Josué 23:9 - La'aqtaqa Ñim Lo'onatac 'Enauacna 2013

⁹ Ñim Nataxala' ỹataqta qauauañiichigui co'ollaxa naqa'en da ỹo'orauec 'enauac so ỹotta'a't shiỹaxauapi maye 'amaqtaqaicpi qataq 'añaxaicpi, qaq nache ivitta'a nagui da qaica ca ishet da qami' dataỹa'agueta.

Josué 23:9 Referans Kwoze

Josué 1:5

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

Deuteronómio 11:23

nache qauauañiichigui qome da Ñim Nataxala' ỹo'orauec ye ỹotta'a't shiỹaxauapi, huaña nache qoroxoñiqui ye ỹotta'a't nhuo' le'ecpi maye ỹataqta qalota qataq 'añaxaicpi.

Josué 23:5

Maye Ñim Nataxala' maye Qanatamnaxala' taỹa'a da ỹo'orauec 'enauac na netalec yi'iye 'alhuapi. Nache qami' qauacoñiỹa qome yi'iye 'alhuapi, nache ipacchigui da la'aqtac Ñim Nataxala' maye qami' ỹachaxanapeguema co'ollaxa.

Éxodo 23:30

Qaq ñeqonaxattauec qome da samaqauec yemayepi, nato' qom mashe qalota ca qaỹa'alquipi. Ime, qaq ishet da qauacoñiỹa yi'iye 'alhua da qauauo'oi qarmaye.

Josué 15:14

Huaña, nache so Caleb ỹo'oldauec co'ollaxa soua tres chegoxogueta so Anac, som le'enaxat Sesay, Ajimán, qataq so Talmay.

Deuteronómio 7:24

Qaq qami' ỹanema da qoroxoñiqui ye lta'alpi yemayepi, ivitta'a da ỹataqta pal qanqa'eñi na le'enaxatpi yemayepi, cha'aye saishet da qami' nalo'ogueta qome da qami' deloguito.

Hechos 7:45

Qaq se'eso hua'au qarta'alpi, somayepi co'ollaxa ỹaconeguet se'eso npe'l da chegoqtot som hua'au lta'alpi, nache som nnaictague'pi co'ollaxa so Josué nda'a ne'ena 'alhua se'eso npe'l co'ollaq somayepi loxonec na lma' so laỹepi shiỹaxauapi maye nqatec Ñim Lo'onatac 'Enauacna. Cha'aye ne'ena 'alhua ỹauotaique lma' naqa'en somayepi. Qaq 'era da 'eetec se'eso npe'l, nache choche ivitta'a co'ollaq huo'o so nta'a David.

Éxodo 23:23

So ñale, hua'auta'ague qome na qanqa'aiqui, qataq qami' ỹauegalo ye na'alhua ye amorreopi, hitiitapi, ferezeopi, cananeopi, heveopi qataq ye jebuseopi, yem taỹa'a da ñeqat qome.

Josué 23:8

Nacherata da ỹataqta qoquiitegue qome Ñim Nataxala' maye Qanatamnaxala', 'eeta'am qanqa'eñi da qoñeeta'ac co'ollaxa choche ivitta'a nagui.

Josué 24:18

Qataq Ñimaye sauanaqchigui naqa'en da ỹo'orauec 'enauac so nhuo' le'ecpi, qataq so amorreopi maye netaña co'ollaxa ne'ena 'alhua. Qaq ỹoqo'oye qomi' nataqa'en so'onataxanaqot qome Ñim Nataxala', cha'aye Ñim Nataxala', nacheñi Ñim Qanatamnaxala'.»

1 Reyes 21:26

Qataq ỹataqta qaiqaiga na ỹo'otpi, souaxat da natameetacot na nqolacpi, 'eeta'am nam ỹo'otpi co'ollaxa so amorreopi, maye ỹo'orauec co'ollaxa Ñim Nataxala', ỹauaachigui naqa'en na Israel le'ecpi.

2 Crónicas 20:7

'Am Qanatamnaxala', ỹauaachigui co'ollaxa 'anqa'en ne'ena 'aralamaxat nhuo' Israel le'ecpi da 'auo'orauec som shiỹaxauapi maye netalec co'ollaxa ne'ena 'alhua, nache 'aỹa'anem co'ollaxa nam chegoxoguetpi so 'anauochaxaua Abraham, da yaqto' nache 'eetai' da lalamaxat 'anqa'en.