Josué 23:7 - La'aqtaqa Ñim Lo'onatac 'Enauacna 2013

⁷ Nache saishet qome da qauallequiiguet na shiỹaxauapi maye ñaq hueta'a ne'ena, maye ñaq qami' netanguilo. Qataq saishet da qavio'oxoreñiitac nam natamnaxala'pi namayepi, qataq saishet da qaualaqaiguet huo'otaq da qanasaqaiteguec cam le'enaxatpi que'eca atamnaxala'pi, huo'otaq da qaỹa'añim ca qara'aqtaqui.

Josué 23:7 Referans Kwoze

Éxodo 23:13

Qaupaquiichigui qome 'enauac ne'ena lataxacpi da qauo'oche, qataq saishet qome da huo'o ca iỹaxaatacot ca ỹaqa'a atamnaxala', da iỹaxaataique ca ntaunaguec, qataq saishet da choche nasaqtapeguec da le'enaxat camaye.»

Jeremías 5:7

Qaq Ñim Nataxala', 'enapec: «¿Cam 'eeteco' da ishet da 'am sechoxoren souaxat de'era? Ye nam 'aỹa'alaqpi aỹem ca'ai, nache ỹaatacot da la'aqtac nam saishet da atamnaxala'pi. Aỹem sanem co'ollaxa da saqoue da lquia'axac, qalaxaye namayepi Aỹem saỹalaxaguet, nache imauec da nañaneguet da natameetacot na ỹaqa'a atamnaxala'pi.

Salmos 16:4

qalaxaye na quetague' ne'ena atamnaxala'pi nquictauec da nqui'ic. Qaq aỹem saishet qome da salegueua'a na icoldec naua ntago'q da lachetaqtaxanaxat. Qataq saishet da ñasaxauec na le'enaxatpi namayepi.

Éxodo 23:33

Qataq saishet da huo'o ca qano'onaxachiỹañi yemayepi da netalec yi'iye 'alhua, ten qom nataqa'en qami' qanatamñiỹot na natamnaxala'pi, nache huo'o ca qarasouaxashechi, nache ivira'a da deqat da qanachaalataxaqui».

Efesios 5:11

Qataq saishet qome da qa'aitegueua'a nam ỹo'ottacpi nam sa ỹauatton Ñim Lo'onatac 'Enauacna, cha'aye nam ỹo'ottacpi qaica ca naigui. Nachaqrata da qauachaxañiỹa nam npe'enaxacpi.

1 Corintios 15:33

Saishet qome da maiche qanatenacheetapeguela't. Cha'aye 'eesa naxa da na'aqtac maye 'eeta': «Ca qauemaic shiỹaxaua na'aqchet ca no'on lataxac ca lỹa.»

Sofonías 1:5

Qataq selaxachigui nam tasheguema naxa na l-laq na lma' da natamnot ana huaqaañipi, qataq nam ỹa'attrañi naxa naua l-llecte da ỹo'oxoreetac da ỹe'enaxat, qataq dam le'enaxat som atamnaxala' Milcón.

Proverbios 4:14

Saisheto' da 'auca'ategue da lqauaxac na 'etaxaloxoicpi, qataq saishet da qoquegue da qauem lataxac.

Josué 23:12

Cha'aye da qoquiỹa'ai Ñim Lo'onatac 'Enauacna, da qaualliquiiguet na ỹaqa'a shiỹaxauapi maye ñaq qami' netanguilo, qataq qauaroñiiguet namayepi, nache qaualliquiiguet, qataq namayepi qami' ỹaleegueta,

Oseas 2:17

Huaña qome nache ñeqateeguesop na alap da le'enaxat na saq 'en atamnaxala'pi, nache saishet qome da qaltaq ỹe'eguelaxa da nasaqtapeguec.

Números 32:38

Nebo, Baal Megón qataq ye Sibemá, qataq naralaxat da le'enaxat se'eso huaqta'a't nỹecpi maye nauaxaỹaxaasheguem.

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Deuteronómio 6:13

Ỹoqo'oye huo'o naq 'enec qanqa'eñi Ñim Nataxala' maye Lo'onatac 'Enauacna, qataq nacheñita qaualaqaiguet. Qataq da qaỹa'añi ca qara'aqtaqui qalaq qauacoñiỹa da le'enaxat Ñimaye.

Deuteronómio 10:20

Huo'o naq 'enec qanqa'eñi Ñim Nataxala' maye Qanatamnaxala'ai, qataq nacheñita da qavio'oxoyiñi, saishet da qavio'oxoyiñi ca ỹaqa'a atamnaxala'pi. Qaq da huo'o ca qaỹa'añi qara'aqtaqui, nache chegoqchigui qanqa'eñi da le'enaxat Ñimaye.

Josué 23:8

Nacherata da ỹataqta qoquiitegue qome Ñim Nataxala' maye Qanatamnaxala', 'eeta'am qanqa'eñi da qoñeeta'ac co'ollaxa choche ivitta'a nagui.

Jeremías 12:16

Cha'aye 'eesa da namayepi ỹapaxaguenec co'ollaxa na ỹalamaxat nhuo' le'ecpi da ỹanot da la'aqtac so Baal, qalaxaye nagui ishet da ỹalegoigui na ỹalamaxat nhuo' le'ecpi, da ỹoqta 'eesa da ỹaconeguet da la'amqaanataxanaxac na ỹalamaxat nhuo' le'ecpi, qataq da ỹan ca la'aqtac da ỹachegoxotchigui da ỹe'enaxat da, 'eeta': ‹Nca'altauec Ñim Nataxala'.›

Números 33:55

Qaq da saishet da qauo'oyiỹauec ye shiỹaxauapi maye netalec yi'iye 'alhua, nache yemayepi saishet qome da qami' ỹalemaxa't, 'eeta'am ca ntagoxoshet, huo'otaq ca lañe' da qaro'ocỹaxaqui qom qoñiitalec yi'iye 'alhua.

Deuteronómio 6:14

Qataq saishet da qauca'achiỹa na natamnaxala'pi na shiỹaxauapi maye qarhuoreuaipi,

2 Reyes 5:18

Qalaxaye ñachoxonnot Ñim Nataxala' da chochaq aỹem ichoxoren, qom ivita da yo'oxonnataxan so nta'a ye Siria da taua'a añi atamnaxaqui ye Rimón, da ỹacootaua'a na ihuaq, qataq da sa'alyiñi naua illecte da huaigui añi atamnaxaqui, nache choche aỹem ichoxoren qome Ñim Nataxala', souaxat da sheetec de'era.

2 Reyes 17:12

Qataq natameetacot so saq 'en atamnaxala'pi, maye Ñim Nataxala' saỹashenem co'ollaxa da natamnot.

2 Crónicas 7:19

Qalaxaye da aỹem qoquiỹa'ai, qataq sa qaualaqaiguet na iqataxacpi qataq na ỹamaxasoxonaxacpi maye qami' sanema, nacherata da qanqo'oñiỹa da qavio'oxoreñiitac qataq qanatamñiitacot na ỹaqa'a atamnaxala'pi,