Josué 23:11 - La'aqtaqa Ñim Lo'onatac 'Enauacna 2013

¹¹ Qalaxaye ñi 'oonolec da qoñiita ntela'a qome da maiche nachaalataxac, qataq ỹataqta imauec da qarquiyaqteỹaxaqui da qauauochec Ñim Nataxala' maye Qanatamnaxala'.

Josué 23:11 Referans Kwoze

Josué 22:5

Qalaxaye nacherata da qami' seqaaleguete da ỹataqta qaupaquiichiguilo qome 'enauaque naua 'ena'ape naua namaxasoxonaxaco qataq naua nqataxaco, maye qami' ỹanema so Moisés, maye lamaxashec Ñim Nataxala' maye 'eeta': Ỹataqta qauauochec Ñim Nataxala' maye Qanatamnaxala'ai, qataq nache 'eetai' qome da qoquiiteguelo naua lleco Ñimaye, qataq da qaualaqaigueta naua lamaxasoxonaxaco, qaq nacheñita qome da qoquiitegue, qataq ỹataqta qaumachiỹo'ot da qarquiyaqteỹaxaqui, qataq da qanachaalataxaqui da qauo'onataxañiitacot Ñimaye.»

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

Proverbios 4:23

Qataq ỹataqta 'antela'a da 'antoonaxac, cha'aye damaye qaica ca lỹa 'eeta'am, damaye nache chegaqaigui da achaalataxac.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

1 Corintios 16:22

Da huo'o ca saishet da ỹauotec So Qarataxala' Jesucristo, nache Ñim Lo'onatac 'Enauacna talec naqa'en ca qauem. ¡'Am Qarataxala', saqaỹaloq qome da 'añe'eguelaq!

1 Corintios 8:3

Qalaxaye Ñim Lo'onatac 'Enauacna, ỹauattoota 'enauac nam ỹauotec Ñimaye.

Éxodo 20:6

Qalaxaye ỹataqta lta'araic da ỹauotaxanaqtaic ca aỹem ỹauotec qataq ỹalaxaleguete naua iqataxaco, qataq choche tatec da sauotec cam llalaqpi.

Efesios 5:15

Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

Lucas 21:34

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

Deuteronómio 4:15

Qaq se'eso na'a'q co'ollaq qami' detaqtegueto Ñim Nataxala' huetaigui so norec huaña añi qasoxonaxa Horeb, nache saishet da qauauañiichigui da lataxac. Ỹoqo'oye qanchilliỹa'a qome da qanachaalataxaqui,

Josué 23:10

Qaq ca 'oonolec da qoñiita qalaq ishet da datauec naqa'en ca mil alleppi, cha'aye Ñim Nataxala' maye Qanatamnaxala'ai qami' deloctegueleguete, cha'aye maiche la'aqtac co'ollaxa Ñimaye.

Josué 23:12

Cha'aye da qoquiỹa'ai Ñim Lo'onatac 'Enauacna, da qaualliquiiguet na ỹaqa'a shiỹaxauapi maye ñaq qami' netanguilo, qataq qauaroñiiguet namayepi, nache qaualliquiiguet, qataq namayepi qami' ỹaleegueta,

Deuteronómio 30:16

Ỹoqo'oye qami' samaxaleguete nagui da qauauochec qome Ñim Nataxala' maye Qanatamnaxala'ai, qataq qoquiitegue da lataxac da llecỹaxac, qataq qauo'oche na lamaxasoxonaxacpi, qataq na lapaxañi lataxacpi, qataq na lqataxacpi. Yaqto' qanca'alleetauec qome qataq qami' nquictrauec, nache Ñim Nataxala' maye Qanatamnaxala'ai, qami' ỹanema da lchoxonnataxanaxa qom qaunoxoñiiua'a ye 'alhua maye qaralamaxache qome.

Deuteronómio 30:20

qataq qauauochec qome Ñim Nataxala' maye Qanatamnaxala'ai, qataq ỹataqta qaualaqaiguet, cha'aye nacheñi Ñim chegoqchigui da qanachaalataxaqui, qataq da qaỹoqtec qome naqa'en da qoñiitalec ye 'alhua maye ỹachaxanapecot co'ollaxa da ỹanem soua hua'au' qarta'alli', Abraham, Isaac qataq Jacob.