Josué 21:2 - La'aqtaqa Ñim Lo'onatac 'Enauacna 2013

² «Ñim Nataxala', ỹamaxalec co'ollaxa so Moisés da qomi' ỹanema ca huaqta'a't nỹecpi da yaqto' sonaqaigui, qataq ca qano'onaxapi maye lquia'aqa' nam qana'atetpi.»

Josué 21:2 Referans Kwoze

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

Gálatas 6:6

Cha'aye ca mashe ỹaỹateeta da napaxaguenataguec da la'aqtac Ñim Lo'onatac 'Enauacna, qaq camaye no'on da nhuaate' ca napaxaguenaxala' 'enauac nam no'on maye ỹaconeguet.

Mateo 10:10

qataq ca laỹe' ca qo'oqoi na nqa'aic. Qataq saishet da qauache caua qarashelchelli' qataq caua lỹa't qo'ogolli'. Cha'aye 'enauac na 'onataxanaxaicpi saishet da sa qoỹami' da lquia'axac.

Levítico 25:32

Qaq na chegoxoguet so Leví, namayepi nache 'eetai' qome da ishet da ñe'eguelaxaala't da desheenaxana ca lalamaxat nỹec maye netaigui na qalota nỹecpi maye maiche lalamaxat namayepi.

Josué 14:5

Qaq 'era da 'eetec co'ollaxa so Israel le'ecpi da naloqtenec se'eso 'alhuapi. Nache ipacchigui da la'aqtac Ñim Nataxala' maye ỹamaxalec co'ollaxa so Moisés.

Josué 21:3

Huaña, nache so Israel le'ecpi huo'o som ỹanem so leviitapi som maiche lalamaxat huaqta'a't nỹecpi maye ỹotta'a't naua nañalo, qataq lỹaueegue' naqa'en so no'onaxapi da yaqto' lquia'aqa' so na'atetpi, nache qaipacchigui da lamaxasoxonaxac Ñim Nataxala'.