Josué 22:10 - La'aqtaqa Ñim Lo'onatac 'Enauacna 2013

¹⁰ Qaq so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, co'ollaq ivita so tala Jordán, co'ollaq ñaq netaigui ye 'alhua Canaán, nache somayepi nauaxaỹaxaasheguem co'ollaxa aso nca'atoxonaxalate naña naqa'en ye loigue so tala.

Josué 22:10 Referans Kwoze

Génesis 28:18

Qaq so lỹa na'a'q, nache so Jacob ñisheguem co'ollaq ña nte'etom, nache ỹacona so coma' maye na'axaatalec co'ollaxa so pe, nache nachaalataxaañi, ime nache icorelec somaye so aceite.

Josué 22:9

Qaq 'era da 'eetec co'ollaxa so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, da ca'ai so laỹepi Israel le'ecpi co'ollaq huaña ye Silo, maye huaigui ye 'alhua Canaán, da yaqto' ỹe'eguelaxa so maiche lalamaxat na'alhua maye huaigui ye Galaad, nache qaipacchigui da lamaxasoxonaxac Ñim Nataxala', maye chegoqchigui naqa'en co'ollaxa so Moisés.

Josué 22:11

Nache som laỹepi Israel le'ecpi, la'axaỹaxac co'ollaxa da so maiche nhuo' le'ecpi maye chegoxoguetpi so Rubén, Gad qataq so laỹe so maiche nhuo' le'ecpi maye chegoxoguetpi so Manasés, nauaxaỹaxaasheguem co'ollaxa aso nca'atoxonaxalate, huaña so loigue so Jordán maye sa qaỹapeque yem loga't ye 'alhua Canaán, maye na'alhua so Israel le'ecpi,

Isaías 19:19

Qataq que'eca na'a'q, huo'o qome aca nca'atoxonaxalate da lalamaqte qanqa'en Ñim Nataxala', ñichiguingui na laiñi ye 'alhua Egipto, qataq ye sa qaỹapeque ye loga't yi'iye 'alhua, nache naña qome aca qano'oxoosheguem coma' da yaqto' qaỹo'oxoren Ñim Nataxala'.

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Génesis 12:8

Qaq nache chegoqchiguiña yemaye co'ollaq jec da nqo'ona ye 'alhua maye huaña ana qasoxonaxapi, maye pa'aigue da nala' lliguisheguem ye Betel, qaq huaña yemaye, nache ỹa'ayiñi so lpe'l. Qaq ye Betel qalaq pa'aỹa'ague da avit yem naña co'ollaxa somaye, qaq ye Hai qalaq pa'aỹa'ague da nala' lliguisheguem. Qaq huaña yemaye, nache so Abram qaltaq no'oxoosheguem aso lỹa lca'atoxonaxalate, da yaqto' natamnot Ñim Nataxala'.