Josué 21:41 - La'aqtaqa Ñim Lo'onatac 'Enauacna 2013

⁴¹ Qaq se'eso huaqta'a't nỹecpi maye ỹotta'a't naua nañalo maye qoỹanem da lalamaxat so leviitapi, maye huaigui so na'alhuapi so Israel le'ecpi, nache ivi' cuarenta y ocho da ima'a't, qataq lỹaueegue' so no'onaxapi maye lquia'aqa' na 'atetpi,

Josué 21:41 Referans Kwoze

Deuteronómio 33:10

Qataq somaye ỹapaxaguenec da 'alapaxañi lataxac so Jacob, qataq da 'arapaxaguenataxanaxac so Israel. Qataq 'Am taỹot naqa'en so nchenaxanaxat, qataq 'Am ỹanot so nachetaqtaxanaxat shiguiỹac maye qaỹavigaxatta.

Génesis 49:7

¡Qauem, aja', ỹoqta 'eesa da qauem de'era nnogoxonaxa'c maye saishet da qanpaxat! ¡Aỹem selagaxatoiguilo qome daamaye, 'enauac na nhuo' Israel le'ecpi!

Josué 21:40

qaq da ima'a't se'eso huaqta'a't nỹecpi, maye taỹot som chegoxoguetpi so Merari, maye ñaq saxanaxa da huo'o ca qoỹanem co'ollaxa, nache ivi' doce so taỹotpi.

Josué 21:42

maye huaña som sa qaỹapeque ñi 'oonolec se'eso huaqta'a't nỹecpi. Qaq nache 'eeta'ac de'era 'enauac se'eso huaqta'a't nỹecpi.

1 Crónicas 6:64

Qaq so Israel le'ecpi ỹanem co'ollaxa so leviitapi, som huaqta'a't nỹecpi maye ỹotta'a't naua nañalo, qataq lỹaueegue' so no'onaxapi maye lquia'aqa'pi na 'atetpi.

Josué 21:3

Huaña, nache so Israel le'ecpi huo'o som ỹanem so leviitapi som maiche lalamaxat huaqta'a't nỹecpi maye ỹotta'a't naua nañalo, qataq lỹaueegue' naqa'en so no'onaxapi da yaqto' lquia'aqa' so na'atetpi, nache qaipacchigui da lamaxasoxonaxac Ñim Nataxala'.