Josué 23:5 - La'aqtaqa Ñim Lo'onatac 'Enauacna 2013

⁵ Maye Ñim Nataxala' maye Qanatamnaxala' taỹa'a da ỹo'orauec 'enauac na netalec yi'iye 'alhuapi. Nache qami' qauacoñiỹa qome yi'iye 'alhuapi, nache ipacchigui da la'aqtac Ñim Nataxala' maye qami' ỹachaxanapeguema co'ollaxa.

Josué 23:5 Referans Kwoze

Josué 13:6

Qaq ỹauaachigui ñaqa'en qome na Israel le'ecpi da so'orauec 'enauac ye sidoniopi, qataq 'enauac yem nalec aye qasoxonaxapi, nache chegoqchiguiña ye Líbano, nache ivitta'a ye Misrefot Mayin. Qalaxaye 'am qouapegue' qome da 'aỹa'anem na Israel le'ecpi ne'ena 'alhua da yaqto' ỹauo'o lalamaxat, nache ipacchigui qome da 'am samaxalec.

Deuteronómio 11:23

nache qauauañiichigui qome da Ñim Nataxala' ỹo'orauec ye ỹotta'a't shiỹaxauapi, huaña nache qoroxoñiqui ye ỹotta'a't nhuo' le'ecpi maye ỹataqta qalota qataq 'añaxaicpi.

Éxodo 34:11

Qaq da ỹataqta qaupaquiitelec da qami' sanema ỹa'aqtac, nache Aỹem samaqauec qome ye amorreopi, cananeopi, hitiitapi, ferezeopi, heveopi qataq ye jebuseopi.

Éxodo 33:2

Qaq Aỹem qome, samaq ca ñale da 'am ỹaueca'aguet, qataq samaqauec da ca'ai ye na'alhuapi ye cananeopi, amorreopi, hitiitapi, ferezeopi, heveopi qataq ye jebuseopi.

Éxodo 23:20

«Qaq aỹem samaq qome so ñale, da hua'auta'ague na qanqa'aiqui da yaqto' qami' ntela'alo na nqa'aic, qataq qami' ỹauegalo yem 'alhua maye seqataxaatai'.

Jueces 2:21

Qaq nagui nache saishet da ỹauaachigui ñaqa'en da so'orauec na ỹotta'a't shiỹaxauapi maye netalec ne'ena 'alhua, maye so Josué sa ỹañoxot da ỹo'orauec co'ollaq ña nca'altauec.