Josué 22:11 - La'aqtaqa Ñim Lo'onatac 'Enauacna 2013

¹¹ Nache som laỹepi Israel le'ecpi, la'axaỹaxac co'ollaxa da so maiche nhuo' le'ecpi maye chegoxoguetpi so Rubén, Gad qataq so laỹe so maiche nhuo' le'ecpi maye chegoxoguetpi so Manasés, nauaxaỹaxaasheguem co'ollaxa aso nca'atoxonaxalate, huaña so loigue so Jordán maye sa qaỹapeque yem loga't ye 'alhua Canaán, maye na'alhua so Israel le'ecpi,

Josué 22:11 Referans Kwoze

Juan 1:28

Qaq 'enauac de'era huaña ye nỹecpi ye Betania, maye pa'aigue da nala' lliguisheguem ye tala Jordán, yem huaña co'ollaq dachelaxanataxaatac so Juan.

Josué 2:7

Nache so nalleppi so nta'a icaaleguete soomaye, tateuga so nqa'aic maye taỹaxaama so tala Jordán, nache ivittaxaama so ñeguetapi da qotaitague da le'ego. Qaq co'ollaq chochaq inoxonec so alleppi, nache qaỹapogui so lasom so npaqtaxanaxat.

Juan 20:12

Nache ila'alo soua dos namaxa'she piguem lashe' lapagaxaiqa naua alogo, nso'ootraña som qaỹachaña co'ollaxa So Jesús. So 'oonolec soomaye nso'ootaña so na'axanaqa', qaq so lỹa neta'ague da nchennaqa'.

Juan 20:1

Qaq som la'auaxanec na'a'q naua na'axa'te, nache aso María maye lma' ye Magdala, asomaye tauga aso huachiqui co'ollaq nte'etom, co'ollaq ñaq napaltañi, qaq co'ollaq mashe saqaỹapeque aso huachiqui, nache asomaye ila'a da so coma' maye lapoxot asomaye da mashe qanqat.

Jueces 12:5

Qaq so Galaad le'ecpi nqo'ona co'ollaxa da nauan som ñeguetapi da qotaitague da le'ego so Jordán maye lalamaxat som chegoxoguetpi so Efraín. Nache naxa som chegoxoguetpi so Efraín maye naneltaxaatac da huotaique da ỹa'axasoxoolec som ñeguetapi, nache somayepi inat, da Efraín le'ec. Qaq da 'enapec saishet,

Josué 22:10

Qaq so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, co'ollaq ivita so tala Jordán, co'ollaq ñaq netaigui ye 'alhua Canaán, nache somayepi nauaxaỹaxaasheguem co'ollaxa aso nca'atoxonaxalate naña naqa'en ye loigue so tala.

Josué 22:16

«'Enauac na nhuo' le'ecpi maye lalamaxat Ñim Nataxala' denataxaatac, 'eeta': ‹¿Ta'ainec da qauatenachichi Ñim Natamnaxala' na Israel le'ecpi? ¿Ta'ainco' da qaỹa'axañiiuec Ñimaye, da qanauaxaỹaxañiisheguem añi nca'atoxonaxalate da yaqto' qauataiỹa'aguet Ñim Nataxala'?

Josué 22:19

Cha'aye da qaupichiitega da nshepaxan ne'ena 'alhua maye qami' taỹoto, nache qanqo'oñiỹa ye qana'alhua maye lalamaxat Ñim Nataxala', maye netaña ñi lpe'l maye huañacnaxa da qanauane' Ñimaye. Nache qauacoñiỹa ca 'alhua maye huaigui ye qana'alhua. Qalaxaye saishet qome da qauataiỹa'aguet Ñim Nataxala', qataq qomi', da qanauaxaỹaxañiishiguem aca lỹa nca'atoxonaxalate, cha'aye mashe huo'o añi nca'atoxonaxalate maye lalamaqte Ñim Nataxala' maye Qanatamnaxala'.

Deuteronómio 12:11

Nache cam nanataqa' maye lca'ateua'a Ñim Nataxala' da yaqto' huaña da qanauane' Ñimaye, nacheca qome ca qaroiua'a 'enauac na qami' samaxaleguete: nachetaqtaxanaxat qaỹavigaxatta, nachetaqtaxanaxat shiguiỹac, qataq ana diezmopi, qataq aca nachetaqtaxanaqte maye chegaqaigui da qaro'onataxanaxaqui, qataq aca qauachaxañiỹapec da qaỹa'añiỹot Ñim Nataxala'.