Josué 2:18 - La'aqtaqa Ñim Lo'onatac 'Enauacna 2013

¹⁸ Qalaxaye qom mashe ñenoxonaxaua'a ne'ena 'alhua nache ne'ena nañec togaxaraic, 'acoñeraua'a qome ñi nalloxoqui maye saqtoigui 'anqa'en da senotaxauec. Huaña nache 'anauegueua'a na 'arma' ca 'arta'a, 'arate'e, 'arqaỹañecpi, qataq 'enauac ca 'aralamaxat 'arhuo' le'ecpi.

Josué 2:18 Referans Kwoze

Josué 6:23

Nache soomaye pa'areuo nache nqatrec aso Rajab, qataq so lta'a, late'e, lqaỹañecpi qataq 'enauac so lalamaxat lauo' le'ecpi asomaye, nache ỹaueguereuga so naloteuga so lanataqa' so Israel le'ecpi.

Josué 2:21

Nache aso Rajab 'enapeco': «Aja', aỹem saỹamaxareeta.» Huaña nache nquineto soomaye, nache soomaye je'c. Nache asomaye icoñeraua'a so nalloxoqui so nañec togaxaraic.

Hebreos 9:19

Da hua'auchiguiñi 'eeta': so Moisés da'aqtaxanem 'enauac so lauo' le'ecpi da lamaxasoxonaxac qataq na lqataxacpi. Ime, nache ỹacona so qagueta laue togaxaraic qataq aso lcoue ana huoue le'enaxat hisopo, nache ỹelchiingui so 'etaxat maye ỹaleegueta naua ltago'q so huaca llalec qataq so quetaq. Ime, nache ichegoxolec aso nere maye nanettaleguete naua la'aqtaqa Ñim Lo'onatac 'Enauacna, nataqa'en ichegoxolec 'enauac so Israel le'ecpi.

Hechos 10:33

Qaq ỹoqo'oye ỹataqta sa saỹaloxonai' da 'am samaxasoxona. Qaq nagui no'on, cha'aye mashe 'anvi'. Qaq nagui qomi' souaqta'a ne'ena, qomi' lhuotte' da ña'axaỹaxanaxa cam 'am ỹamaxalec Ñim Lo'onatac 'Enauacna da qomi' 'aua'aqtaxanema, qataq qomi' saỹatenaqta da Ñimaye qomi' imeteeta'ape ne'ena na'a'q.

Levítico 14:4

nache ca ntaxaỹaxanaxanec ỹamaxalec cam shiỹaxaua maye no'oita, da ndoreuo caua dos qoỹo ña nca'altrauec, qataq qui'itte', qataq ca laỹe aca qo'oipaq pino, qataq ca hualoq laỹe togaxaraic, qataq aca 'oonole naqta na nchegoxosoxonaxat le'enaxat hisopo.

2 Timoteo 1:16

Qaq Ñim Lo'onatac 'Enauacna talec qome naqa'en da lchoxonnataxanaxa na lauo' le'ecpi so Onesíforo qataq itauan, cha'aye somaye saqalota da aỹem ỹa'añaqchet, qataq saishet da ncoxolec da ñecoñetaguec.

Hechos 11:14

Qaq ñimaye qome 'am da'aqtaxanem da 'eetec, da yaqto' 'am 'anca'alec qataq 'enauac nam hueta'a na 'arma'.»

Hechos 10:27

Nache na'aqtaxaatague' somaye, nache so Pedro pa'auo, nache ilalec som ỹataqta qalota shiỹaxauapi maye lapoota'a't.

Lucas 19:9

Nache So Jesús 'enapeco': –Nagui na na'a'q, 'am qataq 'enauac nam hueta'a na 'arma' qanca'alliiuec, cha'aye nataqa'en maiche 'am llalec so Abraham.

Números 19:6

Qaq so ntaxaỹaxanaxanec ỹacona qome aca lcoue ana cedro, qataq ca nchegoxosoxonaxat, qataq ca hualoq laỹe togaxaraic, nache 'enauaque caamaye da ỹasaxayingui ca norec maye huetangui aca huaca maye ỹavictac.

Números 4:8

Ime, qataq lapaxalec camaye ca hualoq laỹe togaxaraic, qataq npa'atcheguem ca ỹataqta no'on lo'oc, ime nache ỹanaguilo caua lachoxola'ate da qaỹache.

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Génesis 7:1

Qaq ime, nache Ñim Nataxala' 'enapega so Noé, 'eeta': «'Aunoxonoigui añi notaxaqui, 'arỹatreuo 'enauaque naua 'aỹa'alqa, cha'aye nache 'amta da qoqueelec nam sheetapeguecpi, saishet da qoneta'am nam 'aualecta'aguet shiỹaxauapi.

Ester 8:6

Cha'aye ¿ca 'eeteco' da ishet da ñala'aguet dam qauem maye huotaique da talec na ihuo' le'ecpi, qataq da qanmatchiguiñi nam ỹalamaxat iqaỹañecpi?

Cantares 4:3

Na 'ap qalaq togaxaraic 'eeta'am na nqo'oilliguishec, qataq huo'o da lamaic naua 'ara'aqtaqa. Naua 'aramelque tocaleguete 'eeta'ama ana ala ana granada, 'eco' nqañoxottaiguilo na lapoxot na 'arqaic.

Éxodo 12:13

Qaq que'eca ltago'q nacheca qome ca la'anaxat naua qarma'achilli' maye qoñiitaiguilo. Qaq yaqto' qom aỹem salauat na Egipto le'ecpi, nache qaica ca 'oonolec da qoñiita da ileu. Cha'aye da sela'a ca ntago'q, nache aỹem sapactauec.

Josué 6:25

Qalaxaye so Josué ichoxoren da nachaalataxac aso Rajab, qataq 'enauac so lalamaxat lauo' le'ecpi, qataq so logoxoshetpi, cha'aye asomaye ỹoxooyiñi co'ollaxa soua dos lamaxa'she somaye maye demeenaxara co'ollaxa se'eso 'alhua Jericó. Qaq nache se'eso na'a'q chegoqchiguiña da so lalamaxat lauo' le'ecpi aso Rajab, lauoreuapi so Israel le'ecpi ivitta'a nagui.