Josué 2:12 - La'aqtaqa Ñim Lo'onatac 'Enauacna 2013

¹² Qaq ỹoqo'oye qami' seỹaxanoto da aỹem qaỹa'añim nagui ca qara'aqtaqui, hua'aqchigui qanqa'eñi Ñim Nataxala' da ỹataqta qaica qome ca qoñiỹa'ac naua maiche ỹalamaqa'ate ihuo' lashe', 'eeta'am qanqa'eñi da qami' sheeteque da ỹataqta qami' selo'ogueta. Qataq qauauo'oi qome ca la'anaxat da ỹoqta qami' 'eesora,

Josué 2:12 Referans Kwoze

Josué 2:18

Qalaxaye qom mashe ñenoxonaxaua'a ne'ena 'alhua nache ne'ena nañec togaxaraic, 'acoñeraua'a qome ñi nalloxoqui maye saqtoigui 'anqa'en da senotaxauec. Huaña nache 'anauegueua'a na 'arma' ca 'arta'a, 'arate'e, 'arqaỹañecpi, qataq 'enauac ca 'aralamaxat 'arhuo' le'ecpi.

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

1 Timoteo 5:8

Qaq ca shiỹaxaua da saishet da huapegue' na maiche lauo' le'ecpi, camaye sa nateneguet da 'eetega lpi'iỹaxac. Lamaaxa da huo'otaq saishet da huapegue' caua maiche llalqa. Nache camaye ỹoqta napacalec ca saxanaxa da da'amqaanataxan.

Romanos 1:31

Qataq saishet da nshetaique ỹaỹaten da 'eesa lataxac, qataq saishet da ishet da qaipi'iỹa'a namayepi. Cha'aye namayepi qaica ca ỹauotec qataq qaica ca ichoxoreetac.

Marcos 14:44

Qaq so Judas mashe ỹan so la'aqtac, 'eeta': –Cam ñapigoxoi', qaq nacheca ca Jesús. Qauacoñiiua'a qome, nache qauaviqui da qaucoñiye.

Jeremías 12:16

Cha'aye 'eesa da namayepi ỹapaxaguenec co'ollaxa na ỹalamaxat nhuo' le'ecpi da ỹanot da la'aqtac so Baal, qalaxaye nagui ishet da ỹalegoigui na ỹalamaxat nhuo' le'ecpi, da ỹoqta 'eesa da ỹaconeguet da la'amqaanataxanaxac na ỹalamaxat nhuo' le'ecpi, qataq da ỹan ca la'aqtac da ỹachegoxotchigui da ỹe'enaxat da, 'eeta': ‹Nca'altauec Ñim Nataxala'.›

Ester 8:6

Cha'aye ¿ca 'eeteco' da ishet da ñala'aguet dam qauem maye huotaique da talec na ihuo' le'ecpi, qataq da qanmatchiguiñi nam ỹalamaxat iqaỹañecpi?

2 Crónicas 36:13

Qaq nataqa'en dataỹa'aguet so nta'a Nabucodonosor, maye ỹanot co'ollaxa so la'aqtac da ntaune' da lo'onataxanaxac, qataq quegue da saỹalaq nache saishet da ỹe'eguelaxa Ñim Nataxala', Ñim Natamnaxala' so Israel le'ecpi.

1 Samuel 30:15

Nache so David inat somaye, 'eeta': ¿Peta'a ishet da aỹem 'auauega ca hueta'a que'eca cachaxaicpi? Nache so Egipto le'ec 'enapeco': Aja', qalaxaye da 'aỹa'anot ca 'ara'aqtac Ñim Lo'onatac 'Enauacna da saishet da aỹem 'aualauat qataq da saishet da aỹem 'aỹa'aneguet ca ña'aco', nache ishet da 'am sauega ye hueta'a yemayepi.

Josué 9:15

Huaña nache so Josué naỹamaxateto soua Gabaón lashe', nache ỹan so la'aqtac da saishet da huo'o ca 'ena'aque qataq da ichoxore'n da nachaalataxa'c. Nataqa'en se'eso lataxala'pi so Israel le'ecpi ỹaỹamaxareeta de'era aỹamaxataxac.

Josué 2:13

qataq qauchoxoyiñi qome da nachaalataxac ñi ita'a, ỹate'e, ỹaqaỹañecpi ỹalleppi qataq 'alpi, qataq 'enauaque naua maiche ỹalamaqa'ate ihuo' lashe'. ¡Nache ỹataqta qomi' qanca'alaxachiueeguesopa qome de'era nleuaxa!»

Éxodo 12:13

Qaq que'eca ltago'q nacheca qome ca la'anaxat naua qarma'achilli' maye qoñiitaiguilo. Qaq yaqto' qom aỹem salauat na Egipto le'ecpi, nache qaica ca 'oonolec da qoñiita da ileu. Cha'aye da sela'a ca ntago'q, nache aỹem sapactauec.

Génesis 24:9

Qaq huaña, nache so namaxashec ỹacho'ot na lhuaq so ltele'eta so na'aco' Abraham, nache ỹan da la'aqtac, da ỹo'ot dam iỹaxanaique so na'aco'.

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

Génesis 21:23

Qaq ỹoqo'oye nachena ne'ena souaqta'a nagui, da huaña da 'aỹa'anot ca 'ara'aqtac Ñim Lo'onatac 'Enauacna, da saishet da aỹem 'auo'otec qome ca qauem, qataq na ỹalaqpi, qataq ca aỹem chegoxoguetpi, 'aỹa'an ca 'ara'aqtac da aỹem 'auo'otec cam no'on, 'eeta'am da sheetec co'ollaxa 'am, qataq nataqa'en 'auo'otec cam ỹaỹamaqchiguiñi nam shiỹaxauapi maye hueta'a ne'ena 'alhua maye qonetaña nagui.»

Génesis 40:14

Qaq qom ipacchigui de'era, qaq no'on da aỹem 'auennata'a qome, nache aỹem 'anqouaguec qome da qonapega ñi faraón, da ñaq aỹem nqateeguesop ne'ena soota'a. ¡Ñaq aỹem 'anqouaguec qome!

Josué 2:19

Qalaxaye da huo'o ca 'oonolec namayepi da maiche ca'ai na 'arma', nache camaye maiche nasouaxaala't da ileu, nache saishet da qarasouaqtac. Qalaxaye da huo'o ca ỹe'egueeta'a cam hueta'a na 'arma', nache qomi' qarasouaxashet camaye.

Josué 6:22

Qalaxaye so Josué 'enapegalo soua dos lamaxa'she maye demeenaxara co'ollaxa se'eso 'alhua, 'eeta': «Qanqo'oñiiua'a ca lma' aca'aca quisheguetaxai, nache qanqacheeuec qataq 'enauac ca lalamaxatpi, nache qaupaquiichigui som qaỹa'añim qara'aqtaqui co'ollaxa.»

Jueces 1:24

Qaq se'esoua nmeenaxanaxanaqa co'ollaq ilora'a so ỹale maye chegoqtaua'a se'eso huaqta'a't nỹecpi, nache 'ena'apo': «Da qomi' 'auachaxanalo ca ñegeuo ne'ena huaqta'a't nỹecpi, nache qomi' saishet da huo'o ca 'am shenaqa'ac.»