Josué 22:6 - La'aqtaqa Ñim Lo'onatac 'Enauacna 2013

⁶ Qaq co'ollaq ime de'era, nache so Josué, ỹanem da lqouagaxanaqtaic somayepi, huaña nache nquine', nache somayepi ỹe'eguelaxa so lma'pi.

Josué 22:6 Referans Kwoze

Josué 14:13

Qaq huaña, nache so Josué talec naqa'en da no'on la'aqtac so Caleb. Ime, nache ỹanem co'ollaxa ye 'alhua Hebrón, da yaqto' ỹataqta lalamaxat naqa'en somaye qataq so llalaqpi.

Lucas 24:50

Nache So Jesús nqateeguesop soomaye ye Jerusalén da ỹauega ye Betania. Huaña yemaye, nache ỹachaxaayishegue'm naua lhua'q da ỹaalec da no'on la'aqtac soomaye.

2 Samuel 6:18

Qaq co'ollaq ime da ỹaneuo aso lachetaqtaxanaqte qaỹavigaxatta, qataq aso qanhuaachigui, nache somaye ỹanem da nchoxonnataguec so nhuo' le'ecpi chegoqchigui naqa'en da le'enaxat Ñim Lo'onatac 'Enauacna maye Qaica ca Ỹaqalanapec.

Éxodo 39:43

qaq so Moisés co'ollaq ila'a de'era 'eetec somayepi, da ipaqueelec da lamaxasoxonaxac Ñim Nataxala', nache ỹanem da no'on llecỹaxac somayepi.

Génesis 47:7

Qaq so José nataqa'en ỹauegueuo co'ollaxa so lta'a Jacob, da yaqto' nauane' naqa'en so faraón. Qaq so Jacob co'ollaq iquin so faraón, nache ỹataqta huo'o naq 'enec naqa'en.

Lucas 2:34

Nache so Simeón ỹan da no'on la'aqtac. Ime, nache 'enapega aso María asom late'e So Jesús, 'eeta': –Ñim Lo'onatac 'Enauacna namaq ne'ena nogotolec da yaqto' qalota na nca'alec na Israel le'ecpi, qaq ca laỹepi na Israel le'ecpi qalaq huo'o ca nhuaxanaguec. Ñim Lo'onatac 'Enauacna namaq namaye da yaqto' qaỹaỹateeteguet da 'eetapeguec Ñimaye, qalaxaye qalota qome na dataỹa'aguet.

2 Crónicas 30:18

Cha'aye ỹataqta qalota som shiỹaxauapi lma' ye Efraín, Manasés, Isacar qataq Zabulón, som ỹalectaua'a so nquia'axac maye huaigui so Lapascua, qalaxaye saishet da ipactelec da nanettañi lataxac, cha'aye saishet da nqui'itaxat. Qalaxaye so Ezequías, natameelec somayepi, 'eeta': «'Am Nataxala', maye 'am choxonnataxanaxaic, 'auchoxoren qome nam ỹataqta huesota da lquiyaqteỹaxac maye 'am nmittaique,

2 Samuel 6:20

Qaq so David nataqa'en ỹe'eguelaxa so lma' da yaqto' ỹanem nataqa'en da nchoxonnataguec so llalaqpi, qaq aso Mical, asom llale so Saúl, ca'ata'aguet co'ollaxa so David, nache 'eeta': «¡Ỹataqta sa no'onolec nagui dam huaigui na nta'a na Israel, ye nqa't naua alogo da nachaxana 'enauac ana l-latapi na lamaxashecpi, qaica ca la'agaxa 'eeta'am ca choche shiỹaxauatto!»

1 Samuel 2:20

Nache so Elí ỹanem naxa so Elcana, qataq aso lhua da nqouagaqa', 'eeta': «Ñim Nataxala' 'am ỹanem qome ca laỹe 'aỹa'alaqpi chegoqchigui ara'ara 'alo, nmeneguet naqa'en da llalec maye ỹanot Ñimaye da yaqto' do'onataxanot.» Huaña naxa nache soomaye ỹe'eguelaxara so lma't.

Génesis 47:10

Qaq co'ollaq ime de'era, nache so Jacob ncoyeguene' so faraón, nache jec.

Génesis 14:19

nache ỹanem so Abram da no'on la'aqtac maye, 'eeta': «Ñim Lo'onatac 'Enauacna, maye Nataỹaña 'enauacna, ñim ỹo'ot co'ollaxa na piguem qataq ana 'alhua, 'am ỹanem qome ca lchoxonnataxanaxa,

Josué 24:28

Qaq co'ollaq ime 'enauac de'era, nache so Josué nquine' se'eso nhuo' le'ecpi, nache ñi 'oonolec somayepi taỹa so maiche lalamaxat na'alhua.

1 Samuel 10:25

Nache so Samuel ỹataqta da'aqtaxaatem so shiỹaxauapi nam lataxacpi de'era lo'onataxanaxac ca nta'a, nache ỹerelec aso nere, ime qaq ỹaỹamaxat asomaye, ỹachaigui aso atamnaxaqui maye lalamaqte Ñim Nataxala'. Qaq co'ollaq ime de'era, nache so Samuel 'enapega 'enauac somayepi da ỹe'eguelaxalo naua lma'ate.

1 Samuel 13:2

nache lca'aua'a so tres mil alleppi Israel le'ecpi. Qaq so dos mil nache no'ona'aguet somaye co'ollaq huaña ye Micmas, qataq aye qasoxonaxapi maye naña ye Betel, qaq so mil maye laỹepi somayepi, nache no'ona'aguet so Jonatán, maye hueta'a ye Gabaa maye lma' so Benjamín. Qaq som ỹacauec shiỹaxauapi, so Saúl ỹamaq da ỹe'eguelaxaua'alo soua lma'ate.

2 Samuel 6:19

Ime, nache 'enauac somayepi da ỹanem ñi 'oonolec aso 'oonole nauole 'ayiiña, qataq na laỹe so lapat, qataq aso nqaxaỹaqta ala ana uva. Qaq co'ollaq imeta somayepi nache 'enauac da ỹe'eguelaxalo soua lma'ate.

1 Reyes 8:66

Qaq co'ollaq ivilde'c soua na'axa'te maye huaiguilo se'eso naponaxac, nache so lỹa na'a'q, so nta'a ncoyeguene' co'ollaxa 'enauac so shiỹaxauapi, nache somayepi ỹasaxalec so no'on la'aqtac so nta'a. Ime, nache taỹalo naua lma'ate, machiguiñi da lquiyaqteỹaxac, qataq ỹataqta huo'o da ntonaxac, souaxat Ñim Nataxala' ỹo'otec da ỹaỹamaqchiguiñi so lamaxashec David, qataq na lalamaxat nhuo' Israel le'ecpi.