Josué 2:16 - La'aqtaqa Ñim Lo'onatac 'Enauacna 2013

¹⁶ Ime nache 'enapegalo soomaye, 'eeta': «Qa'aỹeesheguemec qome añi qasoxonaxa yaqto' saishet da qami' ỹanatalo so alleppi maye qami' nmittrapigui. Qaq nache qanqañoxochiiñi qome caua tres na'axa'te nato' qom ñe'eguelaxaua'a na huaqta'a't nỹecpi som qami' nmittrapigui. Huaña nache ishet da qaltaq qoqui qome.»

Josué 2:16 Referans Kwoze

Santiago 2:25

Qaq 'era nataqa'en da 'eetec aso Rajab maye quisheguetaxai. Ñim Lo'onatac 'Enauacna ỹaỹamaxareeta asomaye souaxat dam ỹaỹamaqchiguiñi ỹo'ote'c soua namaxa'she co'ollaq ivildeua'a so lma', qataq ỹoxooyiñi soomaye. Qataq nataqa'en souaxat da itaua'n soomaye da naneltaxa'n, ỹaqa'a ca tateugalo nqa'aic naqa'e'n.

1 Samuel 23:14

Nache so David hua'a co'ollaxa ye toolec 'alhua, nache nqañoxotoigui so auacpi maye nasheguema añi qasoxonaxa ye Zif, qaq na'aictaxa da ica'n soua na'axa'te da so Saúl nmittaique, qalaxaye Ñim Lo'onatac 'Enauacna saishet da ỹaneguet da lhuaqỹaxac somaye.

Salmos 11:1

Ñim Nataxala' nacheñi Ñim ỹe'eguenaxala'. Qaq ỹoqo'oye qaica ca aỹem 'enapega, 'eeta': «'Aue, 'avi'iguena añi qasoxonaxa qoneta'am qome ca qoỹo.

1 Samuel 23:29

Ime, nache chegoqchiguiña yi'iye so David, da nqo'ona da naña so ñe'eguenaxaquipi ye Engadí.

Josué 2:22

Nache soua dos nmeenaxanaxanaqa je'c, tasheguemeque aso qasoxonaxapi nache nqañoxottrañi soua tres na'axa'te, qaq so alleppi nmittrapigui co'ollaxa soomaye, nmittac 'enauac na nqa'aicpi qataq naua qanayeetaleguete 'aleu' qalaxaye saishet da qaỹanatalo, nache somayepi ỹe'eguelaxaua'a ye Jericó.

Josué 2:15

Qaq cha'aye so lma' aso Rajab, na'attaua'a so lpaqtaxat so huaqta'a't nỹecpi, nache tatoiguilo naqa'en so nalloxoqui soomaye da tareueegue da laỹe, quichiguinguilo naqa'en so nañec.