Josué 2:23 - La'aqtaqa Ñim Lo'onatac 'Enauacna 2013

²³ Nache soua dos nmeenaxanaxanaqa huenoteeguesop aso qasoxonaxapi, nache ỹa'axasoxoorelec so tala Jordán da ỹe'eguelaxa yem netaña so Josué, nache da'aqtaxaarem somaye 'enauac da hueraigui soomaye.

Josué 2:23 Referans Kwoze

Josué 2:22

Nache soua dos nmeenaxanaxanaqa je'c, tasheguemeque aso qasoxonaxapi nache nqañoxottrañi soua tres na'axa'te, qaq so alleppi nmittrapigui co'ollaxa soomaye, nmittac 'enauac na nqa'aicpi qataq naua qanayeetaleguete 'aleu' qalaxaye saishet da qaỹanatalo, nache somayepi ỹe'eguelaxaua'a ye Jericó.

Josué 2:24

Nache 'eeta': «Ñim Nataxala' mashe qomi' ỹanema da qoroxonec 'enauac yi'iye 'alhua. Cha'aye 'enauac yem netaña yemaye ỹataqta ilem da lcolanaxa souaxat da shenaqta.»

Jueces 18:9

¡Qomye nache qolaq nagui da seloquiaxanaq yemayepi! Cha'aye qomi' seconnaqtapeguelec yi'iye 'alhua, nache selaqalec da ỹataqta 'onaxaic! Qaq ¿ca 'eeteco' da choche qoviita'a ne'ena da qaica ca qauo'oche? ¡Nache qolaq nagui, ñeqo'onaxa da seuotaxanaxac yi'iye 'alhua!

Jueces 18:10

Qom qavichiỹa yemaye, nache qauloỹalec ye shiỹaxauapi da qaica ca ndaqtaique, qataq ỹataqta qalochiguiñi ye na'alhua, nache qaica ca iueetaique. Qaq Ñim Lo'onatac 'Enauacna qomi' ỹanema qome yemaye da sonaqalec.