Josué 23:12 - La'aqtaqa Ñim Lo'onatac 'Enauacna 2013

¹² Cha'aye da qoquiỹa'ai Ñim Lo'onatac 'Enauacna, da qaualliquiiguet na ỹaqa'a shiỹaxauapi maye ñaq qami' netanguilo, qataq qauaroñiiguet namayepi, nache qaualliquiiguet, qataq namayepi qami' ỹaleegueta,

Josué 23:12 Referans Kwoze

Deuteronómio 7:3

Qataq saishet da qauashiñiiguet na qaỹa'alquipi qataq qaỹa'alliipi da huaroneguet na llalaqpi yi'iye shiỹaxauapi,

Sofonías 1:6

Nataqa'en selaxachigui qome nam Aỹem ca'ai, qataq nam saishet da Aỹem nmitaique da Aỹem inat.»

Ezequiel 18:24

Qalaxaye cam no'on da lataxac da ỹaxaañi ca no'on maye ỹo'ottac, nache ỹo'ot 'enauac nam qauempi, qataq nam qaiqaiga maye ỹo'ottac cam qauemaic, nache ¿qaupicheetega peta'a da queta da nca'altauec? Aỹem saishet qome da she'eguelaxa da seuennatega 'enauac nam no'on maye ỹo'otpi co'ollaxa: qaq camaye ileu qome souaxat da saỹalaq, qataq souaxat nam lasouaxashetpi.

1 Juan 2:9

Da huo'o ca 'eetega da nachattaigui na yo'oqchiguiñi, qalaxaye nquiỹatega ca lỹa maye la'amqaanataxanaxaua, nache camaye ỹoqta 'eesa da ñaq huetaigui na lta'araic napalaxa.

Romanos 12:9

Ỹataqta 'eesa qanqa'eñi da qarsoxoyiqui, ñi 'oonolec ỹauotec ca lỹa. Qaumaqỹa'aguet 'enauac na qauem, qataq saishet da qoquiỹa'ai na ỹaỹamaqchiguiñipi.

Juan 6:66

Huaña, nache ỹataqta qalota nam quetague' So Jesús da ỹaxaañi da quegue Somaye.

Mateo 12:45

Ime, nache ỹe'eguelaqtec da ỹe'eguena'alo soua lỹa't siete saqcha'a na'añaxac leguemaxaiqa maye ỹataqta napacaleguete somaye, nache taigui que'eca shiỹaxaua. ¡Huaña, nache que'eca shiỹaxaua ỹataqta ỹactec da aloic, saq 'ena'am so hua'auchiguiñi co'ollaq 'oonolec so netaigui saqcha'a na'añaxac leguemaxaic! Qaq 'era da 'eetec nataqa'en qome ca qaviyeeguet, cha'aye qami' qauemaiqa.

Isaías 1:4

Choxoraicpiolec nam shiỹaxauapi maye 'etaxaloxoicpi, nhuo' le'ecpi maye nlaxagui na lasouaxashetpi, namayepi chegoxoguet so qauemaicpi, ñalaqpi maye lqopitaxat na qauem. Namayepi qaỹoqta naqa'en Ñim Nataxala', qataq ca'ai Ñim Qui'itta Natamnaxala' na Israel le'ecpi.

Salmos 125:5

Qalaxaye nam quetague' so qauem nqa'aic, ñaq 'auasaxauec qome 'Am Nataxala', caueegue' 'anqa'en nam qauemaicpi. ¡Ñaq huo'o qome da nlagaxayec na Israel!

Salmos 36:3

Qataq ỹataqta qauema naua la'aqtaqa qataq shepecaic, cha'aye deqat so no'on ntoonaxac, qataq ỹaxaañi da ỹo'ot da ỹaỹamaqchiguiñi.

1 Reyes 11:4

Qaq co'ollaq mashe ỹa'axaiquiolec so Salomón, nache aso lhuapi ỹashaxanec da lquiyaqteỹaxac, nache taỹa so ỹaqa'a atamnaxala'pi, nache da lquiyaqteỹaxac mashe saishet da 'eesa da ỹalaxaguet Ñim Nataxala', qaq saishet da 'eeta'am so lta'a David.

1 Reyes 11:2

maye Ñim Nataxala', saỹasheneguet co'ollaxa so llalaqpi so Israel le'ecpi, co'ollaq 'eeta': «Saishet qome da qauaroñiiguet anamayepi, qataq anamayepi sa qanashiñiiguet qome da qami' huaronegueta, cha'aye dasheuec qome naqa'en da qarquiyaqteỹaxaqui, nache qanatamñiitacot naqa'en na natamnaxala'pi.» Qalaxaye ñaqaiyeta so Salomón, nqopita'aguet co'ollaxa asomayepi, nache huaroneguet.

Génesis 34:3

Qalaxaye somaye ye ỹataqta nqopita asomaye, nache huo'o da lyaxa da ỹañoxot asomaye da nataqa'en nqopita somaye.

Génesis 2:24

Qaq ỹoqo'oye ca ỹale ca'ai qome ca lta'a qataq aca late'e, da yaqto' lmayaxaua aca lhua, nache caamaye 'eeta'am da 'oonolec shiỹaxaua.

Deuteronómio 7:4

cha'aye yemayepi ỹo'ot qome da na qaỹa'alquipi ca'ai Ñim Nataxala', nache natamnot na laỹe atamnaxala'pi. Qaq huaña qome, nache qami' dalemataỹalo Ñimaye, nache sa ỹaỹaloxon da qami' ilaxachiguilo.

Josué 23:11

Qalaxaye ñi 'oonolec da qoñiita ntela'a qome da maiche nachaalataxac, qataq ỹataqta imauec da qarquiyaqteỹaxaqui da qauauochec Ñim Nataxala' maye Qanatamnaxala'.

Jueces 3:6

Nache so llalaqpi qataq so llalpi so Israel le'ecpi, huaroneguet so llalaqpi qataq aso llalpi se'eso shiỹaxauapi, qataq natamnot so natamnaxala'pi somayepi.

Deuteronómio 6:15

cha'aye Ñim Nataxala' maye Qanatamnaxala'ai, qami' huetanguilo. Qaq Ñimaye ỹataqta ca'alaxanaxaic, qataq ishet da qami' dalemataỹalo, nache qami' ilaxachiguilo.

Jueces 14:3

Qalaxaye soua lta'al 'ena'apo': ¿Peta'a qaca aca 'alo na maiche 'arhuo' le'ecpi, huo'otaq na laỹepi Israel le'ecpi da 'auauotaico' da 'auachegoxotaigui aca 'arhua ye filisteopi maye sa qara'amaqtenaxanaxaua? Nache so Sansón 'enapeco': Qomye asa'aso qa'añole, nachaso aso ỹoqta ñeqopita. Ỹoqo'oye sauotaique da qauquiguiỹaua'a da yaqto' saroneguet asomaye.