Josué 20:8 - La'aqtaqa Ñim Lo'onatac 'Enauacna 2013

⁸ Qaq da pa'aỹa'atague da le'ego so Jordán, yem nalochiguiñi ye toolec 'alhua maye pa'aỹa'ague da nala' lliguisheguem ye Jericó, nache lca'aua'a ye Beser, maye lalamaxat so chegoxoguetpi so Rubén, qaq yem huaigui ye 'alhua Galaad nache qalca'aua'a ye Ramot, maye lalamaxat som chegoxoguetpi so Gad, qaq yem huaigui ye Basán nache qalca'aua'a ye Golán, maye lalamaxat som chegoxoguetpi so Manasés.

Josué 20:8 Referans Kwoze

1 Crónicas 6:78

Qaq yem lalamaxat som chegoxoguetpi so Rubén, nache qoỹanem yem pa'aỹa'ague da nala' lliguisheguem so tala Jordán, maye datatta ye Jericó, maye le'enaxat Beser, maye huaña ye toolec 'alhua, Yahás,

Josué 21:36

Qaq so maiche nhuo' le'ecpi maye chegoxoguetpi so Rubén, nataqa'en ỹanem somayepi ye Beser, Yahás,

Josué 21:38

Qaq so maiche nhuo' le'ecpi maye chegoxoguetpi so Gad, nataqa'en ỹanec ye Ramot maye huaigui ye 'alhua Galaad, da yaqto' qaỹauo'o lle'eguenaqa' da huo'o ca ilamaxata'a da ỹalauat ca lỹa, qataq ye Majanayin,

Josué 21:27

Qaq so leviitapi maye chegoxoguetpi so Guersón, nache qoỹanema soua dos huaqta'a't nỹecpi maye ỹottecache naua nañalo, qataq lỹaueegue' so no'onaxapi maye lquia'aqa' na 'atetpi, maye lalamaxat co'ollaxa som laỹe so maiche nhuo' le'ecpi maye chegoxoguetpi so Manasés, yem Golán maye netaigui ye 'alhua Basán, da yaqto' qaỹauo'o lle'eguenaqa' da huo'o ca ilamaxata'a da ỹalauat ca lỹa, qataq ye Besterá.

1 Crónicas 6:80

Qataq yem lalamaxat so lauo' le'ecpi so Gad, yem Ramot maye huaigui ye Galaad, Majanayin,

1 Reyes 22:6

Nache so Ajab, maye nta'a ye Israel, iỹaxaneuga so na'aqtaxanaxanecpi, maye huac da ivi' cuatrocientos ỹalleppi, nache inat somayepi, 'eeta': ¿Peta'a ishet da ñeqo'ona ye Ramot, maye huaigui ye Galaad da seloquiaxan, qalqo' saishet? Nache somayepi 'enapeco': Aja', ishet da 'anqo'ona da 'auloquiaxan, cha'aye Ñim Nataxala' 'am ỹanem da 'oxonec yemaye.

Deuteronómio 4:43

Qaq 'eso som huaqta'a't nỹecpi maye ỹotta'a't naua nañalo: Beser maye huaña ye comarelecpi ye toolec 'alhua, qoỹanem na lauo' le'ecpi so Rubén, qaq soo huaqta'a't nỹecpi ye Ramot maye huaigui ye Galaad, qoỹanem na lauo' le'ecpi so Gad, qaq ye Golán maye huaigui ye Basán, qoỹanem na lauo' le'ecpi so Manasés.

Deuteronómio 3:10

Nache 'enauac so huaqta'a't nỹecpi maye ỹotta'a't naua nañalo maye nalec ye nalochiguiñi na pa'asheguem aye qasoxonaxapi, da saconaxa ye 'alhua Galaad, Basán, qataq so huaqta'a't nỹecpi ye Salca, Edrey, maye lalamaxat so Og, maye ilotague' so netaña ye Basán.

Josué 20:7

Huaña co'ollaxa, nache so Israel le'ecpi lca'aua'a da yaqto' ñe'eguenaxaquipi so huaqta'a't nỹecpi ye: Cedes, Galilea, qataq ye huaña ana qasoxonaxapi ye Neftalí, qataq ye Siquén, maye huaña na qasoxonaxapi maye lalamaqte so Efraín, qataq ye Quiriat Arbá, maye nataqa'en le'enaxat da Hebrón, maye huaigui aye qasoxonaxapi ye Judá.

Josué 20:9

Qaq 'eso som huaqta'a't nỹecpi maye qalca'aua'a da lle'eguenaxaquipi qanqa'en 'enauac so Israel le'ecpi, qataq so chegaqauecpi maye netaiguipi somayepi. Qaq nache camachaqca shiỹaxaua da ilamaxata'a da ỹalauat ca lỹa, nache ishet da taua'a somayepi da naneltaxan, yaqto' cam lauo' le'ec que'eca leuaxaic, saishet da hua'aulec da ỹalauat camaye souaxat da ipaltaique ca lvi', qom ñaq saxanaxa da qaỹauegueua'a ca nhuo' le'ecpi da yaqto' qanmit camaye.

2 Reyes 8:28

Nache so Ocozías, nnaicapegue' co'ollaxa so Jorán, maye llalec so Ajab, da yaqto' iloquiaxan so Jazael, maye nta'a ye Siria, huaña ye Ramot yem 'alhua Galaad. Qalaxaye so siiriopi ique'emaqchet co'ollaxa so Jorán.