Josué 23:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe qaỹoqtegue da Ñim Nataxala', ỹanem da lactapiguiñi so Israel le'ecpi, qataq so Josúe mashe ỹa'axaiquiolec co'ollaxa,

Josué 23:1 Referans Kwoze

Josué 13:1

Qaq co'ollaq mashe ỹa'axaiquiolec so Josué, nache Ñim Nataxala' 'enapega somaye, 'eeta': «'Am, mashe 'am ỹa'axaiquiolec, qalaxaye ñaq qalota na no'onañi 'alhuapi maye ñaq saxanaxa da qaiuotaxanec.

Josué 21:44

Nache Ñim Nataxala' ipacchigui so ỹan la'aqtac maye ỹachaxanapeguem co'ollaxa so hua'au lta'alpi somayepi. Huaña, nache huo'o da nlagaxayec 'enauac se'eso 'alhuapi maye qanayeetalec. Nache so mpa'aguenaxauapi na Israel le'ecpi, saishet da ỹañoxot da dataỹa'aguet somayepi, cha'aye Ñim Nataxala' ỹanem da loxonec co'ollaxa somayepi.

Josué 11:23

Qaq 'era da 'eetec co'ollaxa so Josué da deuotaxanec 'enauac se'eso 'alhuapi, qaq nache ipacchigui 'enauac na la'aqtacpi Ñim Nataxala' maye ỹamaxalec co'ollaxa so Moisés. Huaña nache somaye ỹami' ñi 'oonolec na maiche nhuo' Israel le'ecpi, da yaqto' lalamaxat lma' se'eso 'alhua. Qaq co'ollaq ime nache huo'o da nlagaxayec yi'iye 'alhua.

Salmos 46:9

Ñimaye vi'iiguet naqa'en da alaataxac, ivira'a na alaataxac maye huañalo naua loga'te ana 'alhua, qataq huacaigui naqa'en na nchecnecpi qataq ana taquiaxaipi, qataq ỹasaxangui na norec ana naigonapi.

Josué 22:4

Qaq nagui Ñimaye ipacchigui da ỹan la'aqtac co'ollaxa, qataq nam qarqaỹaipi mashe huo'o da l-lagaxayec, qaq ỹoqo'oye nagui qavi'iguelaqaiỹalo qome naua qaranataqa'achilli' qataq ye qana'alhuai maye pa'aỹa'ague da yo'oxoñi so tala Jordán, maye qami' ỹanema co'ollaxa so Moisés, maye lamaxashec Ñim Nataxala'.

Deuteronómio 31:2

«Aỹem mashe sevi' naua ciento veinte vi'iye, qataq mashe qaica ca ỹa'añaxac da sequeuotapigui' qataq da shecto'ot da aỹem qarataxala'ai. Qataq Ñim Nataxala', mashe aỹem icoyegueetac da saishet qome da sevira'a da sa'axasoxoolec ye tala Jordán.

Génesis 25:8

qaq somaye choche ilem da lqueroxo, co'ollaq mashe ỹataqta ỹa'axaiquiolec. Qaq huaña, nache ỹalegoigui som hua'au lta'alpi.

Isaías 63:14

qataq 'eeta'am ca nlopi da tangui ca ca'amegue?» Qaq so Saqcha'a la'añaxac Ñim Nataxala' ilotague' co'ollaxa somayepi. Qaq 'era da 'eetec da ỹauectac so nhuo' le'ecpi, nache ivira'a da huo'o da la'amaqchec qataq da llo'oxoyec.

1 Samuel 12:2

Qaq nagui 'iñi ñim nta'a maye qami' ilo'oguelo qome. Aỹem qalaxaye, mashe aỹem ỹa'axaiquiolec, qataq mashe ỹapagaq na iqaic, qaq naua ỹalqa nache qami' ỹalectaiguilo. Qaq aỹem qami' selotegueto co'ollaxa chegoqchiguiña so ñaq aỹem nsoqolec, nache ivitta'a nagui,

1 Reyes 1:1

Qaq so nta'a David co'ollaq mashe ivita da lqueroxo, qataq mashe qaỹoqteguelo naua vi'iye da nachaalataxac, nache qalapootalec naxa na lapo', qalaxaye saishet da qaỹañoxot da dapaqa qanqa'en na lo'oc.

1 Crónicas 23:25

Cha'aye so David, 'enapeco': «Ñim Nataxala' maye Natamnaxala' na Israel le'ecpi, ỹanem da l-lagaxayec nam lalamaxat nhuo' Israel le'ecpi, qaq Ñimaye lca'ateua'a ye Jerusalén da nache 'eetai' da hueta'a.

1 Crónicas 27:1

Qaq 'ana ana le'enaxat lmalate so Israel le'ecpi, nache ỹataqtac so lataxala'pi so ñalaqpi, qataq so lataxala'pi so mil, qataq so cien alleppi, qataq so 'amaqtaqaic nataxala'pi maye lamaxashecpi so nta'a da yaqto' huapegue' da icolaxachigui so alleppi, da yaqto' nmeeta'a't da do'onataxan ye 'oonolec ca'agoxoic, maye huaigui ye 'oonolec vi'i. Qaq ñi 'oonolec som qaiỹottecache, ivi' veinticuatro mil ỹalleppi.

2 Crónicas 14:1

Qaq co'ollaq ileu so Abías, nache qailareña so huaqta'a't nỹecpi maye lalamaxat so David. Ime, nache so llalec Asa, talec da lo'onataxanaxac somaye da nta'a. Qaq co'ollaq do'onataxaatac somaye nache yi'iye 'alhua, huo'o da nlagaxayec soua diez vi'iye.

2 Crónicas 14:5

Qataq nlaxaañi 'enauac so atamnaqa'pi maye naña 'enauac se'eso huaqta'a't nỹecpi maye ỹotta'a't naua nañalo ye Judá, qataq som naña som qaỹoqotcheguema atamnaqa'pi. Qaq nache ỹataqta huo'o da nlagaxayec co'ollaq do'onataxaatac somaye.

2 Crónicas 20:30

Qaq ỹoqo'oye da lo'onataxanaxac so Josafat, ỹataqta huo'o da nlagaxayec, cha'aye Ñim Lo'onatac 'Enauacna ỹanem da qaica cara somaye, qataq da nhuoteete' so shiỹaxauapi maye lauoreuapi.