Josué 23:10 - La'aqtaqa Ñim Lo'onatac 'Enauacna 2013

¹⁰ Qaq ca 'oonolec da qoñiita qalaq ishet da datauec naqa'en ca mil alleppi, cha'aye Ñim Nataxala' maye Qanatamnaxala'ai qami' deloctegueleguete, cha'aye maiche la'aqtac co'ollaxa Ñimaye.

Josué 23:10 Referans Kwoze

Deuteronómio 32:30

¿Ca 'eeteco' ca 'oonolec ỹale da ỹo'orauec ca mil alleppi? ¿Huo'otaq caua dos ỹale't da datauec naqa'en ca diez mil alleppi? ¡Da saishet da nacheñi Ñim Nataxala' da ỹaneguet namayepi ca mpa'aguenaxauapi!

Levítico 26:8

Qaq caua cinco da qoñiita, nache datauec naqa'en ca cien, qaq ca cien da qoñiita, nache datauec naqa'en ca diez mil. Nache ca qami' ipa'agueetacpi iqallem qome ca qaro'ogoxonaxache da qami' dataỹa'agueta.

Deuteronómio 3:22

Qaq saishet qome da 'aye'etega yemayepi, cha'aye Ñim Nataxala' maye Qanatamnaxala'ai maiche qami' delocleguete qome.»

Éxodo 14:14

Qaq qami' qavi'imaqaitac qome, cha'aye Ñim Nataxala' maiche qami' delocleguete.»

Salmos 35:1

'Am Nataxala', ñaq 'auataỹa'aguet qome na aỹem dataỹa'aguetpi, ñaq 'aulogui' na aỹem iloquiaxaatacpi.

Deuteronómio 20:4

Cha'aye Ñim Nataxala' maye Qanatamnaxala'ai, qami' hueta'agueta, qataq Ñimaye maiche delogui' na qami' ipa'agueeta'ape, nache qami' ỹanema da qoroxoñiqui namayepi.

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Salmos 46:7

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Josué 23:3

Qaq qami' qauauañiichigui 'enauac nam qami' ỹo'oteque Ñim Nataxala' maye Qanatamnaxala'ai, qataq da 'eetec naqa'en na ỹotta'a't shiỹaxauapi, cha'aye Ñimaye nacheñi Ñim qami' deloctapegueleguete.

1 Samuel 14:6

Nache so Jonatán 'enapega so ltaua, 'eeta': Qolaq qome, saxatague da le'ego, nache sevirqa'ata ye lanataqa' ye sa qara'amaqtenaxanaxauapi. Cha'aye Ñim Nataxala' yo'oqta da qomi' itaua'n, cha'aye Ñimaye qaica naqa'en ca lqalaic da ñauegaq na qampa'aguenaxauapi, na'aictaxa da ỹataqta qalota, huo'otaq saq 'amaqtaq.

Josué 10:42

Nache ỹacona so na'alhuapi somayepi, cha'aye Ñim Nataxala' maye Natamnaxala' na Israel le'ecpi deloctapeguelec namayepi.

Jueces 15:15

Huaña nache ila'a so 'ashena lanoc maye saxanaxa da daqaqta, huetaña ye qanayeuta'a. Qaq nacheso so irolec da ỹalauat so mil filisteopi.

2 Samuel 23:8

Qaq 'enaua naua le'enaqa'ate soua ỹataqta 'añaxaiqa, som nalleppi so David: Isboset, maye hacmoniita, nacheso so hua'auchiguiñi se'esoua tres maye ỹataqta 'añaxaiqa. Qaq huo'o so na'a'q, nache somaye ỹalauat so ochocientos ỹalleppi, irota'a aso lataquiaxai.

Jueces 3:31

Qaq so nmeneguet co'ollaxa so Aod, le'enaxat Samgar, som llalec so Anat. Somaye ỹalauat so seiscientos filisteopi, irota'a aso logorai na'araxanaqte maye lo'o da qaỹo'orelec na nauegaxanaxala'pi huacapi. Nache so Samgar nataqa'en nca'alaxatec co'ollaxa so Israel le'ecpi.

Deuteronómio 20:3

Nache 'eeta': Qami' Israel le'ecpi, ña qana'axaỹaxañiichiguiñi ne'ena na'a'q, cha'aye mashe yaqta'a da qaunoxoñiiua'a da qanalaache' na qampa'aguenaxauaipi. Qaq saishet qome da leuapigui ye qarville, qataq saishet da qayi'iitac, qataq saishet da qauqalviitac, qataq saishet da qami' iviloxolaqche't da qarcolanaqai.

Deuteronómio 28:7

Qataq Ñim Nataxala' 'am ỹanem qome da 'oxonec ca 'ampa'aguenaxauapi da 'am iloquiaxan, na'aictaxa da nalochiguiñi camayepi da 'am naỹa, qalaxaye da datauec nache ỹataqta nlagaxattac.

Deuteronómio 32:20

nache, 'eeta': Aỹem sero'oguet qome na ilaq namayepi, ¡qaq chaq hua'ague qome ca dataigue! Ye ỹataqta 'eesa da qauemaicpi ne'ena shiỹaxauapi, ñalaqpi maye saishet da qaipi'iỹa'a.

Josué 23:11

Qalaxaye ñi 'oonolec da qoñiita ntela'a qome da maiche nachaalataxac, qataq ỹataqta imauec da qarquiyaqteỹaxaqui da qauauochec Ñim Nataxala' maye Qanatamnaxala'.

1 Crónicas 5:22

Qaq ỹataqta qalota so ileu npa'aguenaxauapi, cha'aye Ñim Lo'onatac 'Enauacna, hueta'aguet somayepi. Qaq somayepi nache nalec se'eso 'alhua, choche ivitta'a co'ollaq noxonecpi qataq qaỹauega so lỹa 'alhua.

Isaías 30:17

Qataq souaxat da larenaxanaxac ca 'oonolec shiỹaxaua, nache mil qome cam datauec da qoñiita, qataq souaxat da larenaxanaxa'c caua cinco nache 'enauac qami' da qauataiuec qome, choche ivitta'a da qoñeeta'am aca 'oonole qo'oipaq, maye netalec aca qasoxonaxa huo'otaq aca na'anaxanaqte maye netalec ca qaỹoqotcheguemec 'alhua.

Zacarías 12:8

Aỹem Nataxala', ñepaxattalec qome na hueta'a na Jerusalén. Qaq nam ỹataqta qaica ca la'añaxac namayepi, qalaq 'eeta'am qome so David da la'añaxac, qaq nam chegoxoguetpi so David, qalaq 'eeta'am qome Ñim Lo'onatac 'Enauacna, qataq 'eeta'am ca lamaxashec Ñim Nataxala' da hua'auta'ague da tata'ague namayepi.

Levítico 26:7

Qataq qami' dataueguesopa ca qami' ipa'agueeta'ape, qataq iqallem ca qaro'ogoxonaxache da qami' dataỹa'agueta.

1 Crónicas 5:20

qalaxaye Ñim Lo'onatac 'Enauacna, itauan somayepi, nache loxonec so agareenopi qataq so ltauapi, cha'aye co'ollaq huaigui so alaataxac, nache iỹaxanot Ñim Lo'onatac 'Enauacna da yaqto' itauan somayepi, nache Ñimaye itauan, cha'aye somayepi ỹoqta pi'iỹa'a Ñimaye.