Josué 21:9 - La'aqtaqa Ñim Lo'onatac 'Enauacna 2013

⁹ Qaq se'eso huaqta'a't nỹecpi maye ỹotta'a't naua nañalo maye qoỹettañi na le'enaxatpi, nacheso som ỹanecpi co'ollaxa so chegoxoguetpi so Judá qataq so Simeón,

Josué 21:9 Referans Kwoze

1 Crónicas 6:65

Qaq nache taalec da qoỹanem som huaqta'a't nỹecpi, maye lalamaxat so lauo' le'ecpi so Judá, Simeón, qataq so Benjamín, som huaqta'a't nỹecpi maye ỹotta'a't naua nañalo maye mashe qaỹa'axattac.

Josué 21:8

Qaq 'era da 'eetec co'ollaxa so Israel le'ecpi da ỹanem so leviitapi so huaqta'a't nỹecpi, lỹaueegue' naqa'en so no'onaxapi maye lquia'aqa' na 'atetpi, nache ipacchigui qanqa'en da lamaxasoxonaxac Ñim Nataxala' co'ollaq ỹamaxalec so Moisés.

Josué 21:10

maye taỹot co'ollaxa so leviitapi maye llalaqpi so Quehat, maye chegoxoguetpi so Aarón, cha'aye nacheso som hua'auchiguiñi da taalec som qanallichiguipi co'ollaxa.

2 Crónicas 31:15

Qaq soua ltau' so Coré, som huetra'a so huaqta'a't nỹecpi maye lalamaxat so ntaxaỹaxanaxanecpi, 'enaua naua le'enaqa'ate: Edén, Miniamín, Josué, Semaías, Amarías qataq so Secanías, qaq nachesoua soua ltau' da imenec na taỹot ñim 'oonolec som ltauapi. Qaq soomaye ỹo'o't naxa de'era da ivita ye laloqo' da lo'onataxanaxac da ilo'oguet som ỹepi qataq so na'asapi,

Josué 21:4

Qaq so hua'auchiguiñi qanallichigui huaqta'a't nỹecpi maye taỹot so leviitapi, nache taalec so chegoxoguetpi so Quehat. Qaq se'eso quehatiitapi nache chegoxoguetpi so ntaxaỹaxanaxanec Aarón, nache somayepi taalec so trece som huaqta'a't nỹecpi maye ỹotta'a't naua nañalo, maye lalamaxatpi co'ollaxa so maiche nhuo' le'ecpi maye chegoxoguetpi so Judá, Simeón qataq so Benjamín.

1 Crónicas 6:39

Qaq na aloic so Hemán, nache hueta'ague so lauo' le'ecpi somaye le'enaxat Asaf, maye chegoxoguet so Berequías, Sama,