Josué 21:7 - La'aqtaqa Ñim Lo'onatac 'Enauacna 2013

⁷ Qaq so laỹe leviitapi maye lalamaxat llalaqpi so Merari, nache taalec co'ollaxa so doce huaqta'a't nỹecpi maye ỹotta'a't naua nañalo maye lalamaxatpi co'ollaxa so maiche nhuo' le'ecpi maye chegoxoguetpi so Rubén, Gad, qataq so Zabulón.

Josué 21:7 Referans Kwoze

1 Crónicas 6:63

Qaq som chegoxoguetpi so Merari, nache qanaloqna'aguet ye lcata som lauo' le'ecpi, da qoỹanem so doce som huaqta'a't nỹecpi maye ỹotta'a't naua nañalo, maye lalamaxat so lauo' le'ecpi so Rubén, Gad, qataq so Zabulón.

Números 3:20

Qaq soua llalqa so Merari: Mahli qataq Musi. Nache 'ena 'enauac na maiche nalamaxat nhuo' le'ecpi, maye chegoxoguet so Leví. Ỹataqtac na maiche chegoxoguet lta'alpi.

Éxodo 6:19

Qaq soua llalqa so Merari: Mahli qataq so Musi. Qaq 'enaua naua chegoxogueta so Leví, hua'auchiguiñi so la'auaxanec llalec somaye.

Josué 21:6

Qaq co'ollaq ime de'era nache so lalamaxat llalaqpi so Guersón, taalec da taỹot so trece so huaqta'a't nỹecpi, maye lalamaxatpi co'ollaxa so maiche nhuo' le'ecpi maye chegoxoguetpi so Isacar, Aser, qataq so Neftalí, qataq som laỹe na maiche nhuo' le'ecpi maye chegoxoguetpi so Manasés, maye naña co'ollaxa ye Basán.

Josué 21:8

Qaq 'era da 'eetec co'ollaxa so Israel le'ecpi da ỹanem so leviitapi so huaqta'a't nỹecpi, lỹaueegue' naqa'en so no'onaxapi maye lquia'aqa' na 'atetpi, nache ipacchigui qanqa'en da lamaxasoxonaxac Ñim Nataxala' co'ollaq ỹamaxalec so Moisés.

1 Crónicas 6:62

Qaq som chegoxoguetpi so Guersón, nache qanaloqna'aguet ye lcata som lauo' le'ecpi da qoỹanem som trece som huaqta'a't nỹecpi maye ỹotta'a't naua nañalo, maye lalamaxatpi so lauo' le'ecpi so Isacar, Aser, Neftalí qataq som laỹe so maiche nalamaxat nhuo' le'ecpi maye chegoxoguetpi so Manasés, maye netalec ye Basán.