq so Moisés qataq so Israel le'ecpi loxonec co'ollaxa somaye co'ollaq ca'ai somayepi ye Egipto.

Deuteronómio 4:47

Nache so Israel le'ecpi ỹacona co'ollaxa ye na'alhua somayepi, qataq ye na'alhua so Og, maye lta'a so netaña ye Basán, qaq soomaye nachesoua soua dos lta'al na amorreopi, qaq soomaye netraña co'ollaxa ye pa'aỹa'ague da nala' lliguisheguem ye tala Jordán.

Deuteronómio 31:4

Qataq yi'iye shiỹaxauapi, Ñim Nataxala' 'eeta'am qome naqa'en da 'eeteque soua Sijón, qataq so Og, maye lta'al na amorreopi, qataq da 'eetec ye na'alhua maye ỹataqta nlachiguiñi naqa'en co'ollaxa Ñimaye.

Josué 2:10

Qataq sa'axasoqtapeguelec da 'eetec co'ollaq qoquiỹa'ai ye Egipto, nache Ñim Nataxala' 'imñi naqa'en so 'etaxat so lche aso Auaxai Togaxarai da yaqto' ishet da qaua'axasoxoñiilec. Nataqa'en sa'axasoqtega da ỹataqta qanmachiichiyiñi soua Sijón qataq Og, soua dos lta'al ye amorreopi maye neta'atrague da le'ego ye tala Jordán.

Salmos 80:10

Qaq na lpaqal ivira'a da ỹapolec ana qasoxonaxapi, qataq ana lcouepi napacalec ana qo'oipaqpi maye ỹataqta logorai.

Salmos 135:11

So Sijón maye lta'a so amorreopi, qataq so Og maye lta'a so netaña ye Basán, qataq 'enauac so nta'alpi ye Canaán.