Josué 2:2 - La'aqtaqa Ñim Lo'onatac 'Enauacna 2013

² Qalaxaye qaỹa'aqtaxanem co'ollaxa so nta'a ye Jericó, qoỹeeta': «Huo'oi soua Israel lashe' nvildeuo so mashe pe, da choche nmeenaxara ne'ena 'alhua.»

Josué 2:2 Referans Kwoze

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

Isaías 43:13

Qaq Aỹem, nache 'eetai' da Aỹem Atamnaxala'. Qaq qaica ca ishet da naneltaxaneguet da ihuaqỹaxac. Qataq qaica ca ishet da nlaxaañi cam so'ot.»

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

Salmos 127:1

Ñim Nataxala' da sa no'oxoosheguem ca nỹec, nache qaica ca naigui da lo'onataxanaxac cam no'oxooteguisheguem camaye, Ñim Nataxala' da saishet da npaxattalec ca huaqta'a't nỹecpi, nache qaica ca naigui da sa do'oche cam nauaatalec camaye.

Josué 2:1

Qaq co'ollaq huaña ye Sitín, nache so Josué no'otaxaatrec soua dos da ỹama'q, nache 'enapegalo, 'eeta': «Qanqo'oñiỹa qome da qaumeenaxañiỹa ye 'alhua Canaán qataq ye Jericó.» Nache soomaye je'c, qaq co'ollaq ivildeua'a ye Jericó, nache tatreua'a so lma' aso 'alo quisheguetaxai maye le'enaxat Rajab, nache lo'ochaqa't se'eso pe.

Josué 2:3

Nache so nta'a, ỹamaxa da la'aqtac aso Rajab, 'eeta': «Ñaq 'anqatrec que'ecaua shiỹaxau' maye 'am natreua'a, qataq huetra'a na 'arma', cha'aye caamaye choche qomi' nmeenaxanalo qataq da imeten na qana'alhua.»

Jueces 18:2

Qaq ỹoqo'oye so chegoxoguetpi so Dan, lca'aua'alo soua cinco maye ỹataqta 'añaxaiqa se'eso nalleppi da yaqto' demeenaxara, qataq naloqte'n ca 'eetec yi'iye 'alhua. Nache se'esoua ỹale't co'ollaq ivita aye qasoxonaxapi ye Efraín, nache tareua'a so lma' so Micaía, nache huera'a da lo'ochaqa't se'eso pe.