Josué 2:14 - La'aqtaqa Ñim Lo'onatac 'Enauacna 201314 Nache soua nmeenaxanaxanaqa 'ena'apo': «Qomi' sanaq qome da qanachaalataxac da yaqto' saishet da qami' qaỹalaua't, qalaxaye 'am saishet qome da 'aua'axatec de'era qara'aqtac. Nache Ñim Nataxala' qom qomi' ỹanema ne'ena 'alhua, nache ỹataqta qami' sechoxorena'q qataq qami' saỹamaxataqte'.» Gade chapit la |
Qaq co'ollaq nateuga yi'iye so nta'a, nache so na'aqtaxanaxanec ỹataqta nqaqaañi, 'eeta': Ne'ena 'aramaxashec co'ollaq ỹalectaigui so alaataxac, nache anac so 'oonolec se'eso alleppi, aỹem nauega so loxonec, nache 'eeta': 'Aulo'ogue qome ne'ena ỹale, cha'aye da 'etauec namaye, nache naiguet ñaqa'en da 'anachaalataxac, huo'otaq 'ausheeten aca tres mil aca lcatpiole plata.
Qalaxaye so Josué ichoxoren da nachaalataxac aso Rajab, qataq 'enauac so lalamaxat lauo' le'ecpi, qataq so logoxoshetpi, cha'aye asomaye ỹoxooyiñi co'ollaxa soua dos lamaxa'she somaye maye demeenaxara co'ollaxa se'eso 'alhua Jericó. Qaq nache se'eso na'a'q chegoqchiguiña da so lalamaxat lauo' le'ecpi aso Rajab, lauoreuapi so Israel le'ecpi ivitta'a nagui.
Qaq ne'ena huaqta'a't nỹecpi, qataq 'enauac na huetaiguipi, ỹataqta qanlaxatchiguiñi qome da qoỹanot Ñim Nataxala', cha'aye nache lamaxasoxonaxac Ñim Nataxala'. Qalaxaye nachacata aca Rajab maye quisheguetaxai da qauchoxoyiñi qome da nachaalataxac, qataq 'enauac cam ỹe'egueneua'a ye lma', cha'aye acamaye ỹoxooyiñi co'ollaxa soua qaramaxa'ashe da nmeenaxara ne'ena.
Qaq huo'o so na'a'q, nache so Israel nomteguet da mashe sa qaỹaloq da ileu. Nache damaxasoxoneua'a so llalec José da yaqto' 'enapega, 'eeta': «Da ỹoqta 'eesa da aỹem 'anqouaguec, nache 'auacho'ot na 'arhuaq na itele'eta, nache 'aỹa'an ca 'ara'aqtac da 'aupacchigui qome dam seỹaxaneua'a. ¡Aỹem 'anqouaguec qome, saishet da aỹem 'aulayiña na Egipto!