Josué 23:16 - La'aqtaqa Ñim Lo'onatac 'Enauacna 2013

¹⁶ qom saishet da qaualaqailec da aỹamaxataxac maye qami' ỹo'oteque Ñim Nataxala' maye Qanatamnaxala'. Qataq da qavio'oxoyiñi ca ỹaqa'a atamnaxala', qataq da qaua'ayiỹoto naua qarllicchilli' camaye, nache Ñim Nataxala' qami' dalemataỹalo qome, nache qami' nqateeguesopa ne'ena no'on 'alhua maye qami' ỹanema Ñimaye.»

Josué 23:16 Referans Kwoze

2 Reyes 24:20

Ỹoqo'oye Ñim Nataxala', ỹataqta dalemataỹa co'ollaxa ye Jerusalén, qataq ye Judá, nache ỹo'orauec somayepi. Qaq co'ollaq mashe qaỹoqtegue de'era, nache so Sedequías dataỹa'aguet co'ollaxa so nta'a ye Babilonia.

1 Reyes 14:15

nache Ñim Nataxala' ỹataqta sa iren qome da ỹacholaxan na Israel le'ecpi, 'eeta'am naqa'en na la'auataxa so tala da ỹacholaxan ana na'aatepi. Nache nqateeguesop na Israel le'ecpi, yem netaña no'on 'alhua maye ỹanem co'ollaxa so hua'au lta'alpi, nache ilagaxaalec namayepi ye ỹataqta qaỹoqta ye Éufrates, souaxat da ỹo'ot na le'enaqtacpi lqui'ipi aso Astarté, nache inogoqchet Ñim Nataxala'.

2 Reyes 17:7

Qaq de'era, qanayeuaigui co'ollaxa souaxato' da so Israel le'ecpi, huo'o da npe'enaxac da dataỹa'aguet Ñim Nataxala' maye Natamnaxala', maye nqateeguesop co'ollaxa ye Egipto, qataq da la'añaxac so faraón, maye nta'a ye Egipto, cha'aye somayepi natamnot so ỹaqa'a atamnaxala'pi,

Jeremías 32:24

Qaq nagui na caldeopi nauaxaỹaxaasheguem na lliguisheguempi da yaqto' iloquiaxan na huaqta'a't nỹecpi, qaq dam alaataxac, qataq na nqouaxa qataq na napiina, nachena qome na ỹo'ot da noxonec na huaqta'a't nỹecpi. 'Am Nataxala' 'aumeteetac da mashe ipacchigui 'enauac nam 'aua'axattac co'ollaxa.

Números 33:56

Qaq huaña nache qami' so'oteque dam seuennatega co'ollaxa da so'otec yemayepi.»

Deuteronómio 6:15

cha'aye Ñim Nataxala' maye Qanatamnaxala'ai, qami' huetanguilo. Qaq Ñimaye ỹataqta ca'alaxanaxaic, qataq ishet da qami' dalemataỹalo, nache qami' ilaxachiguilo.

Deuteronómio 17:3

da ca'ata ca laỹe atamnaxala'pi da ỹa'aroto naua l-llecte da natamnot, huo'otaq añi nala', ca'agoxoic, huaqaañipi, maye neto'ot na piguem maye saishet da damaxasoxoolec Ñim Nataxala'.

Deuteronómio 28:15

Qalaxaye da saishet da 'aualaxaguet Ñim Nataxala' maye 'Anatamnaxala', qataq da saishet da 'auo'ot 'enauac na lamaxasoxonaxacpi, qataq na lqataxacpi maye 'am samaxalec nagui da 'auo'ot, nache 'am talec qome 'enauac ne'ena qauem 'anhuaxanaguecpi:

Jueces 2:14

ỹoqo'oye Ñim Nataxala' ỹataqta dalemataỹa so Israel le'ecpi, nache ỹaneguet so cachaxaicpi da yaqto' nhuotta somayepi, qataq so mpa'aguenaxauapi maye maiche lauoreuapi nauec somayepi, nache saishet da dataỹa'aguet.

Jueces 2:20

Qaq ỹoqo'oye Ñim Nataxala' ỹataqta dalemataỹa so Israel le'ecpi, nache 'enapeco': «Ne'ena nhuo' le'ecpi, ỹataqta saỹaỹamaxatapec da ñaỹamaxataxac maye samaxalec co'ollaxa som hua'au lta'alpi, qataq saishet da Aỹem ỹalaxaguet.

1 Samuel 12:25

Qalaxaye da qauacoñiỹa da qauo'oche na qauem, nache qami', qataq ñim qarta'ai nache qoquiỹañi' qome da qami' qailaxachiguilo.

1 Reyes 9:6

Qalaxaye qami' qataq na qaỹa'alquipi da Aỹem qoquiỹa'ai, qataq da saishet da qaualaqaigueta naua ỹamaxasoxonaxaco, qataq naua iqataxaco maye qami' sanema, maye nacherata da qanqo'oñiỹa na ỹaqa'a atamnaxala'pi nache qanatamñiitacot,

1 Reyes 9:7

nache Aỹem, ñeqateeguesop qome na Israel le'ecpi ne'ena 'alhua maye sanem co'ollaxa. Qaq ana'ana atamnaxaqui maye seỹotauga co'ollaxa da yaqto' hueta'a da ỹe'enaxat, qalaq sheca'ai qome, huaña nache na ỹotta'a't shiỹaxauapi ne'eetapigui qome na Israel le'ecpi.

Isaías 24:5

Ana 'alhua qalaq nlaxagui na qauem souaxat nam netalecpi, cha'aye sa ỹalaxaguet nam lapaqtañi nqataxacpi, qataq saishet da ipaguelec na namaxasoxonaxacpi, qataq sa iyacnapec da chochaq tatec aỹamaxataxac.

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.