Josué 2:19 - La'aqtaqa Ñim Lo'onatac 'Enauacna 2013

¹⁹ Qalaxaye da huo'o ca 'oonolec namayepi da maiche ca'ai na 'arma', nache camaye maiche nasouaxaala't da ileu, nache saishet da qarasouaqtac. Qalaxaye da huo'o ca ỹe'egueeta'a cam hueta'a na 'arma', nache qomi' qarasouaxashet camaye.

Josué 2:19 Referans Kwoze

Hechos 27:31

Qalaxaye so Pablo icoyeguen som huataxanaq lta'a qataq so nalleppi, 'eeta': –Ne'enapi da huo'otaq huenoteeguesop ana notaxaqui, nache qami' saishet qome da qarca'alliiuec.

Hechos 18:6

Qalaxaye somayepi ỹataqta ncotatague' somaye qataq isheueetac, nache so Pablo ichego'q soua alogo, cha'aye damaye la'anaxat da jec. Nache 'enapego' somayepi, 'eeta': –Ñim Lo'onatac 'Enauacna da ỹauo'o ca qanhuaxanaguiiqui, nache qami' maiche qarasouaxashechi; saishet da ỹasouaxashet. Qaq nache chegoqchiguiña ne'ena na'a'q da sa'aqtaxanem nam saishet da judiopi.

Éxodo 12:23

Yaqto' Ñim Nataxala' qom anac da ỹalauat na Egipto le'ecpi, nache da ilalec ca ntago'q naua laso'omi, nache napactalec que'eca nỹec. Qaq saishet da ỹasheetem da inoxoneuo ca nleuaxa naua qarma'achilli'.

Éxodo 12:13

Qaq que'eca ltago'q nacheca qome ca la'anaxat naua qarma'achilli' maye qoñiitaiguilo. Qaq yaqto' qom aỹem salauat na Egipto le'ecpi, nache qaica ca 'oonolec da qoñiita da ileu. Cha'aye da sela'a ca ntago'q, nache aỹem sapactauec.

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.

Filipenses 3:9

qataq yaqto' aỹem qaila'a da ña'attaua'a So Cristo. Qaq saishet da chegoqchigui da no'on ỹataxac souaxat da salaxaguet na namaxasoxonaxacpi, nacherata da no'on nataxac maye ỹanem Ñim Lo'onatac 'Enauacna cam ỹa'amaqten So Cristo, dam no'on nataxac maye chegoqchigui da npi'iỹaxac.

Hechos 20:26

Qaq ỹoqo'oye nagui qami' sa'aqtaxanema da qaica ca ỹasouaqtac da qoñiita.

Mateo 24:17

qaq cam netalec na l-laq ca lma', qaq no'on qome da saishet da taigui ca lma' da huo'o ca ỹache,

1 Reyes 2:32

Qaq Ñim Nataxala', talec naqa'en da maiche lasouaxashet somaye, souaxat da ỹalaua't soua dos ỹale't maye ỹataqta no'on da lataxa'c, maye napacalec da lataxac somaye, som Abner maye llalec so Ner, som lataxala' so alleppi Israel le'ecpi, qataq so Amasa, som llalec so Jéter, maye lataxala' so alleppi Judá le'ecpi. Qaq so ita'a saỹaỹaten co'ollaxa de'era.

2 Samuel 4:11

¡Qaq ỹoqo'oye nagui qami' qauemaiqa, nache qami' sheeteque de'era nataqa'en, cha'aye qaualauache so shiỹaxaua maye qaica ca lasouaxashet, qataq do'ocheta co'ollaxa huetaigui so maiche lma'! Qaq ỹoqo'oye sepalaique lvi' da l-leuaxa somaye, nache ỹataqta qami' pa'l ñaqa'en ana'ana 'alhua.»

2 Samuel 1:16

Qaq so David 'enapeco': 'Am, maiche 'anasouaxaala't da 'am qaỹalauat, cha'aye maiche 'aua'axat da 'aualauat so nta'a maye lca'aguishec Ñim Nataxala'.

Josué 2:14

Nache soua nmeenaxanaxanaqa 'ena'apo': «Qomi' sanaq qome da qanachaalataxac da yaqto' saishet da qami' qaỹalaua't, qalaxaye 'am saishet qome da 'aua'axatec de'era qara'aqtac. Nache Ñim Nataxala' qom qomi' ỹanema ne'ena 'alhua, nache ỹataqta qami' sechoxorena'q qataq qami' saỹamaxataqte'.»

Levítico 20:11

Qaq da huo'o ca ỹale da lauañi' aca lhua ca lta'a, nache camaye ỹe'en ca lta'a. Qaq que'eca ỹale qataq aca 'alo qaỹalaua't, qaq caamaye, maiche nasouaxaala't da ileu'.

Levítico 20:9

Qaq ca shiỹaxaua da ilarapiguiñi ca lta'a huo'otaq aca late'e, nache camaye qaỹalauat, nache maiche nasouaxaala't da ileu.

Josué 2:12

Qaq ỹoqo'oye qami' seỹaxanoto da aỹem qaỹa'añim nagui ca qara'aqtaqui, hua'aqchigui qanqa'eñi Ñim Nataxala' da ỹataqta qaica qome ca qoñiỹa'ac naua maiche ỹalamaqa'ate ihuo' lashe', 'eeta'am qanqa'eñi da qami' sheeteque da ỹataqta qami' selo'ogueta. Qataq qauauo'oi qome ca la'anaxat da ỹoqta qami' 'eesora,

Josué 2:20

Qataq qom 'aua'axatec de'era qara'aqtac, nache qomi' huesoueeguesopa qome de'era 'am sanaxam qara'aqtac, nache saishet da sepagaqchigui sa so'otaq.»

Éxodo 12:22

Qaq ca ltago'q huo'o ca qauachiỹangui laỹe'. Ime, qaq qauacoñiỹa aca naqtole hisopo, nache qa'ailchiingui ca ntago'q, nache qaua'amiñi' 'enauaque caua laso'omi ca nỹec. Qaq saishet qome da huo'o ca pa'auec da qoñiita qom saxanaxa da yo'oxoñi.