Josué 2:21 - La'aqtaqa Ñim Lo'onatac 'Enauacna 2013

²¹ Nache aso Rajab 'enapeco': «Aja', aỹem saỹamaxareeta.» Huaña nache nquineto soomaye, nache soomaye je'c. Nache asomaye icoñeraua'a so nalloxoqui so nañec togaxaraic.

Josué 2:21 Referans Kwoze

Juan 2:5

Qalaxaye asomaye 'enapega som huetapecpi, 'eeta': –Qauo'oche qome 'enauac cam 'enapec Damaye.

Mateo 7:24

Qaq ỹoqo'oye cam ỹataqta Aỹem na'axaỹaxana qataq ỹo'ot da sheetega, qaq camaye 'eeta'am ca ỹale maye ỹataqta ỹaanaxanaxaic, maye no'oxootelec naqa'en ca ỹataqta ndota't coma' da no'oxoosheguem ca lma'.

Josué 2:18

Qalaxaye qom mashe ñenoxonaxaua'a ne'ena 'alhua nache ne'ena nañec togaxaraic, 'acoñeraua'a qome ñi nalloxoqui maye saqtoigui 'anqa'en da senotaxauec. Huaña nache 'anauegueua'a na 'arma' ca 'arta'a, 'arate'e, 'arqaỹañecpi, qataq 'enauac ca 'aralamaxat 'arhuo' le'ecpi.

Josué 2:20

Qataq qom 'aua'axatec de'era qara'aqtac, nache qomi' huesoueeguesopa qome de'era 'am sanaxam qara'aqtac, nache saishet da sepagaqchigui sa so'otaq.»

Josué 2:22

Nache soua dos nmeenaxanaxanaqa je'c, tasheguemeque aso qasoxonaxapi nache nqañoxottrañi soua tres na'axa'te, qaq so alleppi nmittrapigui co'ollaxa soomaye, nmittac 'enauac na nqa'aicpi qataq naua qanayeetaleguete 'aleu' qalaxaye saishet da qaỹanatalo, nache somayepi ỹe'eguelaxaua'a ye Jericó.

Éxodo 12:28

Ime, nache jec somayepi da ỹo'ot 'enauac nam la'aqtac Ñim Nataxala' maye ỹamaxaleguete so Moisés qataq so Aarón.