Josué 2:3 - La'aqtaqa Ñim Lo'onatac 'Enauacna 2013

³ Nache so nta'a, ỹamaxa da la'aqtac aso Rajab, 'eeta': «Ñaq 'anqatrec que'ecaua shiỹaxau' maye 'am natreua'a, qataq huetra'a na 'arma', cha'aye caamaye choche qomi' nmeenaxanalo qataq da imeten na qana'alhua.»

Josué 2:3 Referans Kwoze

2 Samuel 10:3

nache na lataxala'pi so amoniitapi, 'enapega so nta'a Janún, 'eeta': «'Am nta'a, ¿peta'a 'aupi'itaxaatega da so David huo'o naq 'enec naqa'en ye 'arta'a, ỹoqo'oye 'am namaxa na lamaxashecpi? ¡Ye namayepi yo'oqta da choche naỹa da imeten na 'alhua, ime nache ilaxachigui qome na huaqta'a't nỹecpi!»

Hechos 12:6

Qaq se'eso pe maye pa'aiguet se'eso na'a'q maye so Herodes huotaique da nqatec so Pedro da ỹachaxana na shiỹaxauapi. Nache so Pedro do'ocheto', huetanguilo soua dos huataxanaq lashe', qaicoñetta'aque soua dos lque'ete. Qaq soua lỹa't huataxanaq lashe' nauaata'ape so lasom aso ncoñetaxanaxaqui.

Hechos 12:4

Qaq co'ollaq mashe qaỹaconeua'a so Pedro, nache so Herodes ỹanaigui somaye aso ncoñetaxanaxaqui. Nache nauaatalec naqa'en so dieciséis huataxanaqpi, cuatro naqa'en naua huaxaỹapega't, cha'aye somaye ỹauotaique da qom ime so naponaxac le'enaxat Lapascua, nache nqatec so Pedro da ỹachaxana 'enauac na shiỹaxauapi da ỹalauat.

Juan 19:4

Nache so Pilato qaltaq pa'auec, nache 'enapego' somayepi, 'eeta': –Ña qauloỹa, nagui damaye ñeqatec yaqto' ishet da qauaỹaañita da aỹem qaica ca sanata lasouaxashet damaye.

Da na'aqtaguec so Job 21:30

da ivita ca na'a'q da qanlaxaañi 'enauacna, nache ca qauemaic nca'alec, qataq da ivita ca na'a'q da nvi' ca nayeloxo, nache camaye nca'alec?

1 Crónicas 19:3

nache so lataxala'pi so amoniitapi, 'enapega so Janún, 'eeta': ¿'Am 'amaqtaqaic, peta'a 'aua'amaqten da ñi David namaq na la'aqtaxanaxanecpi da nacherata da 'am ỹa'añaqchet? ¡'A'i, yo'oqta da namayepi anac da imeten, naloqten qataq da ỹauattoota ne'ena qana'alhua!

Josué 10:23

Qaq 'era da 'eetec co'ollaxa so Israel le'ecpi da nqatrec soua nta'al maye huetraigui so auac, som nta'a ye Jerusalén, Hebrón, Jarmut, Laquis qataq ye Eglón.

Levítico 24:14

«'Auauegueuga qome na pa'auec ye nanataqa' maye qanayeuta'a que'eca shiỹaxaua maye isheuen da ỹe'enaxat. Nache 'enauac na shiỹaxauapi maye hua'aqchigui co'ollaxa, nache ỹashel-lec na lqaic camaye. Ime, nache ỹalauat ỹauota'a na coma' laỹe da ỹasaq.

Génesis 42:31

Qalaxaye qomi' sa'aqtaxanaqteguem ñimaye da qomi' no'on da qarataxac, qataq saỹauano' da qomi' nmeenaxanaxanaqa.

Génesis 38:24

Qaq co'ollaq mashe inoxoorec soua tres ca'agoxoiqa, nache qaỹauo'o da la'axaỹaxac so Judá, maye 'eeta': «Añi Tamar maye 'arate, yo'oqta da lauatapiguiñi' ca lỹa ỹale, ỹoqo'oye añimaye hualaxai.» Nache so Judá, 'enapeco': «¡Qanqacheeuec qome acamaye! ¡Ime, nache qauavigaxache!»

Josué 2:2

Qalaxaye qaỹa'aqtaxanem co'ollaxa so nta'a ye Jericó, qoỹeeta': «Huo'oi soua Israel lashe' nvildeuo so mashe pe, da choche nmeenaxara ne'ena 'alhua.»

Josué 2:4

Qalaxaye asomaye ỹoxooyiñi soomaye, nache 'enapeco': «'Eesa da huo'oi soua shiỹaxau' da huetra'a na ima', qalaxaye sa saỹaten ca chegoqtra'ague.

2 Samuel 17:20

Qaq co'ollaq nvildeuo soua lamaxa'she so Absalón, nache inattaco' aso 'alo, 'eeta': ¿Hua'ague ca neta'ague ca Ajimaz qataq ca Jonatán? Nache asomaye 'enapeco': Qomye natreuga ne'ena, qalaxaye tairaxaama so tala. Nache soua lamaxa'she so Absalón icaaleguete soomaye. Qalaxaye co'ollaq saishet da ỹanatalo nache ỹe'eguelaxalo ye Jerusalén.

Jueces 4:20

Nache so Sísara, 'enapeco': Qouetaviigui qome ñi ñegueuo ne'ena npe'l, qaq da huo'o ca nvireuo da 'am inat, da huo'o ca hueta'a ne'ena, nache qonapega da qaica ca hueta'a ne'ena.