Josué 22:16 - La'aqtaqa Ñim Lo'onatac 'Enauacna 2013

¹⁶ «'Enauac na nhuo' le'ecpi maye lalamaxat Ñim Nataxala' denataxaatac, 'eeta': ‹¿Ta'ainec da qauatenachichi Ñim Natamnaxala' na Israel le'ecpi? ¿Ta'ainco' da qaỹa'axañiiuec Ñimaye, da qanauaxaỹaxañiisheguem añi nca'atoxonaxalate da yaqto' qauataiỹa'aguet Ñim Nataxala'?

Josué 22:16 Referans Kwoze

Josué 22:11

Nache som laỹepi Israel le'ecpi, la'axaỹaxac co'ollaxa da so maiche nhuo' le'ecpi maye chegoxoguetpi so Rubén, Gad qataq so laỹe so maiche nhuo' le'ecpi maye chegoxoguetpi so Manasés, nauaxaỹaxaasheguem co'ollaxa aso nca'atoxonaxalate, huaña so loigue so Jordán maye sa qaỹapeque yem loga't ye 'alhua Canaán, maye na'alhua so Israel le'ecpi,

Josué 22:15

Nache 'enauac somayepi da nqo'ona ye Galaad, maye netaña so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, nache 'eeta':

1 Samuel 15:11

«Ỹataqta huo'o da ñetogotaxac da sanagui da nta'a ñi Saúl, cha'aye ñimaye aỹem ca'ai qataq saỹalaxaguet na ỹamaxasoxonaxacpi.» Nache so Samuel ỹataqta qaica ca lamaic, nache imauec se'eso pe da nqouagaxaueetacot Ñim Nataxala'.

Esdras 8:22

Cha'aye ỹataqta huo'o caillaye da icoxo da seỹaxanot ñi nta'a da ỹauo'o ca qomi' namaxaguelo nalleppi, maye huota'a lalopi caipi da qomi' nauanaleguete na qanqa'aic souaxat na qampa'aguenaxauapi. Cha'aye mashe sa'aqtaxanaxam ñi nta'a da lhuaqỹaxac Ñim Qatamnaxala' da npaxattalec ca pi'iỹa'a Ñimaye, qalaxaye da huo'otaq huo'o ca ỹaxanec Ñimaye, nache maiche nque'etaxangui ca nhuaxanaguec.

Levítico 17:8

Nataqa'en qonapega, na Israel le'ecpi qataq na chegaqauecpi maye qami' netaiguilo, da huo'o ca ỹaneuo ca lachetaqtaxanaxat maye qaỹavigaxatta, huo'otaq ca lỹa lachetaqtaxanaxat,

Números 32:15

Qalaxaye qami' da qoquiỹa'ai Ñim Nataxala', nache Ñimaye ỹo'ot qome da nache netalec ne'ena toolec 'alhua na Israel le'ecpi, nache qami' qarasouaxashichi qome da qailaxachigui namayepi.

Deuteronómio 12:11

Nache cam nanataqa' maye lca'ateua'a Ñim Nataxala' da yaqto' huaña da qanauane' Ñimaye, nacheca qome ca qaroiua'a 'enauac na qami' samaxaleguete: nachetaqtaxanaxat qaỹavigaxatta, nachetaqtaxanaxat shiguiỹac, qataq ana diezmopi, qataq aca nachetaqtaxanaqte maye chegaqaigui da qaro'onataxanaxaqui, qataq aca qauachaxañiỹapec da qaỹa'añiỹot Ñim Nataxala'.