Josué 23:4 - La'aqtaqa Ñim Lo'onatac 'Enauacna 2013

⁴ Qaq aỹem sauota'a da alletaxac co'ollaxa da sanoigui na na'alhuapi ne'ena maiche nalamaxat nhuo' le'ecpi. Qataq saishet da nda'a't na 'alhuapi maye mashe qaiuotaxanec co'ollaxa da sanem namayepi, cha'aye nataqa'en sanem nam ñaq saxanaxa da qaiuotaxanec, maye chegoqchiguiña ye pa'aỹa'ague da yo'oxoñi so Jordán, nache ivitta'a da pa'aỹa'ague da avit aso Auaxai Mediterráneo.

Josué 23:4 Referans Kwoze

Josué 18:10

Nache so Josué, icolaxatapigui se'eso 'alhuapi da yaqto' ỹanoigui so Israel le'ecpi huaña ye Silo, qataq ỹauaachigui naqa'en Ñim Nataxala' da qanallichigui somaye.

Josué 13:2

Ñaq no'onañi 'enauac yem na'alhua ye filisteopi, qataq ye guesureopi,

Éxodo 23:30

Qaq ñeqonaxattauec qome da samaqauec yemayepi, nato' qom mashe qalota ca qaỹa'alquipi. Ime, qaq ishet da qauacoñiỹa yi'iye 'alhua da qauauo'oi qarmaye.

Deuteronómio 12:29

Qataq qom qauauañiichigui Ñim Nataxala' maye Qanatamnaxala'ai, da imeuo naqa'en ye ỹotta'a't shiỹaxauapi maye netaleguete yeua 'aleu' maye qami' ỹanema qome, qataq da ime da ỹo'orauec yemayepi, qataq da mashe qoñiitalec yi'iye 'alhua,

Jueces 2:21

Qaq nagui nache saishet da ỹauaachigui ñaqa'en da so'orauec na ỹotta'a't shiỹaxauapi maye netalec ne'ena 'alhua, maye so Josué sa ỹañoxot da ỹo'orauec co'ollaq ña nca'altauec.

Salmos 78:55

Qataq nqateua'a na ỹotta'a't shiỹaxauapi ỹauaachigui naqa'en na Israel le'ecpi, qataq naloqchiichiguiñi na ỹanem 'alhua na maiche nhuo' le'ecpi, nache ỹanaña na maiche lalamaxat lanataqa'pi.

Salmos 105:11

co'ollaq 'eeta': «Aỹem, 'am sanem qome ye 'alhua ye Canaán, yem 'alhua maye taỹa'a da 'aralamaxat.»

Sofonías 3:6

Ñim Nataxala', 'eeta': «Aỹem selaxachigui co'ollaxa na ỹotta'a't shiỹaxauapi, qataq selaxachigui ana lalloxolatepi maye nalec na lpaqtaxanaxatpi, qataq so'otec da toteguelo naua nqa'aico, nache qaica ca shiỹaxaua da quetagueto naamaye. ¡Nache nam lalamaxat huaqta'a't nỹecpi ỹataqta toolec qaica da choche 'oonolec ca no'onañi!