Josué 22:9 - La'aqtaqa Ñim Lo'onatac 'Enauacna 2013

⁹ Qaq 'era da 'eetec co'ollaxa so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, da ca'ai so laỹepi Israel le'ecpi co'ollaq huaña ye Silo, maye huaigui ye 'alhua Canaán, da yaqto' ỹe'eguelaxa so maiche lalamaxat na'alhua maye huaigui ye Galaad, nache qaipacchigui da lamaxasoxonaxac Ñim Nataxala', maye chegoqchigui naqa'en co'ollaxa so Moisés.

Josué 22:9 Referans Kwoze

Números 32:29

Da 'enauac na ỹalleppi, na maiche nalamaxat nhuo' le'ecpi maye chegoxoguet so Rubén qataq so Gad, da ỹa'axasoxoolec ye tala Jordán qataq na'achigui na lo'ogoxonaxat da nalat da deuotaxanec ye 'alhua maye qami' ỹamaxaleguete Ñim Nataxala', nache qami' qaỹa'añim qome yi'iye 'alhua Galaad da lalamaxat qanqa'eñi namayepi.

Números 32:26

Qaq ana qarhuapi, qataq qoyalaqpi maye ñaq ñaqpiolec, qataq na qana'atetpi, qataq 'enauac na qarelo shiguiỹacpi, nache no'onaña ne'ena huaqta'a't nỹecpi na Galaad,

Números 32:1

Qaq so maiche nhuo' le'ecpi maye chegoxoguet so Rubén qataq so Gad, qalota co'ollaxa so na'atetpi, qaq co'ollaq ila'a da 'onaxaic ye 'alhua Jazer qataq ye Galaad, da taiguet da netaña na 'atetpi,

Salmos 60:7

Ye Galaad qataq Manasés yeemaye ỹalamaqa'ate, qaq ye Efraín 'eeta'am aca aro'o maye ỹapotalec na iqaic. Qaq ye Judá qalaq 'eeta'am ca ñepon da samaxasoxonapec.

Josué 13:31

Qataq ye laỹe ye 'alhua Galaad, qataq so huaqta'a't nỹecpi maye ỹotta'a't naua nañalo ye Astarot, qataq ye Edrey. Qaq 'enauac se'eso 'alhuapi taỹot som laỹe so maiche nhuo' le'ecpi maye chegoxoguetpi so Maquir, som llalec so Manasés, nache qanaloqchiichigui ye lcata so lalamaxat llalaqpi somayepi.

Josué 13:25

Nache somayepi taalec ye Jazer, qataq 'enauac so huaqta'a't nỹecpi maye ỹotta'a't naua nañalo ye Galaad, qataq so laỹe som na'alhua co'ollaxa so amoniitapi, nache ivitta'a so huaqta'a't nỹecpi ye Aroer, maye datatta ye Rabá,

Josué 13:11

Nataqa'en taalec da qoỹanem ye Galaad, qataq ye na'alhua so guesureopi qataq so maacateopi, qataq añi qasoxonaxa Hermón qataq 'enauac ye 'alhua ye Basán, nache ivitta'a ye Salca.

Josué 22:10

Qaq so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, co'ollaq ivita so tala Jordán, co'ollaq ñaq netaigui ye 'alhua Canaán, nache somayepi nauaxaỹaxaasheguem co'ollaxa aso nca'atoxonaxalate naña naqa'en ye loigue so tala.

Jueces 5:17

Qaq so Galaad le'ecpi qalaq nache netaña ye le'ego so tala Jordán, Qaq so Dan le'ecpi qalaq nache huaqta'ai' aso notaxaquipi da qanayiguingui na 'etaxat, qaq so Aser le'ecpi qalaq nache hueto'ot na loigue aso auaxai, nache saishet da ca'ai so llegaxasompi aso nnotaxaquipi.

2 Samuel 2:9

qaq huaña yemaye co'ollaxa da ỹanagui da lta'a so netaña ye, Galaad, Guesuri, Jezrel, Efraín, Benjamín qataq 'enauac ye Israel.

1 Crónicas 5:9

Qataq hueta'a yem pa'aỹa'ague da nala' lliguisheguem nache ivitta'a so loigue ye toolec 'alhua maye chegoqchiguiña so tala Éufrates, cha'aye som na'atetpi ỹataqta nquictauec da qalota co'ollaq hueta'a ye Galaad.

Números 32:20

Nache so Moisés, 'eeta': Da ỹoqta 'eesa da qaupaquiichigui da qara'aqtaqui, qataq qana'achiigui na qaro'ogoxonaxache da qaualaqaiguet da lamaxasoxonaxac Ñim Nataxala',

Números 32:22

qataq da mashe ỹacona yi'iye 'alhua, qaq huaña nache ishet da qañe'eguelaqai. Cha'aye mashe ime da qaualaqaiguet Ñim Nataxala' qataq da qautauañi na Israel le'ecpi, nache ne'ena 'alhua qaralamaxache qami' ỹanema Ñim Nataxala'.

Deuteronómio 3:18

Qaq se'eso na'a'q qami' sanema co'ollaxa de'era ỹamaxasoxonaxac, 'eeta': «Ñim Nataxala' maye Qanatamnaxala'ai, qami' ỹanema ne'ena 'alhua da yaqto' qaralamaxache. Qaq na ỹalleppi maye ỹaỹaten da nalaataxac, nache hua'auta'ague qome da llec na lqaỹañecpi da taitague da le'ego.

Deuteronómio 3:20

Qaq nache qaica qome ca ñe'eguelaq da ñaq saxanaxa da nalec yi'iye 'alhua na qarqaỹaipi, da yaqto' machiguiñi, 'eeta'ama qami', qom nalec yi'iye 'alhua maye pa'aỹa'atague da le'ego ye tala Jordán, maye ỹanem qome Ñim Lo'onatac 'Enauacna.»

Deuteronómio 34:1

So Moisés chegoqchiguiña co'ollaxa ye toolec 'alhua ye Moab da tasheguema añi qasoxonaxa Nebo, nache ivittasheguema na pa'asheguem añi qasoxonaxa Pisga maye nalotta ye Jericó. Qaq nache huaña co'ollaxa da Ñim Nataxala' ỹallelec naqa'en 'enauac ye 'alhua ye Galaad, ivitta'a ye na'alhua so Dan,

Jueces 20:1

Huaña nache 'enauac so Israel le'ecpi, chegoqchiguiña ye Dan nache ivitta'a ye Berseba qataq ye Galaad da 'eeta'am ca 'oonolec shiỹaxaua da anac da laỹona't huaña ye Mispá, ỹauaachigui Ñim Nataxala'.