Josué 22:4 - La'aqtaqa Ñim Lo'onatac 'Enauacna 2013

⁴ Qaq nagui Ñimaye ipacchigui da ỹan la'aqtac co'ollaxa, qataq nam qarqaỹaipi mashe huo'o da l-lagaxayec, qaq ỹoqo'oye nagui qavi'iguelaqaiỹalo qome naua qaranataqa'achilli' qataq ye qana'alhuai maye pa'aỹa'ague da yo'oxoñi so tala Jordán, maye qami' ỹanema co'ollaxa so Moisés, maye lamaxashec Ñim Nataxala'.

Josué 22:4 Referans Kwoze

Josué 13:8

Qaq som nalamaxat nhuo' le'ecpi maye chegoxoguetpi so Rubén qataq so Gad, qataq so laỹe som chegoxoguetpi so Manasés, somayepi mashe huo'o so na'alhua cha'aye so Moisés mashe ỹanem co'ollaxa somayepi, maye pa'aỹa'ague da nala' lliguisheguem so Jordán.

Números 32:18

Qataq saishet qome da ñe'eguelaxasaxalo naua qarma'te ivitta'a da 'enauac na Israel le'ecpi nalec na na'alhuapi.

Deuteronómio 3:20

Qaq nache qaica qome ca ñe'eguelaq da ñaq saxanaxa da nalec yi'iye 'alhua na qarqaỹaipi, da yaqto' machiguiñi, 'eeta'ama qami', qom nalec yi'iye 'alhua maye pa'aỹa'atague da le'ego ye tala Jordán, maye ỹanem qome Ñim Lo'onatac 'Enauacna.»

Josué 13:15

Qaq so Moisés ỹanem co'ollaxa so na'alhua so maiche nhuo' le'ecpi maye chegoxoguetpi so Rubén, nache naloqchiichigui ye lcata so maiche lalamaxat llalaqpi somayepi.

Deuteronómio 29:8

Nache saconaxa co'ollaxa ye na'alhua, nache sanaxam so chegoxoguetpi so Rubén, qataq so Gad, qataq so laỹepi maiche nhuo' le'ecpi maye chegoxoguet so Manasés da yaqto' lalamaxat.

Deuteronómio 12:9

cha'aye ñaq saxanaxa da qaunoxoñiiua yi'iye qanmataqa'ai, maye qami' ỹanema qome Ñim Nataxala' maye Qanatamnaxala'ai.

Hebreos 4:8

Cha'aye so Josué taxa da ỹañoxot so Israel le'ecpi da nmataxanec qataq da huo'o da l-lagaxayec qataq da lle'emaxayec, nache Ñim Lo'onatac 'Enauacna saishettaxa da qaltaq detaxaỹa da ỹan ca lỹa ndaqa'.

Éxodo 33:14

Nache Ñim Lo'onatac 'Enauacna, 'enapeco': «Aỹem, 'am soota'aguet qome qataq 'am sami' ca 'anmataxac».

Josué 1:15

ivitta'a da Ñim Nataxala' ỹanem nataqa'en namayepi ca nmataqa', 'eeta'ama qami' da mashe qami' ỹanema, qataq ivitta'a da ỹataqta lalamaxat namayepi yi'iye 'alhua maye Ñim Nataxala' ỹanem qome namayepi. Huaña qome nache ishet da qañi'iguelaqaita na qana'alhuai maye mpa'aỹa'ague na nala' lliguisheguem ye tala Jordán, da yaqto' nache qoñiỹalec ne'ena 'alhua maye qami' ỹanema co'ollaxa so Moisés, som lamaxashec Ñim Nataxala'.»

Josué 22:3

Qaq nache 'enauaque se'esoua na'axa'te da saishet da qaualache na qarqaỹaipi, nache ivitta'a nagui, qataq ỹataqta qaupaquiichigui da qaualaqaiguet 'enauac na lamaxasoxonaxacpi Ñim Nataxala' maye Qanatamnaxala'ai.

Josué 12:6

So Moisés qataq so Israel le'ecpi loxonqa co'ollaxa se'esoua nta'al, ỹoqo'oye so Moisés ỹanem co'ollaxa se'eso 'alhuapi so maiche nhuo' le'ecpi maye chegoxoguet so Rubén qataq so Gad, qataq so laỹe som maiche nhuo' le'ecpi maye chegoxoguet so Manasés.

1 Crónicas 22:18

«Ñim Nataxala' maye Qanatamnaxala'ai qami' hueta'agueta, nache qami' ỹanema co'ollaxa da nlagaxayec 'enauac nam qoviita'alo, qataq aỹem ỹanem da selo'ogue 'enauac nam netalec ne'ena 'alhua, qaq namayepi nache huetalec da lamaxasoxonaxac Ñimaye qataq nam lalamaxat nhuo' le'ecpi.