Josué 2:6 - La'aqtaqa Ñim Lo'onatac 'Enauacna 2013

⁶ Qalaxaye asomaye ỹaviguisheguemeque co'ollaxa soomaye so pa'asheguem so lma' l-laq, nache nqañoxooyiñi naqa'en, huetraigui aso qaiqaxaỹaxattacpi naqtapi lino.

Josué 2:6 Referans Kwoze

Santiago 2:25

Qaq 'era nataqa'en da 'eetec aso Rajab maye quisheguetaxai. Ñim Lo'onatac 'Enauacna ỹaỹamaxareeta asomaye souaxat dam ỹaỹamaqchiguiñi ỹo'ote'c soua namaxa'she co'ollaq ivildeua'a so lma', qataq ỹoxooyiñi soomaye. Qataq nataqa'en souaxat da itaua'n soomaye da naneltaxa'n, ỹaqa'a ca tateugalo nqa'aic naqa'e'n.

Hebreos 11:23

Soua lta'al so Moisés huo'o da lpi'iỹaxa'c Ñim Lo'onatac 'Enauacna, ỹoqo'oye co'ollaq ñiguiñi somaye, nache ivi't tres ca'agoxoiqa da ỹoxottrapiguiñi. Qaq so nta'a maye ilotague' na netaña ye Egipto, damaxasoxoolec co'ollaxa da qaỹalauat 'enauac na ñaqpiolec maye ỹalleppiolec nam Israel le'ecpi. Qalaxaye soua lta'al so Moisés ilora'a da ỹataqta 'onaxaic somaye, nache saishet da ñe'etrega so nta'a, cha'aye huo'o da lpi'iỹaxa'c Ñim Lo'onatac 'Enauacna.

Colosenses 3:3

Cha'aye qami' mashe qarleuaxauai So Cristo, qaq nagui da qanachaalataxaqui hueto'ot Somaye da na'attaua'a Ñim Lo'onatac 'Enauacna.

2 Samuel 17:19

Qaq aso lhua se'eso ỹale, ỹapolec co'ollaxa aso nshere. Ime, nache ilagaxaalec so nchegoxoshec trigo so mpa'asheguem so lapoxot asomaye. Da yaqto' saishet da qanpi'itaxana.

Mateo 24:17

qaq cam netalec na l-laq ca lma', qaq no'on qome da saishet da taigui ca lma' da huo'o ca ỹache,

Jeremías 36:26

nacherata da ỹamaq so Jerahmeel, maye maiche llalec, qataq so Seraías som llalec so Azriel, qataq so Selemías som llalec so Abdel, da yaqto' ỹacooreua'a so Jeremías, qataq so leraxanaxanec Baruc. Qalaxaye Ñim Nataxala' ỹoxooyiñi soomaye.

2 Reyes 11:2

Qalaxaye aso Yoseba, asom llale so nta'a Jorán, maye lqaỹa so Ocozías, asomaye ỹeltaxan co'ollaxa so Joás, som llalec so Ocozías, co'ollaq mashe qaỹalauattac so llalaqpi so nta'a, qaq nache lỹatec nataqa'en asom 'alo maye illepaxaatac somaye, nache nqañoxotoigui naqa'en so lo'ochaqa' asomaye, da ỹoxocheesop aso Atalía, qaq 'era da 'eetec co'ollaxa da saishet da qaỹalauat so Joás.

1 Reyes 18:13

Qaq ¿peta'a saishet da 'am qaỹa'aqtaxanem da so'ot, co'ollaq aso Jezabel ỹalauattac so la'aqtaxanaxanecpi Ñim Nataxala' nache aỹem soxooñi caillaye so cien somayepi? Nache dos ñaqa'en soua nqañoxotaqa'ate, cincuenta ñaqa'en so nqañoxotoigui ñi 'oonolec se'esoua auaco, qataq saqoue ñaqa'en aso lqo nauole qataq so 'etaxat.

1 Reyes 18:4

qaq ỹoqo'oye aso Jezabel, co'ollaq damaxasoxoolec da qaỹalauat so la'aqtaxanaxanecpi Ñim Nataxala', nache somaye cincuenta naqa'en so nqañoxotoigui ñi 'oonolec soua dos auaco, qataq ỹaata'am co'ollaxa aso nauole qataq so 'etaxat.

2 Samuel 11:2

Qaq so mashe avit, nache ñisheguem so David, chegoqtelec so lmala', nache somaye queuotapeguelec na pa'asheguem so lma' lta'araic. Qaq huaña co'ollaxa nache ila'a aso 'alo nacheltac, qaq asomaye ỹataqta 'onaxai.

Josué 2:8

Qaq co'ollaq yaqta'a da do'oche' se'esoua nmeenaxanaxanaqa, nache aso Rajab tasheguemec so pa'asheguem so lma' l-laq. Nache 'enapegalo soomaye, 'eeta':

Deuteronómio 22:8

Qaq da huo'o ca no'oxoosheguem ca dalaxaic lma', nache ỹauo'o qome ca no'oxoosheguem lpaqtaxat na pa'asheguem ca lma', ten qom huo'o ca nacheesop nache ileu. Nache camaye lasouaxashet que'eca ileu.

Éxodo 2:2

Qaq co'ollaq mashe qaỹoqteguelo soua na'axa'te nache asomaye hualaxai, ime nache huo'o so llalec ỹale. Qaq co'ollaq ilalec da ỹataqta 'onaxaicolec, nache asomaye tres ca'agoxoiqa da ỹoxottapiguiñi.

Josué 2:5

Qalaxaye soomaye je'c so mashe napalchiguiñi, nache sa saỹaten ca dataregue. Qalaxaye da saqanaỹaloxoñi da qaucañiileguete nache yo'oqta da qaviyiỹaleguete soomaye, cha'aye mashe yaqta'a da qaỹapogui ñi lasom na lpaqtaxat na huaqta'a't nỹecpi.»

Josué 2:7

Nache so nalleppi so nta'a icaaleguete soomaye, tateuga so nqa'aic maye taỹaxaama so tala Jordán, nache ivittaxaama so ñeguetapi da qotaitague da le'ego. Qaq co'ollaq chochaq inoxonec so alleppi, nache qaỹapogui so lasom so npaqtaxanaxat.

Josué 6:25

Qalaxaye so Josué ichoxoren da nachaalataxac aso Rajab, qataq 'enauac so lalamaxat lauo' le'ecpi, qataq so logoxoshetpi, cha'aye asomaye ỹoxooyiñi co'ollaxa soua dos lamaxa'she somaye maye demeenaxara co'ollaxa se'eso 'alhua Jericó. Qaq nache se'eso na'a'q chegoqchiguiña da so lalamaxat lauo' le'ecpi aso Rajab, lauoreuapi so Israel le'ecpi ivitta'a nagui.