Josué 24:1 - La'aqtaqa Ñim Lo'onatac 'Enauacna 2013

¹ So Josué, laỹona't co'ollaxa 'enauac so Israel le'ecpi huaña ye Siquén. Nache iỹaxaneuga so nqueroxonecpi, nataxala'pi, nmit na nasouaxashetpi, qataq so lataxala'pi so alleppi, qaq ỹauaachigui naqa'en Ñim Nataxala',

Josué 24:1 Referans Kwoze

Josué 23:2

nache so Josué iỹaxaneuga 'enauac so Israel le'ecpi, nqueroxonecpi, qataq so lataxala'pi som nalamaxat nhuo' le'ecpi, qataq so nmit na nasouaxashetpi, qataq so lataxala'pi so alleppi, nache 'enapega somayepi, 'eeta': «Aỹem, mashe aỹem ỹa'axaiquiolec, qataq naua vi'iye mashe sa ñalo'ogueta.

1 Samuel 10:19

Qalaxaye nagui qami' qauo'otañi Ñim Qanatamnaxala'ai, maye qami' isoueeguesopa co'ollaxa 'enauac so lqalaiguesat, qataq so qanque'eenaxaqui, qaq nagui qami' qauo'otañi Ñimaye, cha'aye souaxat da qauỹaxañiỹaique ca qarta'ai da yaqto' qami' ilo'oguelo. Qaq ỹoqo'oye nagui qauanaqui, nache qanachaachiuo, qataq ñi 'oonolec ỹataqtac ca maiche lauo' le'ecpi qataq ca maiche llalaqpi.›»

Hechos 10:33

Qaq ỹoqo'oye ỹataqta sa saỹaloxonai' da 'am samaxasoxona. Qaq nagui no'on, cha'aye mashe 'anvi'. Qaq nagui qomi' souaqta'a ne'ena, qomi' lhuotte' da ña'axaỹaxanaxa cam 'am ỹamaxalec Ñim Lo'onatac 'Enauacna da qomi' 'aua'aqtaxanema, qataq qomi' saỹatenaqta da Ñimaye qomi' imeteeta'ape ne'ena na'a'q.

1 Reyes 12:1

So Roboán taỹa ye Siquén, cha'aye 'enauac so Israel le'ecpi taỹa co'ollaxa yemaye da yaqto' qoỹanagui da nta'a somaye.

Génesis 12:6

nache so Abram ỹa'axasoxootac 'enauac yi'iye 'alhua, nache ivitta'a ye Siquén yem naña aso qo'oipaq atamnaxalate, maye naña ye More. Qaq se'eso na'a'q so cananeopi netalec co'ollaxa yi'iye 'alhua.

Génesis 35:4

Nache somayepi, ỹanem so Jacob 'enauac som ỹaqa'a atamnaxala'pi maye hueto'ot, qataq aso nshetepi maye netaguilo naua ltela, nache so Jacob ilarot aso qo'oipaq le'enaxat encina, maye naña ye sa qaỹapeque ye Siquén.

Deuteronómio 29:9

Ỹoqo'oye nagui, ỹataqta qaupaquiichigui qome da qauo'oche 'enauac na qalapaxañi lataxacpi de'era aỹamaxataxac, yaqto' 'enauac ca qauacoñiilec da qauo'oche, ỹataqta ỹaỹamaqchiguiñi.

Josué 20:7

Huaña co'ollaxa, nache so Israel le'ecpi lca'aua'a da yaqto' ñe'eguenaxaquipi so huaqta'a't nỹecpi ye: Cedes, Galilea, qataq ye huaña ana qasoxonaxapi ye Neftalí, qataq ye Siquén, maye huaña na qasoxonaxapi maye lalamaqte so Efraín, qataq ye Quiriat Arbá, maye nataqa'en le'enaxat da Hebrón, maye huaigui aye qasoxonaxapi ye Judá.

Jueces 20:26

Nache 'enauac so Israel le'ecpi qataq so nalleppi ỹoltaq ỹe'eguelaxa ye Betel, da qaltaq nỹeeto'ot Ñim Nataxala', nache imauec se'eso na'a'q da nqouaqchet somayepi, qataq ỹanot Ñim Nataxala' aso lachetaqtaxanaqte qaỹavigaxatta, qataq aso lachetaqtaxanaqte maye qanhuaachigui.

2 Reyes 23:1

Huaña, nache so nta'a damaxasoxoneuga da qaiỹaxaneuga 'enauac so nqueroxonecpi ye Judá, qataq ye Jerusalén da yaqto' na'aqtaxane' somaye.