Josué 23:8 - La'aqtaqa Ñim Lo'onatac 'Enauacna 2013

⁸ Nacherata da ỹataqta qoquiitegue qome Ñim Nataxala' maye Qanatamnaxala', 'eeta'am qanqa'eñi da qoñeeta'ac co'ollaxa choche ivitta'a nagui.

Josué 23:8 Referans Kwoze

Deuteronómio 10:20

Huo'o naq 'enec qanqa'eñi Ñim Nataxala' maye Qanatamnaxala'ai, qataq nacheñita da qavio'oxoyiñi, saishet da qavio'oxoyiñi ca ỹaqa'a atamnaxala'pi. Qaq da huo'o ca qaỹa'añi qara'aqtaqui, nache chegoqchigui qanqa'eñi da le'enaxat Ñimaye.

Josué 22:5

Qalaxaye nacherata da qami' seqaaleguete da ỹataqta qaupaquiichiguilo qome 'enauaque naua 'ena'ape naua namaxasoxonaxaco qataq naua nqataxaco, maye qami' ỹanema so Moisés, maye lamaxashec Ñim Nataxala' maye 'eeta': Ỹataqta qauauochec Ñim Nataxala' maye Qanatamnaxala'ai, qataq nache 'eetai' qome da qoquiiteguelo naua lleco Ñimaye, qataq da qaualaqaigueta naua lamaxasoxonaxaco, qaq nacheñita qome da qoquiitegue, qataq ỹataqta qaumachiỹo'ot da qarquiyaqteỹaxaqui, qataq da qanachaalataxaqui da qauo'onataxañiitacot Ñimaye.»

Hechos 11:23

Qaq so Bernabé maye no'on da lataxac qataq nlaqchigui da la'añaxac So Saqcha'a Na'añaxac Qui'itta, qataq nda'a't So Qarataxala' da lpi'iỹaxac. Somaye co'ollaq ivi', nache ila'a da lqouagaxanaqtaic Ñim Lo'onatac 'Enauacna da huetalec 'enauac so shiỹaxauapi. Nache somaye ỹataqta machiguiñi. Huaña, nache ỹataqta huaqattega 'enauac somayepi da yaqto' da lquiyaqteỹaxac sa dasheuec, chaqrata da ỹataqta quetegue So Qarataxala'.

Deuteronómio 13:4

Qaq nacheñita Ñim Nataxala' maye Qanatamnaxala'ai da qoquiigue qome, qataq qavio'oxoyiñi qaupaquiichiguilo naua lamaxasoxonaxaco qataq qaualaqaigueta, ỹataqta qauo'oche' naua 'ena'ape, qataq saishet da qoquiỹa'ai Ñimaye.

Deuteronómio 11:22

Qaq da ỹataqta qaualaqaiguet 'enauac ne'ena namaxasoxonaxacpi maye qami' sanema nagui, qataq qauauochec Ñim Nataxala' maye Qanatamnaxala'ai, qataq qoquiitegue da lataxac da llecỹaxac Ñimaye,

Deuteronómio 4:4

qalaxaye 'enauac qami' maye qaualaqaiguet co'ollaxa Ñim Nataxala' maye Qanatamnaxala'ai, ñaq qanca'alleetauec nagui.

Josué 23:7

Nache saishet qome da qauallequiiguet na shiỹaxauapi maye ñaq hueta'a ne'ena, maye ñaq qami' netanguilo. Qataq saishet da qavio'oxoreñiitac nam natamnaxala'pi namayepi, qataq saishet da qaualaqaiguet huo'otaq da qanasaqaiteguec cam le'enaxatpi que'eca atamnaxala'pi, huo'otaq da qaỹa'añim ca qara'aqtaqui.

Josué 23:9

Ñim Nataxala' ỹataqta qauauañiichigui co'ollaxa naqa'en da ỹo'orauec 'enauac so ỹotta'a't shiỹaxauapi maye 'amaqtaqaicpi qataq 'añaxaicpi, qaq nache ivitta'a nagui da qaica ca ishet da qami' dataỹa'agueta.

2 Reyes 18:6

Qaq somaye ỹataqta ỹalaxaguet Ñim Nataxala', qataq saishet da ca'ai Ñimaye, nacherata da ỹataqta ipacchiguilo naua lamaxasoxonaxaco Ñim Nataxala', maye ỹanema co'ollaxa so Moisés.

Deuteronómio 8:20

Cha'aye da saishet da qaualaqaiguet Ñim Nataxala' maye Qanatamnaxala'ai, nache qami' ilaxachiguilo qome, qoñiita'am naqa'en da 'eetec da ilaxachigui na ỹotta'a't shiỹaxauapi de'era qa'aita'ague.

Deuteronómio 13:5

Qaq que'eca na'aqtaxanaxanec, huo'otaq choxonaxaic, camaye iuen da qaỹalauat souaxat da huotaique da sa qaualaqaiguet naqa'en Ñim Nataxala' maye Qanatamnaxala'ai, Ñim qami' nqateeguesopa co'ollaxa da qanlataguiiqui ye Egipto. Qaq 'era qome da 'eetec da imeuo qanqa'eñi 'enauac ca qauem maye qami' huetanguilo. Cha'aye que'eca na'aqtaxanaxanec huotaique da qoquiỹa'ai da lataxac da ñecỹaxac maye qami' ỹamaxaleguete Ñimaye.