Josué 21:1 - La'aqtaqa Ñim Lo'onatac 'Enauacna 2013

¹ Qaq som lataxala'pi so maiche nhuo' le'ecpi maye chegoxoguetpi so Leví, nqo'ona co'ollaxa ye Silo, maye huaigui ye 'alhua Canaán da yaqto' detaxaỹapegue' so ntaxaỹaxanaxanec Eleazar, Josué, qataq so lataxala'pi so maiche nalamaxat nhuo' Israel le'ecpi, nache se'eso lataxala'pi som chegoxoguetpi so Leví, 'eeta':

Josué 21:1 Referans Kwoze

Josué 14:1

Qaq 'ena na 'alhuapi maye huaña ye Canaán maye ỹaconeguet co'ollaxa da yaqto' ỹauo'o lalamaxat so Israel le'ecpi. Qaq se'eso 'alhuapi naloqnec co'ollaxa so ntaxaỹaxanaxanec Eleazar, qataq so Josué, nataqa'en so lataxala'pi na maiche nhuo' le'ecpi maye chegoxoguetpi so Israel.

Josué 19:51

Qaq 'eso so 'alhuapi maye so ntaxaỹaxanaxanec Eleazar, Josué qataq so lataxala'pi so nhuo' le'ecpi ỹo'ot da qanallichigui co'ollaxa, da taỹot qanqa'en ñi 'oonolec se'eso maiche nalamaxat nhuo' Israel le'ecpi, ỹauaachigui qanqa'en Ñim Nataxala', huaña so ñegueuo som npe'l maye huañacnaxa da qanauane' Ñimaye maye naña ye Silo. Qaq huaña co'ollaxa nache ỹataqta nalotec da qoỹanec se'eso 'alhua.

Josué 17:4

Qaq soomaye nqo'oora co'ollaxa so ntaxaỹaxanaxanec Eleazar, qataq so Josué, nataqa'en so lataxala'pi so maiche nalamaxat nhuo' le'ecpi nache, 'eeta': «Ñim Nataxala' ỹamaxalec co'ollaxa so Moisés da nataqa'en qomi' 'alol, qaỹauo'o qome ca qomi' qoỹanema 'alhua, 'eeta'am da 'eetec da qoỹanem na qarqaỹañicpi.» Huaña, nache so Josué ỹanema soomaye so 'alhua, da 'eeta'am naqa'en so lauo' le'ecpi so lta'a soomaye, da yaqto' ipacchigui da lamaxasoxonaxac Ñim Nataxala'.

Éxodo 6:25

Qaq so Eleazar, som llalec so Aarón, somaye huaroneguet aso llale so Futiel, qaq asomaye nachaso aso late'e so Finés. Qaq 'eso co'ollaxa so lataxala'pi som llalaqpi so Leví, ñi 'oonolec ỹataqtac nam llalaqpi.

Éxodo 6:14

Qaq 'eso so lataxala'pi co'ollaxa so llalaqpi so hua'au lta'alpi so Israel le'ecpi. Qaq 'enaua naua le'enaqa'ate soua llalqa so Rubén som la'auaxanec llalec so Israel: Hanoc, Falú, Jesrón qataq Carmi, qaq 'esoua soua lalamaqa'ate llalqa so Rubén.

Génesis 49:7

¡Qauem, aja', ỹoqta 'eesa da qauem de'era nnogoxonaxa'c maye saishet da qanpaxat! ¡Aỹem selagaxatoiguilo qome daamaye, 'enauac na nhuo' Israel le'ecpi!

Números 35:1

Ñim Nataxala' 'enapega so Moisés, co'ollaq huaña ye nalochiguiñi 'alhua ye Moab, yem sa qaỹapeque ye Jordán qataq nalotta ye Jericó, 'eeta':

Números 35:8

Nache que'eca huaqta'a't nỹecpi maye ỹotta'a't naua nañalo maye ỹan qome na Israel le'ecpi da ỹanem na leviitapi, ỹachegoxotaigui qome na 'alhua maye qoỹanem da lalamaxat. Qalaxaye ca lta'araic ca na'alhua, nache lta'araic ca ỹanec, qaq ca saq 'amaqtaq ca na'alhua, nache nataqa'en saq 'amaqtaq ca ỹan 'alhua, da qoỹanalec ca huaqta'a't nỹecpi maye ỹotta'a't naua nañalo da yaqto' lalamaxat namayepi.»