Josué 2:7 - La'aqtaqa Ñim Lo'onatac 'Enauacna 2013

⁷ Nache so nalleppi so nta'a icaaleguete soomaye, tateuga so nqa'aic maye taỹaxaama so tala Jordán, nache ivittaxaama so ñeguetapi da qotaitague da le'ego. Qaq co'ollaq chochaq inoxonec so alleppi, nache qaỹapogui so lasom so npaqtaxanaxat.

Josué 2:7 Referans Kwoze

Jueces 3:28

Nache so Aod 'enapega somayepi, da ca'ategue somaye cha'aye Ñim Nataxala' ỹanem da loxonec so moabiitapi maye mpa'aguenaxauapi somayepi. Nache so Israel le'ecpi ca'ategue somaye, nache nqo'ona da nauan som ñeguetapi da qotaitague da le'ego so Jordán maye taỹa'a ye Moab, nache qaica ca ỹashenem da quegue se'eso ñeguetapi.

Hechos 5:23

'eeta': –Qomi' semetenaqtac añi ncoñetaxanaxaqui da ỹataqta qaỹapochigui, qataq huo'oi daua huataxanaq lashe' maye nauaata'ape naua laso'omi. Qalaxaye so sauataxaigui, nache saishet da huo'o ca selaqa'a na pa'auo.

Jueces 12:5

Qaq so Galaad le'ecpi nqo'ona co'ollaxa da nauan som ñeguetapi da qotaitague da le'ego so Jordán maye lalamaxat som chegoxoguetpi so Efraín. Nache naxa som chegoxoguetpi so Efraín maye naneltaxaatac da huotaique da ỹa'axasoxoolec som ñeguetapi, nache somayepi inat, da Efraín le'ec. Qaq da 'enapec saishet,

Josué 2:5

Qalaxaye soomaye je'c so mashe napalchiguiñi, nache sa saỹaten ca dataregue. Qalaxaye da saqanaỹaloxoñi da qaucañiileguete nache yo'oqta da qaviyiỹaleguete soomaye, cha'aye mashe yaqta'a da qaỹapogui ñi lasom na lpaqtaxat na huaqta'a't nỹecpi.»

Josué 2:6

Qalaxaye asomaye ỹaviguisheguemeque co'ollaxa soomaye so pa'asheguem so lma' l-laq, nache nqañoxooyiñi naqa'en, huetraigui aso qaiqaxaỹaxattacpi naqtapi lino.

Josué 2:8

Qaq co'ollaq yaqta'a da do'oche' se'esoua nmeenaxanaxanaqa, nache aso Rajab tasheguemec so pa'asheguem so lma' l-laq. Nache 'enapegalo soomaye, 'eeta':